Romanos 13

Autoridäkunata cäsunapaq ninqan

1Llapan autoridäkunata Dios Yaya churashqa kaykaptinqa paykunata cäsuyay. 2Autoridäkunata mana cäsurqa Dios Yayatapis manam cäsuyantsu. Autoridäkunata mana cäsuq kaqtaqa Dios Yayam juzganqa.

3Autoridäkunata cäsuqkunaqa manam mantsaq mantsaqllatsu puriyan. Peru mana cäsuqkunam sïqa mantsaq mantsaq puriyan. Tsaynö mana puriyänaykipaq autoridäkunata cäsuyay. Cäsuyaptikiqa paykuna allim rikäyäshunki.

4Mana allita rurashqam autoridäkuna castigamäshun. Paykunatam Dios Yaya churashqa alli ruraqkunapa favornin shäriyänanpaq y llutan ruraqkunata castigayänanpaq. Manam por gustutsu autoridäqa kayan. 5Tsaymi autoridäkuna ninqankunata cäsushun. Manam castigamänapaq kaptinllatsu cäsushun, masbienmi Dios Yayata respitar.

6Runakunata shumaq rikarmi autoridäkunapis Dios Yayata serviyan. Autoridäkunata Dios Yaya churashqa kaykaptinqa impuestukunatapis pägashun. 7Cumpliyänaykipaq kaqkunata llapanta cumpliyay. Impuestuta pägayänayki kaptinqa pägayay. Pitapis respitayänayki kaptinqa respitayay. Pitapis aläbayänayki kaptinqa aläbayay.#Mat. 22.21; Mar. 12.17; Luc. 20.25.

Kuyanakunapaq ninqan

8Pitapis dëbirqa pägayay. Pitapis dëbir pägayänaykipaq yarpachakuyanqaykinölla kuyanakuyänaykipaqpis yarpachakuyay. Runa majintsikta kuyarmi Dios Yayapa leyninkunatapis cumplintsik. 9Tsay leykunachömi nin:

<<Ama majayuq kaykar jukwan purikunkitsu.#Éxo. 20.14; Deut. 5.18.

Ama runa majikita wañutsinkitsu.#Éxo. 20.13; Deut. 5.17.

Ama suwakunkitsu.#Éxo. 20.15; Deut. 5.19.

[Ama manakaqkunata pitapis tumpankitsu.]#Éxo. 20.16; Deut. 5.20.

Ama runa majikipa imaykankunatapis munapankitsu>>.#Éxo. 20.17; Deut. 5.21.

<<Kikiki kuyakunqaykinö runa majikita kuyanki>> ninqan mandamientuta cumplirqa llapan mandamientukunatam cumplintsik.#Lev. 19.18. 10Runa majintsikta kuyarqa manam mana allikunata rurantsiktsu. Tsaynöpam Dios Yayapa llapan leyninkunata cumplintsik.

Jutsa ruraykunata dëjanapaq ninqan

11Jesucristo kutimur salvamänapaq tiempu chaykämunnam. Tsaymi puñukashqanö kanqantsikpita rikchashun. 12Patsa waränanpaqnöna kaykaptinqa jutsa ruraykunata dëjaskir Dios Yaya munanqannöna kawanapaq yarpachakushun. Tutapaychönö kawanqantsikpa rantin aktsichönöna kawakushun. Espädan alistakushqa soldädu kanqannö noqantsikpis kashun.

13Aktsichönö kawakurqa amana jutsa ruraychö kawashunnatsu. Wakin kaq runakuna qorikaykur mikur upyar mana allikunata rurayaptinpis noqantsikqa ama tsaynö kashuntsu. Tsaynölla majayuq kaykar jukwan purikushuntsu ni majannaq karpis juknin jukninwan kakushuntsu. Ama qayapänakushuntsu ni chikinakushuntsu. 14Tsaypa rantin taqra llatapata llushtikur dëjaqnö jutsa rurayta dëjaskir Jesucristupa poderninchöna kawakuyay. Mana allikunata rurayta munarpis ama rurayaytsu.

Currently Selected:

Romanos 13: qxn

Highlight

Compare

Copy