Cantar de Cantares 2

Jipash:

1Sarónchö rösa waytam kä.

Pampachö wiñaq liriu waytam kä.

Jöven:

2Kuyakuyllä, kashakunachö liriu waytam kanki.

Qammi llapan jipashkunapitapis mas kuyakuypaq kanki.

Jipash:

3Kuyayllä, jachachö manzäna wayuqnömi llapan jövinkunapitapis mas kuyakuypaq kanki.

Läduykiman jamaykurqa manam witiyta valorätsu.

Kuyakuynikipis mishkinömi.

4Banquëtita ruranqayki wajikimanmi pushamashkanki.#2.4 Banquëtita ruranqayki wajikimanmi pushamashkanki ninanqa kuyanakunapaq pushamashkanki ninanmi.

Tsaychömi kuyamar abrazarämashkanki.

5Qamta kuyaptiqmi shonqupis shonqunatsu.

Päsastawan manzänata sas qaramay.#2.5 Päsastawan manzänata sas qaramay ninanqa saslla kuyamay ninanmi.

6Ima alliraq kanman itsuq kaq rikraykita jawnarkatsimaptiki.

Ima alliraq kanman derëcha kaq rikraykiwan abrazarkamaptiki.

Jöven:

7Jerusalén jipashkuna, lluytsukunapa y tarushkunapa shutinchö prometiykayällämay kuyayllä puñukashqata mana rikchatsiyänaykipaq.

Puñuyta teqllanqanyaq puñukutsun.

Ishkay kaq cantu

Jipash:

8¡Kuyakunqä jövinpa voznintam wiyaykä!

¡Paymi shamuykanna!

¡Jirkakunapam saltaykacharraq shamuykan!

9Kuyakunqä jövinmi lluytsunö.

Paymi kuyakuypaq mallwa lluytsunö.

¡Wajï waqtanchönam kaykan!

¡Ventänapanam qawaykämun!

¡Rejïllapanam rikaykäman!

Jöven:

10Kuyayllä, aywakunapaq shäriy.

Kuyanqä jipash, saslla aywakushun.

11Tamya tiempu päsashqanam.

Usya tiempuchönam kaykantsik.

12Entëru jirkakunachömi waytakunapis pushuqararraq tuktun.

Cantana tiempupis chämushqanam.

Kullkushkuna cantayanqanpis maytsaychönam wiyakaykan.

13Hïgus jachakunapis shaqyararraqmi wayun.

Üva jachakunapapis mushkuyninmi musyatsikaykämunna.

Kuyayllä, saslla sharkur aywakushun.

14Kuyayllä paluma, qaqakunachö y tsunyakunachö amana tsinkaraynatsu.

Parlanqaykitam wiyayta munä; qaqllaykitam rikayta munä.

Parlanqaykim wiyay munay.

Qaqllaykipis alläpam kuyakuypaq.

Jövinwan jipash:

15Üvantsikkunapis shumaqmi tuktuykäyan.

Cuidädutaq mallwa atuqkuna ushayanman.#2.15 Üvantsikkunapis shumaqmi tuktuykäyan ninanqa kuyanakunqantsik kushikuypaq ninanmi. Cuidädutaq mallwa atuqkuna ushayanman ninanqa cuidakushun kuyanakunqantsikta imapis mana ushakätsinanpaq ninanmi.

¡Tsay atuqkunata wañutsishun!

Jipash:

16Kuyamaqnïqa noqallatam kuyaman.

Noqapis payllatam kuyä.

Paymi liriu waytakuna kaqchö mitsikun.#2.16 Liriu waytakunaqa kikin jipashmi. Mitsikun ninanqa noqata kuyaman ninanmi.#Cant. 6.3.

17Kuyayllä, patsa manaraq waraptin y llantupis manaraq päsaptin lluytsunöraq y mallwa lluytsunöraq Beter jirkakunaman#2.17 Hebreo idiömachö Beter ninanqa ishkayman rakishqa ninanmi. Beter jirkakunapaq parlarqa kikinpa chuchunpaq o cuerpunpaqmi jipash parlaykan. kutikallämuy.

Currently Selected:

Cantar de Cantares 2: qxn

Highlight

Copy

Compare