Salmo 77
77
Salmo 77 (76)
Dios Yaya mantsakaypaq kaqkunata ruranqan
1 (1) Cantaqkunapa mandakuqninpaqmi. Jedutúnpaqmi. Asaf qellqanqan salmu.
1 1 (2) Llapan shonqüwanmi Dios Yayata mañakü.
Wiyamänanpaqmi jinchi rugakü.
2 2 (3) Llakikunqä höram Dios Yayata rugakü.
Paqaskunapapis mana ajayarmi makïta pallarkur mañakü.
Tsaynö mañakurpis alläpam llakikü.
3 3 (4) Llakikurnin ni imanakayta mana puëdirmi Dios Yayata mañakur waqä. Selah
4 4 (5) Dios Yayallä, qampaq yarpararmi puñuytapis puëdïtsu.
Mayjina yarpachakurpis manam ni ima niyta puëdïtsu.
5 5 (6) Puntata yanapayämanqaykitam yarparaykä.
Päsashqana kaptinpis manam qonqätsu.
6 6 (7) Paqaskunapis alabanqaqtam yarpaskï.
Tsaymi shonqullächö yarpachakur nï:
7 7 (8) <<¿Tsaynöllatsuraq Dios Yaya rabyashqa kanqa?
¿Mananatsuraq llakipaykamäshun?
8 8 (9) ¿Kuyakuq kaynin ushakashqatsuraq?
Prometinqankunatapis ¿jankattsuraq qonqashqa?
9 9 (10) ¿Llakipäkuq kayninta qonqashqatsuraq?
¿Alläpa rabyaywantsuraq llakipäkuyninpis ushakashqa?>> Selah
10 10 (11) Tsaymi nirqä: <<Poderösu Dios Yayaqa manam unaynönatsu kuyakun>>.
Tsaynö nirmi alläpa llakikurqä.
11 11 (12) Tsaynö yarpachakuykanqächömi mantsakaypaq unay ruranqaykikunata yarpaskirqä.
12 12 (13) Llapan ruranqaykikunatam yarpäshaq.
Poderösu kaynikiwan ruranqaykita manam qonqäshaqtsu.
13 13 (14) Dios Yayallä, llapan ruranqaykikunam alläpa alli.
Qammanqa manam ni mayqan diospis iwalantsu.
14 14 (15) Qammi mantsakaypaq kaqkunata ruranki.
Wakin nacionkunatam poderösu kanqaykita musyatsishkanki.
15 15 (16) Kuyanqayki runakunatam poderösu kaynikiwan jipimushkanki.
Paykunam Jacobpita y Josépita miraqkuna kayan. Selah
16 16 (17) Dios Yayallä, lamarpis rikäshurnikim alläpa mantsakarqan.
Mas jundu kaq yakupis alläpam tsuktsukyarqan.
17 17 (18) Pukutaypitam tamyapis shikwamurqan.
Ciëluchömi maqakuykuna wiyakämurqan.
Entërupam illaqukur chilapyamurqan.
18 18 (19) Apäkuy wayra qayaraqchömi maqakuyniki pashtanqanpis wiyakämurqan.
Illaqukuynikipa atsikyayninwanmi patsapis rikakarqan.
Temblorwanmi patsapis kuyurqan.
19 19 (20) Lamar rurinpam nänita rurarqayki.
Atska yaku chawpinpam päsarqayki.
Manam ni pipis llupikita tarirqantsu.#Éxo. 14.21-22.
20 20 (21) Washki üshata pushaqnömi kuyanqayki runakunata pusharqayki.
Moiséswan y Aarónwanmi paykunata pushatsirqayki.#Sal. 78.52; Isa. 63.11-14.
Currently Selected:
Salmo 77: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
