Salmo 88
88
Salmo 88 (87)
Wañuypita salvananpaq mañakunqan
1 (1) Kay salmuta cantanapaqmi Corépita miraqkuna qellqayarqan. Cantaqkunapa mandakuqninpaqmi. Mahalat.#88.0 Mahalatqa unay kaq hebreo palabram. Imata ninqanpis manam musyakantsu. Ezra casta runa Hemán qellqanqan salmum.
1 1 (2) Salvamaq Dios Yayallä, paqaspa junaqpapis yanapamänaykipaqmi mañakamuq.
2 2 (3) ¡Mañakamunqäta wiyaykallämay!
¡Rugakamunqäta äniykallämay!
3 3 (4) Alläpam sufriykä.
Wañuypis janächönam.
4 4 (5) Wañunäpaqna kanqantam pïmaypis yarpäyan.
Manam kallpäpis kannatsu.
5 5 (6) Ayakuna jitaranqanchö jitaraqnömi kaykä.
Guërrachö wañutsishqa runa pamparaqnömi kaykä.
Dëjanqayki runanömi kaykä.
Jankat qonqanqayki runanömi kaykä.
6 6 (7) Mantsakaypaq patsapa shimin kichakashqamannömi alläpa tutapayman jitarpamashkanki.
7 7 (8) Alläpa rabyar castigamaptikim imayka lamarman tallpukashqanö kaykä. Selah
8 8 (9) Llapan amïgükunata puntäpita qarquskiptikim japalläna kaykä.
Paykunam rikämaytapis munayannatsu.
Carcelchö qaykuraqnömi maypa qeshpiytapis puëdïtsu.
9 9 (10) Alläpa waqaywanmi ñawïpis qaprayanna.
Dios Yaya, waran waranmi rugakamuq.
Makïta pallarkurmi mañakamuq.
10 10 (11) Milagrukunata ruraptikipis ¿wañushqakuna rikäyanqatsuraq?
Pamparäyanqanpita agradëcikuyäshunaykipaq ¿shäriyämunqatsuraq? Selah
11 11 (12) Kuyakuq kanqaykita ¿sepultürachö parlayanqatsuraq?
Alli kanqaykita ¿ayakuna willanakuyanqatsuraq?
12 12 (13) Wañuskirqa llapantam qonqayanqa.
Allikunata ruranqaykita y mantsakaypaq ruranqaykitapis ¿piraq yarpanqa?#Job 10.21-22; Sal. 6.5; 115.17; Isa. 38.18-19.
13 13 (14) Dios Yaya, noqam sïqa yanapamänaykipaq rugakurniki mañakamuq.
Tsaka tsakallam qamta rugakamuq.
14 14 (15) Dios Yaya, ¿imanirtan dëjaskamanki?
¿Imanirtan noqapita tsinkakunki?
15 15 (16) Jöven kanqäpitam alläpa ñakar awja puntanllapa wañuypita qeshpishkä.
Mana awantaypaq castïgukunawanmi sufritsimashkanki.
Mananam masta awantänatsu.
16 16 (17) Rabyar castigamaptikim alläpa mantsakashqa kaykä.#Job 6.4.
17 17 (18) Imay hörapis ñakaykunallam tumapäman.
Tsay ñakaykunawanmi yakuchö shinqaqnö kaykä.
18 18 (19) Amïgükunata y ayllükunatam puntäpita qarqushkanki.
Kananqa tutapaychönömi alläpa llakishqa kaykä.
Currently Selected:
Salmo 88: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
