Salmo 83
83
Salmo 83 (82)
Chikiqninkunata ushakätsinanpaq mañakunqan
1 (1) Cantanapaqmi. Asaf qellqanqan salmu.
1 1 (2) Dios Yaya, janäkuna shäriykullay.
Ama upällalla rikaräyämaytsu.
2 2 (3) Chikishuqnikikunam manakaqman churayäman.
Contraykim qampapis shäriyan.
3 3 (4) Kuyanqayki runakuna kayaptïpis atacayämänanpaqmi willanakuykäyan.
Cuidanqayki runakuna kayaptïpis conträkunam shäriyan.
4 4 (5) Tsay runakunam niyan:
<<Paykunata nacionninpa jankat illakätsishun.
Israel runakunapaq pipis manana yarpänanpaq jankat ushakätsishun>>.
5 5 (6) Llapanmi contrayki shäriyänanpaq juk yarpaylla willanakuyashqa.
6 6 (7) Paykunam kayan edomita runakuna, ismaelita runakuna, moabita runakuna y agareno runakuna.
7 7 (8) Tsaynöllam kayan Gebal runakuna, amonita runakuna, amalecita runakuna, filisteo runakuna y Tiro runakuna.
8 8 (9) Lotpita miraqkunatam#83.8 Lotpita miraqkunam amonita runakuna y moabita runakuna kayarqan (Gén. 19.36-38). Asiria runakuna yanapayan. Selah
9 9 (10) Paykunata wañutsiy madianita runakunata unay wañutsinqaykinölla.#Jue. 7.1-23.
Paykunata ushakätsiy Sísarata y Jabínta Quisión raqra cercankunachö ushakätsinqaykinölla.#Jue. 4.6-22.
10 10 (11) Endorchömi paykunata wañutsirqayki.
Ayankunapis tsaychömi ismur jitaräyarqan.
11 11 (12) Paykuna respitayanqan runakunata wañutsiy Orebta y Zeebta wañutsinqaykinölla.#Jue. 7.25.
Mandaqnin reykunatapis wañutsiy Zebata y Zalmunata wañutsinqaykinö.#Jue. 8.12.
12 12 (13) Paykunam entregayämanqayki nacionta qechuyämayta munayarqan.
13 13 (14) Dios Yayallä, shukukuy wayra imaykata ushanqannö conträ shäriq runakunata ushakaykatsillay.
Wayra apashqa tsaki päjanö kaykuyällätsun.
14 14 (15) Jachakunata nina rupaqnö y jirkapa nina mallmaypa mallmar aywaqnö 15 15 (16) apäkuy tamyaykiwan qatikachay y löcu wayraykiwan mantsakätsiy.
16 16 (17) Alläpa penqakuyman churaykullay.
Dios Yaya, poderösu kanqaykita musyayänanpaq tsaynö ruraykullay.
17 17 (18) Imaypis penqakushqa y mantsakashqa kayätsun.
Tsaynö puriykäyanqanchö ushakäyätsun.
18 18 (19) Qamlla poderösu Dios Yaya kanqaykita llapan musyaykuyällätsun.
Kay munduchö poderösu kanqaykita tantiyaykuyällätsun.
Currently Selected:
Salmo 83: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
