Zacarías 1

Jutsa rurayta dëjayänanpaq Dios Yaya ninqan

1Rey Darío juk wata pusaq killana mandakuq kaykanqan witsaymi#1.1 Daríuqa Persia nacionpa mandakuqninmi karqan. Israel runakunapaqqa pusaq kaq killam karqan pullan octubripita pullan noviembriyaq. Calendariuntsikchöqa tsay wata karqan 520 a. C. noqa profëta Zacaríasta#Esd. 4.24—5.1; 6.14; Neh. 12.16. Dios Yaya parlapämarqan. Noqam kä Berequíaspa tsurin y Iddupa willkan.

2Dios Yayam nimarqan: <<Noqam unay Israel runakunawan alläpa rabyakurqä. 3Israel majikikunata kanan ninki: <Llapanta mandaq Dios Yayam nin: ¡Noqaman kutiyämuy! Kutiyämuptikiqa yapaymi yanapayäshayki.#Isa. 55.7; Mal. 3.7. 4Unay castaykikunanö chukru shonqu ama kayaytsu. Paykunataqa profëtakunawanmi willakatsirqä jutsankunata dëjaskir noqaman kutiyämunanpaq. Peru tsaynö nikaptïpis manam cäsuyämarqantsu. Noqa Dios Yayam nï.

5<< <Tsay castaykikunawanmi profëtakunapis ushakäyashqana. 6Servimaqnï profëtakunawan willakatsinqänöllam llapan päsashqa. Willakatsinqänö castigaptïmi jutsa rurayanqanpita arrepentikur niyarqan: <<Castigamänapaq ninqannöllam llapanta mandaq Dios Yaya mana cäsukunqantsikpita castigamashkantsik>> > >>.

7Rey Darío mandakuq kanqan kimsa watata cumplinanpaq juk killa faltaykaptinmi ishkay chunka chusku (24) junaqchö noqa profëta Zacaríasta Dios Yaya yapay parlapämarqan. Tsayqa Sebat killam karqan.#1.7 Calendariuntsikchöqa tsay junaq karqan 15 de febreru, wata 519 a. C.

8Juk paqasmi revelacionchö rikarqä puka bestian montashqa runata. Tsay runam atska arrayán jachakuna kanqan raqrachö kaykarqan. Qepanchömi puka, bäyu y yuraq bestian montashqa runakuna kaykäyarqan.#Zac. 6.2-3; Apoc. 6.2-4.

9Tsay höram juk ángel parlapämarqan. Paytam tapurqä: <<Taytay, ¿pikunatan taqay bestiankuna montashqa runakuna?>>

Tsaynö tapuptïmi nimarqan: <<Kanan willashayki pikuna kayanqanta>>.

10Arrayán kaykanqan kaqchö runanam nimarqan: <<Paykunaqa entëru kay patsata rikapakuyänanpaq Dios Yaya kachamunqankunam kayan>>.

11Arrayán jachakunachö kaykaq runaqa Dios Yayapa angelninmi karqan. Tsaymi bestian montashqa kaykaqkuna tsay angelta niyarqan: <<Maytsaypa aywarmi rikäyashkä runakuna tranquïlu kawakuykäyaqta>>.

12Tsaymi Dios Yayapa angelnin nirqan: <<Llapanta mandaq Dios Yaya, qanchis chunka (70) watana päsaykaptinpis#Jer. 25.11; 29.10; Zac. 7.5. ¿jinallaku Jerusalén y Judá runakunata mana llakipar rabyashqa kaykanki?>>

13Tsaynö niptinmi noqawan parlaykaq angelta Dios Yaya alli shimillanpa parlaparqan. 14Tsay angelnam willakunäpaq nimarqan: <<Llapanta mandaq Dios Yayam nin: <Jerusalénta y Sión lömatam alläpa kuyä. 15Tsaymi atacaqnin nación runakuna tranquïlu kawaykäyaqta rikar alläpa rabyakü. Israel runakunawan rabyashqa kar castigaptïmi paykunaqa alläpana ñakatsiyashqa. 16Noqa Dios Yayam nï: Kananmi Jerusalénta llakipäshaq. Yapaymi wajïta y Jerusalén markatapis shäritsiyanqa. Noqa llapanta mandaq Dios Yayam tsaynö nï> >>.

17Tsaynöllam tsay ángel nimarqan: <<Masta willakuy: <Llapanta mandaq Dios Yayam nin: Noqam bendicionnïta churashaq Judá markakunachö imaykapis atska kananpaq. Sión lömachö täkuq runakunatam llakipäshaq. Noqapa kananpaqmi Jerusalén markata yapay qorishaq> >>.

Chusku waqrakunata y chusku herrërukunata revelacionchö rikanqan

18 18 (2.1) Tsaypitanam revelacionchö chusku waqrakunata rikarqä. 19 19 (2.2) Tsaymi noqawan parlaykaq angelta tapurqä: <<¿Imaninantan tsay waqrakuna?>>

Tsaymi nimarqan: <<Tsay waqrakunam kayan Judá runakunata, Israel runakunata y Jerusalén runakunata maytsaypa qarquq nacionkuna>>.

20 20 (2.3) Tsaypitam Dios Yaya chuskuq herrërukunata rikätsimarqan. 21 21 (2.4) Tsaymi angelta tapurqä: <<¿Imaqtan tsay herrërukuna shayämushqa?>>

Tsaymi nimarqan: <<Paykunaqa tsay waqrakunata ushakätsiyänanpaqmi shayämushqa. Tsay waqrakunam kayan Judá nación runakunata maytsaypa qarquq nación runakuna. Qarquyaptinmi Judá runakuna alläpa penqakuyarqan>>.

Currently Selected:

Zacarías 1: qxn

Highlight

Copy

Compare