Salmo 89
89
Salmo 89 (88)
Davidta prometinqanpita Dios Yayata alabanqan
1 (1) Kay salmum Ezra casta Etán qellqanqan salmu.
1 1 (2) Dios Yaya, llakipäkuq kanqaykipitam imaypis alabashayki.
Llapan prometinqaykita cumpliq kanqaykitam imaypis willakushaq.
2 2 (3) Noqam willakushaq imaypis kuyakuq kanqaykita.
Prometinqaykikunaqa ciëlunöpis manam cambiantsu.
3 3 (4) Qammi nirqayki: <<Akranqä runawanmi pactuta rurarqä.
Servimaqnï Davidta prometirmi nirqä:
4 4 (5) <Noqam permïtishaq qampita miraqkuna imayyaqpis rey kayänanpaq> >>.#2Sam. 7.12-16; 1Crón. 17.11-14; Sal. 132.11; Hech. 2.30. Selah
5 5 (6) Dios Yaya, mantsakaypaq kaqkunata ruranqaykipitam ciëluchö kaykaqkunapis alabayäshunki.
Cumpliq kanqaykipitam puntaykichö kaykaq angelkunapis adorayäshunki.
6 6 (7) Qamnöqa ciëluchö manam ni pï kantsu.
Poderösu karpis manam qammanqa iwalantsu.
7 7 (8) Ciëluchö angelkuna qorikäyanqanchöpis mantsaypaqmi kanki.
Puntaykichö angelkunapitapis mas poderösum kanki.
8 8 (9) Llapanta mandaq Dios Yaya, ¿piraq qammanqa iwalanqa?
Qamllam poderösu kanki.
Prometinqaykitam imaypis cumplinki.
9 9 (10) Lamar alläpa laqchikaqtapis qammi mandanki.
Laqchikar ölan shäriptinpis qammi päratsinki.
10 10 (11) Lamarchö mantsaypaq Rahab wätatam llapiskirqayki.#Job 9.13; Sal. 74.13.
Poderösu karmi chikishuqnikikunatapis maytsaypa qarqurqayki.
11 11 (12) Ciëlupis y kay patsapis qampam.
Kay patsachö kaqkunatapis qammi kamashkanki.
12 12 (13) Qammi kamashkanki norti kaqlätapis sur kaqlätapis.
Tabor jirka y Hermón jankapis kushishqam alabayäshunki.#Sal. 24.1-2; 95.4-5; 1Cor. 10.26.
13 13 (14) Qammi poderösu kanki.
Derëcha kaq makikillawanmi llapanta vencinki.
14 14 (15) Allikunata rurar y pitapis mana jananpar juzgarmi alli mandakuq kanki.
Kuyakuq kaynikiwan prometir cumplinqaykitam pïmaytapis tantiyatsinki.
15 15 (16) Alabashuqniki runakunam kushishqa kawakuyanqa.
Dios Yaya, paykunam puntaykichö kawakuyan.
16 16 (17) Shutikichö alabayäshurnikim waran waran kushishqa kawakuyan.
Allikunata ruraq kanqaykipitam kushikuyan.
17 17 (18) Kushikuyänanpaqmi yanapanki.
Yanapayämaptikim poderyuqpis kayä.
18 18 (19) Dios Yayam tsapämaqnintsik escüdu.
Israel runakunapa santu Diosninmi mandamaqnintsik rey.
19 19 (20) Unaymi serviqniki profëtakunata revelar nirqayki:
<<Israel runakunapitam mas valientin kaqta akrashkä.
Pïmaypis respitayänanpaqmi payta yanapashkä.
20 20 (21) Paymi servimaqnï David.
Rey kananpaqmi sagrädu aceitita umanman wiñätsishkä.#1Sam. 16.12.
21 21 (22) Mana dëjaypam imaypis yanapashaq.
Kikïmi shumaq valoratsishaq.
22 22 (23) Chikiqninkunapis manam venciyanqatsu.
Mana alli runakunapis manam poderninchö katsiyanqatsu.
23 23 (24) Chikiqninkunatam puntanchö llapiskishaq.
Tsay runakunatam jankat ushakätsishaq.
24 24 (25) <<Payta llakiparmi llapan prometinqäta cumplishaq.
Yanapaptïmi poderyuq tikranqa.
25 25 (26) Mediterráneo Lamarpita Éufrates mayuyaq mandakuq kananpaqmi yanapashaq.
26 26 (27) Tsaymi pay nimanqa:
<Taytämi kanki.
Diosnïmi kanki.
Salvamaqnï y tsapaskamaqnï rumim kanki>.
27 27 (28) <<Davidmi mayor tsurï kanqa.
Kay patsachö llapan reykunapitapis mas poderyuqmi kanqa.#Apoc. 1.5.
28 28 (29) Paytam imaypis kuyashaq.
Paywan pactu ruranqätam imaypis cumplishaq.
29 29 (30) Ciëlu imaypis kanqannömi paypita miraqkuna imaypis rey kayanqa.
30 30 (31) Yachatsinqäta qonqäyaptin,
mandakunqäta mana cäsuyaptin,
31 31 (32) leynïkunata mana cumpliyaptin
y mandamientükunata mana cäsuyaptin
32 32 (33) allim garutishaq.
Jutsata rurayanqanpitam alli astashaq.#Deut. 8.5; 2Sam. 7.14; Sal. 94.12; Prov. 3.11-12; Heb. 12.5-11.
33 33 (34) Tsaynö castigarpis Davidta kuyarmi prometinqäta imaypis cumplishaq.
34 34 (35) Paywan pactu ruranqäta manam ni imaypis qonqäshaqtsu.
Llapan prometinqätam cumplishaq.
35 35 (36) Kikïmi Davidta prometishkä.
Prometinqätam llapanta cumplishaq.
36 36 (37) Paypita miraqkunam imaypis rey kayanqa.
Rupay imaypis kanqannömi imaypis mandakuq kayanqa.
37 37 (38) Ciëluchö killa imaypis kanqannömi mandakuynin imaypis kanqa>>. Selah
38 38 (39) Dios Yaya, tsaynö prometiykarpis akranqayki rey rabyatsishuptiki mananam yanapankinatsu.
39 39 (40) Servishuqniki Davidwan pactu ruranqaykitapis manam cumplinkinatsu.
Pïmay jarutäkuyänanpaq corönanta jitariqnömi rey kayninpita jitarishkanki.
40 40 (41) Täkunqan markapa murällantapis wakläpa kayläpam juchutsishkanki.
Tsinkakuna markankunatapis raqällatanam dëjashkanki.
41 41 (42) Pïmay tsaypa päsaqkunam yaykuskir munayanqanta apakuyan.
Vecïnun nación runakunam asipäyan.
42 42 (43) Reypa contrankunata yanapaptikim vencirnin kushikuyan.
43 43 (44) Venciyänanpaqmi reypa soldädunkunata qeläkatsishkanki.
Guërrachöpis mananam yanapashkankinatsu.
44 44 (45) Reypa podernintam qechushkanki.
Mandakuq kaynintam manakaqman churashkanki.
45 45 (46) Jövinllaraq kaykaptinmi rey kanqanpita jipishkanki.
Alläpa penqakuymanmi churashkanki.#2Rey. 24.8, 15; 25.27-30. Selah
46 46 (47) Dios Yaya, ¡imayyaqraq noqakunapita tsinkakunki!
¿Imaypis rabyashqallatsuraq kaykanki?
47 47 (48) Dios Yaya, wallka watalla kawanäpaq kanqanta yarpaykullay.
Kamanqayki runakuna yupashqa watallam kawayan.
48 48 (49) ¿Piraq mana wañuypa kawanman?
¿Piraq wañuypita qeshpinman? Selah
49 49 (50) Dios Yaya, Davidta imaypis llakipänaykipaq prometinqaykita ¿imanirtan qonqashkanki?
50 50 (51) Dios Yaya, serviqnikikuna kayaptï pïmaypis qayapäyämanqanta wiyaykullay.
Maytsay nacionchö runakuna ashayämanqantam shonqüchö yarparaykä.
51 51 (52) Dios Yaya, chikishuqnikikunam ofendiyäman.
Akranqayki runakuna kayaptïmi waran waran qayapäyäman.
52 52 (53) Dios Yaya imaypis alabashqa kaykullätsun.
¡Amén! ¡Tsaynö katsun!
Currently Selected:
Salmo 89: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
