Salmo 95
95
Salmo 95 (94)
Dios Yayata kushishqa alabanqan
1 Dios Yayata kushishqa alabanapaq llapayki shayämuy.
Tsapämaqnintsikta y salvamaqnintsikta adorashun.
2Dios Yayapa puntanman aywaykur#95.2 Dios Yayapa puntanman aywaykur ninqanqa Dios Yayapa templunman aywaykur ninanmi. agradëcikushun.
Alabanzakunata cantar alabashun.
3 Dios Yayam llapanpaq poderösu rey.
Llapan dioskunapita mas poderösu reymi.
4Poderninchömi patsa rurinpis.
Paypam altu jirkakunapis.
5Kamashqa kaptinmi lamarpis paypa.
Kikinmi makinwan kay patsatapis kamashqa.#Sal. 24.1-2; 89.11-12.
6 Dios Yayata qonqurikur adoranapaq llapayki shayämuy.
Puntanman qonqurikushun.
Paymi kamamaqnintsik.
7Paymi Diosnintsik.
Akranqan runakunam kantsik.
Majädanchö üshanmi kantsik.
Dios Yaya ninqanta kanan junaq wiyaykarqa
8Meriba partichö unay aylluykikuna chukru shonqu kayanqannö ama kayaytsu.
Masah desiertuchö 9yanapanqäta rikaykarpis paykunaqa munayanqantam ruratsiyämayta munayarqan.#Éxo. 17.1-7; Núm. 20.1-13; Heb. 3.15; 4.7.
10Tsay janan paykunawan chusku chunka (40) wata rabyashqa karmi nirqä:
<<Kay runakunaqa oqrakashqanömi kayan.
Yätsinqätapis manam cäsukuyantsu>>.
11Tsaymi alläpa rabyar jurar nirqä:
<<Paykunaqa prometinqä jamayman manam yaykuyanqatsu>>.#Núm. 14.20-23, 33; Deut. 1.34-36; 12.9-10; Heb. 3.7-11; 4.3, 5.
Currently Selected:
Salmo 95: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
