Salmo 96
96
Salmo 96 (95)
Mushuq alabanzata cantar alabanqan
1 Crónicas 16.23-33
1Mushuq alabanzata cantar Dios Yayata alabayay.
Kay patsachö kaqkuna, Dios Yayata llapayki alabayay.
2Dios Yayapa shutinchö cantayay.
Salvakuq kanqanta waran waran willakuyay.
3Poderösu kanqanta maytsay nacionkunachö willakuyay.
Mantsakaypaq ruranqankunata maytsay markakunachö willakuyay.
4 Dios Yaya allillata ruraq kanqanpita tsaynö willakuyay.
Llapan runakunapis payta alabayänanpaq willakuyay.
Paymi ima diospitapis mas mantsaypaq kaykan.
5Wakin markakunapa diosninkunaqa ïdulullam.
Peru Dios Yayaqa poderösu karmi ciëlutapis kamashqa.
6Mantsakaypaq kaqkunata ruraptinmi puntanchö pïmaypis alabayan.
Poderösu kayninwan kuyakuypaq kayninmi templunchö kaykan.
7Maytsay markachö täkuqkuna, Dios Yayata alabayay.
Poderösu kanqanpita payta adorayay.
8 Dios Yayapa shutinchö adorayay.
Ofrendata aparkur templunman aywayay.
9Poderyuq santu Dios Yayata adorayay.
Entëru munduchö täkuq runakuna puntanchö tsuktsukyäyätsun.
10Maytsay nacionkunachö täkuq runakunata niyay:
<<Dios Yayam japallan rey.
Paymi kay patsata kamashqa mana kuyukuqta.
Paymi llapan runakunatapis rasun kaqllata juzganqa>>.
11Ciëlupis kay patsapis kushikuyätsun.
Lamar y tsaychö kaqkunapis bunyaypa bunyar kushikuyätsun.
12Chakrakuna y tsaychö kaqkunapis kushikuyätsun.
Muntichö kaq jachakunapis kushikuyätsun.
13 Dios Yayapa puntanchö kushishqa cantayätsun.
Paymi kay patsachö juzgananpaq shamuykan.
Paymi llapan nación runakunata mana jananpar juzganqa.
Currently Selected:
Salmo 96: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
