Zacarías 9
9
Israel nacionpa vecïnun nacionkunapaq willanqan
1Kaychömi qellqashqa kaykan Dios Yayapa willakuynin Hadrac markachö y Damasco markachö täkuq runakunapaq.#Isa. 17.1-3; Jer. 49.23-27; Amós 1.3-5. Llapan trïbu Israel runakuna imanö kawayanqanta Dios Yaya rikanqannöllam Siriachö täkuq runakunatapis rikaykan. 2Damascupa lindërunchö täkuq Hamat runakunata, Tiro runakunata y Sidón runakunata mayjina yachaq kayaptinpis paymi juzgananpaq rikaykan.#Isa. 23.1-18; Eze. 26.1—28.26; Joel 3.4-8; Amós 1.9-10; Mat. 11.21-22; Luc. 10.13-14.
3Tiro runakunam markankunata tsapänanpaq altu murällata shäritsiyashqa. Alläpa rïcu kayänanpaqmi allpatanöraq yuraq qellayta qoriyashqa y qetätanöraq qorita qoriyashqa. 4Peru tsaynö kaykäyaptinmi Dios Yaya muchuywan castiganqa. Imaykankunatapis lamarman jitaskirmi markankunata jankat rupatsinqa.
5Tsayta rikarmi Ascalón markachö täkuqkuna alläpa mantsakäyanqa. Gaza runakunapis alläpa llakikurmi tsuktsukyäyanqa. Pipis yanapananpaq manana kaptinmi Ecrón runakuna alläpa llakikuyanqa. Gaza markapa mandakuqnintapis wañutsiyanqam. Ascalón markapis tsunyam quëdanqa. 6Asdod markachöpis juklä runakunam täkuyanqa.
Dios Yayam nin: <<Allish tukuyanqanpitam filisteo#9.6 Ascalón, Gaza, Ecrón y Asdod markakunaqa filisteo runakuna täkuyanqan markakunam karqan. runakunata castigashaq.#Isa. 14.29-31; Jer. 47.1-7; Eze. 25.15-17; Joel 3.4-8; Amós 1.6-8; Sof. 2.4-7. 7Yawartashqa aytsata mikuyanqantapis shiminkunapitam qechushaq. Ïdulukunapaq kankayanqan sacrificiuta mikuykäyaptinmi qechushaq.
<<Peru kawaykar quëdaq runakunam sïqa noqatana serviyämar Judá runakunanöna kayanqa. Ecrón runakunam jebuseo#9.7 Jebuseo runakunaqa Jerusalénchö Israel runakuna manaraq täkuyaptinmi täkuyarqan. Jebuseo runakunata wañutsinqanpa rantinmi Israel runakuna dëjayarqan paykunawan paqta kayänanpaq. Tsaypaq masta musyanaykipaq liyinki 2Sam. 5.6-7; 24.18; 1Rey. 9.20-21. runakunanö kayanqa.
8<<Templüta pipis mana atacananpaqmi kikï cuidashaq. Kuyanqä runakunata pipis mana ñakatsinanpaqmi kikï rikäshaq>>.
Siónman rey chaptin alabayanqan
9<<¡Sión runakuna, alläpa kushikuyay!
¡Jerusalén runakuna, kushikur cantayay!#Sof. 3.14-15.
Rikäyay mandaqniki rey shamuykaqta.
Paymi allillata ruraq salvashuqniki.
Qollmi shonqu karmi ashnun montashqa shamuykan.
Mallwa ashnun montashqam shamuykan.#Mat. 21.5-6; Juan 12.14-15.
10<<Paymi Efraín runakunapa guërra carrëtankunata ushakätsinqa.
Jerusalénchö guërrapaq bestiakunatapis jankatmi ushakätsinqa.
Guërrata rurayänanpaq flëchankunatapis llapantam ushakätsinqa.
Paymi maytsay nacionchö täkuq runakunapaq alli kawayta apamunqa.
Lamar kuchunpita jukaqlä kuchunyaqmi kay patsachö täkuqkunata mandanqa.
Tsaynöllam Éufrates mayupita kay patsa kuchunyaq mandanqa.#Sal. 72.8.
11<<Jerusalén runakuna, yawarta jichar pactu ruranqantsikta yarparmi yanapayäshayki.#Éxo. 24.8; Mat. 26.28; Mar. 14.24; Heb. 9.20.
Jatun tsaki pözuchönö prësu kaykäyanqaykipitam jipiyämushayki.
12¡Juklä nacionchö täkurpis kutimuyta yarparqa nacionnikikunaman kutikayämuy!
Alläpa ñakayanqaykipitam ishkay kuti mas bendicionnïta churamushaq.
13Judá runakuna, flëchakunänömi kayanki.
Efraín runakuna, flëchänömi kayanki.
Sión runakuna, espädänömi kayanki.
Qamkunatam mandayäshayki Grecia runakunata podernikikunaman churayänaykipaq>>.
14Kuyanqan runakunaman Dios Yaya shamurmi flëchankunatapis imayka maqakuytanöraq contrankunaman flëchanqa.
Poderösu Dios Yayam cornëtanta töcar sur kaqläpita apäkuy wayranö shamunqa contrankunata ushakätsinanpaq.
15Kuyanqan runakunatam llapanta mandaq Dios Yaya tsapanqa.
Tsaynö tsapaptinmi contrankuna warakarpis chätsiyanqatsu.
Tsaymi kuyanqan runakuna kushikurnin machashqa runanö büllata rurayanqa.
Chikiqninkunata wañuskatsirmi yawarninwan pichukashqa kayanqa.
Sacrificiupaq qoriyanqan yawar tazonchö junta wiñaraqnö y altarpa waqrankunachö yawar pichukashqanömi chikiqninkunapa yawarninkunawan pichukashqa kayanqa.
16Tsay junaqmi kuyanqan runankunata Dios Yaya salvanqa.
Mitsikuq runa üshankunata salvanqannömi paykunatapis salvanqa.
Kuyanqan runankunam corönachö kuyakuypaq adornunö nacionninkunachö kayanqa.
17Täkuyanqan nacionmi imayka täkuypaq y kuyakuypaq kanqa.
Trïgupis mushuq vïnupis atskam kanqa.
Tsaychömi ollqu wamrakuna y warmi wamrakunapis kuyakuypaq wiñayanqa.#Jer. 31.12.
Currently Selected:
Zacarías 9: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
