Salmo 80
80
Salmo 80 (79)
Yapay yanapananpaq Dios Yayata mañakunqan
1 (1) Cantaqkunapa mandakuqninpaqmi. Liriu waytakuna niyanqan cantupa tönunwan kay testimoniu salmuta cantayanki. Asaf qellqanqan salmu.
1 1 (2) Israel runakunapa mitsiqnin Dios Yaya wiyaykayällämay.
Josépita miraqkunatam üshata mitsiqnö cuidanki.
Querubinkuna chawpinchö jamaykanqaykipita wiyaykayällämay.#Éxo. 25.18-22; Núm. 7.89; 1Sam. 4.4; Isa. 37.16; Eze. 1.26-28.
2 2 (3) Efraín, Manasés y Benjamín trïbu runakunata yanapaykullay.
Shamur poderösu kaynikiwan libraykayällämay.
3 3 (4) Dios Yayallä, ñawpata yanapayämanqaykinölla kananpis yanapaykayällämay.
Mana rabyakuyllapa salvaykayällämay.
4 4 (5) Poderösu Dios Yaya, kuyanqayki runakuna rugakuykäyäshuptiki ¡imayyaqraq rabyashqalla kanki!
5 5 (6) Llakikuywanmi mallaqaypis kantsu.
Waqakuywanmi weqilläkunata upyayä.
6 6 (7) Vecïnü nación runakuna kushipäyämänanpaqmi jaqiyämashkanki.
Chikimaqkunam alläpa asipäyäman.
7 7 (8) Poderösu Dios Yayallä, ñawpata yanapayämanqaykinölla kananpis yanapaykayällämay.
Mana rabyakuyllapa salvaykayällämay.
8 8 (9) Egiptupitam üva plantata#80.8 Israel runakunatam üva plantaman iwalatsin. apamurqayki.
Juk nación runakunata qarquskirmi plantarqayki.
9 9 (10) Chakrata shumaq alistaskir plantaptikim ruriyaq jawan yaykurqan.
Alli wiñarmi kay nacionman juntarqan.
10 10 (11) Jatusaq rämankunapa llantunmi jirkakunatapis tsaparqan.
Rämankunam jatusaq cedru jachakunatapis tsaparqan.
11 11 (12) Lamaryaqmi rämankunapis charqan.
Tseqllimunqanpis Éufrates mayuyaqmi charqan.
12 12 (13) Kananqa ¿imanirtan murälläkunata tanqashkanki?#80.12 Imanirtan murälläkunata tanqashkanki ninanqa imanirtan mana cuidankinatsu ninanmi.
Nänipa päsaq juklä runakunapis wayuynintam lluta pallakuyan.
13 13 (14) Muntichö chucaru kuchikunam ushayan.
Chucaru wätakunapis mikurmi ushayan.#80.12-13 Israel runakunapa contrankunatam iwalatsin nänipa päsaq juklä runakunaman, muntichö chucaru kuchikunaman y chucaru wätakunaman. Israel runakunapa imaykankunatam üvapa wayuyninman iwalatsin.#Isa. 5.1-7.
14 14 (15) Poderösu Dios Yaya, kutikallämuy.
Ciëlupita yanapaykayällämay.
Plantanqayki üvata shamur cuidaykullay.
15 15 (16) Kikikim tsay üvata plantarqayki.
Tseqllimuqkuna alli wiñänanpaqmi kikiki uryarqayki.
16 16 (17) Üva plantaykitam jankat waykayashqa.
Tsaynö rurayanqanpita castigaykullay.
17 17 (18) Peru rey kananpaq churanqayki runata sïqa yanapaykullay.
18 18 (19) Noqakunam qamman imaypis creyikayämushaq.
Librayämanqaykipitam shutikichö imaypis alabayäshayki.
19 19 (20) Poderösu Dios Yaya, ñawpata yanapayämanqaykinölla kananpis yanapaykayällämay.
Mana rabyakuyllapa salvaykayällämay.
Currently Selected:
Salmo 80: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
