Cantar de Cantares 5
5
Jöven:
1Kuyay warmillä, huertächönam kaykä.
Mïrra perfümitawan kuyakuypaq mushkuq waytakunatam qoriykä.
Panalchö mishkitam yawaykäna.
Lichita y vïnutam upyaykäna.
Yanasankuna:
Amïgukuna, mikuyay, upyayay teqllayanqaykiyaq.
Chusku kaq cantu
Jipash:
2Puñurpis wiyaq wiyaqllam puñurqä.
Tsaynö puñuykarmi kuyayllä qayakamuqta wiyarqä.
Jöven:
¡Kuyakuypaq paluma, punkuykita kichapaykallämay!
¡Umäpis shushallnömi!
¡Paqaspa shushallmi umäpitapis shutuykan!#5.2 Punkuykita kichapaykallämay ninqanqa jipashpa cuerpunpaqmi nikan. Shushallmi umäpitapis shutuykan ninqanqa jövinpa cuerpunpaqmi nikan.
Jipash:
3Llatapätapis llushtikushqanam kaykä.
¿Yapaytsuraq shukuküman?
Chakïtapis mayllakushqanam kaykä.
¿Yapaytsuraq polvuwan taqräküman?
4Kuyanqä jövinmi punku uchkupa#5.4 Tsay ninqanqa ishkay sentïduyuqmi. Waji punkupa makinta jatinqanta nirllam jipashman jöven yaykunanpaq kanqanta nin. makinta jatimurqan.
Makinta jatimuptinmi shonqüpis tsuktsukyarqanraq.
5Alläpa kuyarmi jina höra sharkur punkuta kichapurqä.#5.5a Tsaynö ninqanpis ishkay sentïduyuqmi. Punkuta kichapunanpaq shärinqanta niqnöllam jövinta oqllakurkuyta munanqanta nin.
Makïpita dëdüpitam mïrra perfümi punkupa trancashqankunaman shuturqan.#5.5b Tsay ninqanqa ishkay sentïduyuqmi. Makinchö y punkupa trancananchö perfümi kanqanta niqnöllam jövinta munapar jipashpa cuerpun oqushqa kanqanta nin.
6Punkuta kichanäpaq kuyanqä jöven manam kanaqnatsu.
Aywakushqana kaptinmi alläpa llakirqä.
Ashirpis manam tarirqätsu.
Qayakuptïpis manam contestamarqantsu.
7Tsaynö ashir puriykaqtam marka täpaq runakuna tariyämarqan.
Paykunam maqaskayämar yawarllatana dëjayämashqa.#5.7 Tsay witsayqa manam warmi kikillanqa paqaspa puriqtsu. Tsaymi prostitüta kanqanta yarpar maqayaq tsaynö mana purinanpaq.
Tsapakunäpaq jakütam qechuyämashqa.
8Jerusalén jipashkuna, qamkunatam rugayaq.
Kuyanqä jövinta rikarqa willaykuyällay payta kuyarnin qeshyaykanqäta.
Yanasankuna:
9Pïmaypitapis mas kuyakuypaq jipash, ¿imanirtan tsay jövinta tsayläya kuyanki?
Tsaynö encargakayämänaykipaq ¿imanö kaptintan tsayläya kuyanki?
Jipash:
10Kuyanqä jövinmi shumaq allish chölu.
Chunka waranqa (10,000) runakunapa chawpinchö karpis reqiypaqmi kaykan.
11Umanpis qorinöraq kuyakuypaqmi.
Qashpa aqtsanpis cuervunö#5.11 Cuervuqa yukrispita mas jatun yanam. yanam.
12Ñawinkunapis shumaq kuyakuypaqmi.
Lichiwan armakushqa ishkay palumakuna pözu lädunchö jamaykaqnömi ñawinkuna.
13Qaqllanpis mushkuq waytakuna huertachö pushuqaraqnömi.
Shiminpis liriu waytapita mïrra perfümi shutuqnömi.
14Makinkunapis jacinto rumikunawan adornashqa qori sortïjanömi.
Cuerpunpis zafiro rumikunawan adornashqa kuyakuypaq marfilnömi.
15Chankankunapis qori jawiräkunan jananchö marmolpita#5.15 Marmol niyanqan rumitam shumaq llampuyätsiyaq kuyakuypaq kananpaq. Marmolpitam pïsukunata, columnakunata, grädakunata y imayka adornukunatapis rurayarqan. rurashqa paranti ichiraqnömi.
Líbanuchö mas altu kaq cedru jachanömi kuyakuypaq.
16Parlayninmi imaypis wiyay munay.
Paynöqa manam ni pipis kantsu.
Jerusalén jipashkuna, tsaynö alläpa kuyakuypaqmi kuyanqä jöven.
Tsaynömi kuyaylläqa.
Currently Selected:
Cantar de Cantares 5: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
