Salmo 75
75
Salmo 75 (74)
Runakunata Dios Yaya juzgananpaq ninqan
1 (1) Cantaqkunapa mandakuqninpaqmi. Ama ushakätsiytsu niyanqan cantupa tönunwan kay salmuta cantayanki. Asaf qellqanqan salmu. Cantanapaqmi.
1 1 (2) Dios Yayallä, qamtam imaypis agradëcikuyaq.
Qamtam imaypis agradëcikuyaq.
Yanapayämanqaykipitam shutikichö alabayaq.
2 2 (3) Dios Yayam nin:
<<Tiemputa cïtanqä junaqmi runakunata mana jananpar juzgashaq.
3 3 (4) Kay patsa kuyuptin runakuna mantsakäyaptinpis noqam patsapa cimientunta tsararaykä. Selah
4 4 (5) Orgullösukunatam nï: <Ama allish tukuyaytsu>.
Mana alli runakunatam nï: <Ama orgullösu kayaytsu.
5 5 (6) Runakuna respitayäshuptiki ama allish tukuyaytsu.
Ama yachayyuq tukur parlayaytsu> >>.
6 6 (7) Alli rikashqa kayqa manam rupay yarqamunqan lädupitatsu
ni rupay jeqanan lädupitatsu
ni desiertulläpitatsu shamun.
7 7 (8) Sinöqa llapanta juzgaq Dios Yayapitam shamun.
Paymi runakunata juzgar wakinta castigan y wakinta alli rikan.
8 8 (9) Dios Yayam castïgun wiñaraq cöpata aptaraykan.
Tsay cöpachömi rabyaynin junta kaykan.
Maytsaychö täkuq mana alli runakunata castigarmi tsay cöpapita ushanqanyaq upyatsinqa.#Jer. 25.15-29; Eze. 23.32-34; Hab. 2.16; Apoc. 14.10; 16.19.
9 9 (10) Jacob creyikunqan Dios Yayapaqmi imaypis willakushaq.
Cantukunata cantarmi imaypis alabashaq.
10 10 (11) Mana alli ruraq runakunatam autoridä kayninkunatapis qechunqa.
Peru alli ruraq runakunatam sïqa autoridä kayänanpaq churanqa.
Currently Selected:
Salmo 75: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
