Cantar de Cantares 6
6
Yanasankuna:
1Pïmaypitapis mas kuyakuypaq jipash, ¿maypatan kuyanqayki jöven aywashqa?
¿Maypatan aywanan kashqa?
Ashïsiyänaqpaq willayämay.
Jipash:
2Kuyaylläqa huertanmanmi urashqa.
Mushkuq waytakuna huertanmanmi yaykushqa.
Huertakuna kaqchö mikunanpaqmi aywashqa.
Tsaychömi liriu waytakunata pallanqa.#6.2 Tsay huertaqa y liriu waytakunaqa kikin jipashmi.
3Kuyamaqnïqa noqallatam kuyaman.
Noqapis payllatam kuyä.
Paymi liriu waytakuna kaqchö mitsikun.
Pitsqa kaq cantu
Jöven:#Cant. 2.16.
4Kuyayllä, qammi Tirsa y Jerusalén markanöpis kuyakuypaq kanki.
Atskaq soldädukuna guërraman aywayanqan mantsakaypaq kanqannömi kuyakuypaq kanqaykipis mantsakaypaq.
5Ama rikapämaytsu.
Rikapämarmi löcuyätsimanki.
Aqtsaykipis atska cabritukuna Galaad jirkakunachö tushur puriqnömi.
6Kiruykikunapis majädachö tsayraq armatsishqa yuraq üshakunanöraqmi.
Parninpa parninpam kuyakuypaq.
Manam jukllayllapis faltantsu.#Cant. 4.1-2.
7Vëluyki rurinchö qaqllaykipis granadïllanömi ishkanläpa kuyakuypaq pukanraq.
8Mandakuq reypa soqta chunka (60) warminkuna kayaptinpis
pusaq chunka (80) concubïnankuna kayaptinpis
y yupaytapis mana puëdiypaq jipashninkuna kayaptinpis
9kuyanqä palumitallämi llapanpitapis mas kuyakuypaq.
Paytam mamanpis alläpa kuyan.
Jipash majinkunapis kuyakuypaq kanqanta rikarmi aläbayan.
Reypa warminkuna y concubïnankunapis alli warmi kanqantam parlayan.
Yanasankuna:
10Manam ni pipis kantsu kuyanqayki jipashnöqa.
Waraq lucëru atsikyaqnö y killa kuyakuypaq kanqannömi kaykan.
Rupay chipakyaqnömi kuyakuypaq kaykan.
Atskaq soldädukuna guërraman aywayanqan mantsakaypaq kanqannömi kuyakuypaq kanqanpis mantsakaypaq kaykan.
Jöven:
11Nogal jachakuna kanqan huertamanmi yaykushkä.#6.11 Nogal jachakuna kanqan huertamanmi yaykushkä ninanqa jipashmanmi yaykushkä ninanmi.
Tsaymanmi yaykushkä mayu kuchun pampa verdiraykaqta rikänäpaq,
üva tseqlliykaqta rikänäpaq
y granadïlla tuktuykaqta rikänäpaq.
12Tsaychömi illaqpita tantiyaskirqä reypa carrëtanchö kaykaqnöraq.
Yanasankuna:
13 13 (7.1) ¡Kutikallämuy, Sulamita, kutikallämuy!
¡Qamtam rikayta munayaq!
¡Kutikallämuy! ¡Kutikallämuy!
Jipash:
¿Imanö kaykaqtatan rikäyämayta munayanki?
Yanasankuna:
¡Campamentuchö tushuykaqtanömi rikayta munayaq!
Currently Selected:
Cantar de Cantares 6: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
