Salmo 76
76
Salmo 76 (75)
Dios Yaya poderyuq kanqan
1 (1) Cantaqkunapa mandakuqninpaqmi. Cuerdayuq instrumentuta töcar kay salmuta cantayanki. Asaf qellqanqan salmu.
1 1 (2) Judá nacionchömi llapan musyayan Dios Yaya kanqanta.
Israel nacionchöpis pïmaymi musyayan Dios Yaya poderösu kanqanta.
2 2 (3) Jerusalénchömi templun kaykan.
Paymi Sión lömachö täkun.
3 3 (4) Tsayman atacaqnin aywaqkunata venciskirmi flëchankunata, escüdunkunata, espädankunata, armankunata pakir usharqan. Selah
4 4 (5) Dios Yayallä, llapanpitapis mas poderösum kanki.
Atska wätayuq jirkapitapis qamqa mas shumaqmi kanki.
5 5 (6) Valientikunatapis jankatmi ushakätsirqayki.
Poderyuq karpis manam ni imanayta puëdiyarqantsu.
Paykunatam jankat wañutsirqayki.
6 6 (7) Jacob creyikunqan Dios Yayallä, qam piñaskiptikim carrëta manijaqkuna y bestiakunapis mantsakaywan jankat upilakaskiyarqan.
7 7 (8) ¡Qamqa mantsaypaqmi kanki!
Rabyaptikiqa ¿piraq puntaykichö kaykanman?
8 8 (9) Jutsa ruraqkunata castiganaykipaqmi ciëlupita musyatsinki.
Kay patsachö llapan runakunapis mantsakarmi upällakuyan.
9 9 (10) Tsaynö mantsakashqam kaykäyan kay patsachö juzganaykipaq kanqanta musyar.
Juzgarmi sufriqkunapa janan shärinki. Selah
10 10 (11) Tsaynöpam rabyashqa kaykaq runakunapis alabayäshunki.
Castïguykipita qeshpiqkuna tantiyarmi alabayäshunki.
11 11 (12) Diosnintsikta prometinqaykita imaypis cumpliyay.
Vecïnuntsik nacionkunapis paypaq ofrendakunata apayämutsun.
Paymi mantsakaypaq castigan.
12 12 (13) Paymi mandakuq autoridäkunatapis wañutsin.
Kay patsachö reykunam paypita mantsakuyan.
Currently Selected:
Salmo 76: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
