Salmo 82
82
Salmo 82 (81)
Juezkunata Dios Yaya yätsinqan
1a (1a) Asaf qellqanqan salmu.
1 1 (1b) Ciëluchö poderyuqkuna qorikäyanqanchömi Dios Yaya juzgananpaq shärin.
Paykunapa chawpinchö karmi juezkunata nin:
2<<¡Imayyaqraq mana alli juzgayanki!
¡Imayyaqraq mana alli runakunapa janan shäriyanki! Selah
3<<Ayllunnaqkunapaq y waktsakunapaq alli justiciata rurayay.
Waktsakunapa y pishïpukuqkunapa janan shäriyay.#Éxo. 23.6; Deut. 1.17.
4Waktsakunata y mana ni imannaqkunata mana alli ruraq runakunapa poderninpita jipiyay.
Ayllunnaq kaqkunapa janan shäriyay.
5Mana alli justiciata rurarmi imayka mana musyaq upanö kayanki.
Imata rurayanqaykitapis manam musyayankitsu ni tantiyayankitsu.
Mana alli juzgayaptikim munduta tukmaraq cimientupis tsuktsukyanraq.
6<<Noqam nirqä: <Qamkunam dioskuna kayanki.#Juan 10.34.
Llapaykim poderösu Dios Yayapa wamran kayanki.#82.6 Runakunata juzgayänanpaq Dios Yaya churashqa kaptinmi autoridäkuna dios kayanqanta y Diospa wamrankuna kayanqanta hebreo idiömachö niyaq.
7Tsaynö kaykarpis wakin kaq runakunanöllam wañuyanki.
Wakin kaq mandakuqkunanöllam ushakäyanki> >>.
8Dios Yaya, llapan nacionkunapam ämun kanki.
Runakunata juzganaykipaq shamuykullay.
Currently Selected:
Salmo 82: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
