Salmo 81
81
Salmo 81 (80)
Fiestachö cantananpaq alabanza
1 (1) Cantaqkunapa mandakuqninpaqmi. Üvata jarur cantayanqayki tönuwan kay salmuta cantayanki. Asaf qellqanqan salmu.
1 1 (2) ¡Dios Yayata kushishqa alabashun!
Paymi ima desgraciapitapis tsapämäshun.
Jacob creyikunqan Dios Yayata kushishqa alabashun.
2 2 (3) Panderëtakunata töcar cantashun.
Arpata, salteriuta waqay waqaytaraq töcar alabashun.
3 3 (4) Llullu killachö y llena killachöpis cornëtata töcashun.
Tsay junaqkuna jatun fiestata rurashun.#Núm. 10.10.
4 4 (5) Israel runakuna alabanapaqmi Jacob creyikunqan Dios Yaya mandamarqantsik.
5 5 (6) Egiptupita jipiskamurmi Josépita miraq unay aylluntsikkunata mandarqan alabayänanpaq.
Imaypis mana wiyanqä voztam#81.5 Imaypis mana wiyanqan vozqa Dios Yayapa vozninmi karqan. wiyarqä. Tsay vozmi nirqan:
6 6 (7) <<Alläpa sufritsiyäshuptikim jipiyämurqaq.
Alläpa arutsiyäshuptikim librayämurqaq.
7 7 (8) Alläpa llakikur mañakayämaptikim salvayarqaq.
Maqakuy y pukutay rurinpitam contestayämurqaq.
Meriba yaku kuchunchömi qamkunata pruëbaman churayarqaq.#Éxo. 17.7; Núm. 20.13. Selah
8 8 (9) <<Kuyanqä runakuna, consejayanqaqta shumaq cäsukur wiyayämay.
Israel runakuna, cäsuyämaptiki ima alliraq kanman.
9 9 (10) Ima ïdulutapis ama katsiyaytsu.
Juklä nacionkuna adorayanqan dioskunata ama adorayaytsu.#Éxo. 20.3-4; Deut. 5.7-8.
10 10 (11) Noqam Egiptupita jipiyämuq Diosnikikuna kä.#Éxo. 20.2; Deut. 5.6.
Mañayämanqaykitam imatapis sobrat sobrat alistapäyäshayki.
11 11 (12) <<Peru prometiyaptiqpis manam wiyayämashkankitsu.
Israel runakuna kaykarpis manam cäsuyämashkankitsu.
12 12 (13) Tsaynö kayaptikim shonquykikuna munanqannö kawakuyänaykipaq dëjayashkaq.
13 13 (14) Kuyanqä runakuna, wiyayämaptiki ¡ima alliraq kanman!
Israel runakuna, cäsuyämaptiki ¡ima alliraq kanman!
14 14 (15) Cäsuyämaptikiqa illaqpitam contraykikunata ushakätsïman.
Chikiyäshuqnikikunatam unayna castigäman karqan>>.
15 15 (16) Dios Yayam llapan chikiqninkunata vencinqa.
Paykunatam imaypis castiganqa.
16 16 (17) Peru kuyanqan runakunatam sïqa mas allin kaq trïguta alistapanqa.
Abëjapa mishkintapis pacha junta mikuyänanpaqmi alistapanqa.
Currently Selected:
Salmo 81: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
