Salmo 67
67
Salmo 67 (66)
Dios Yayata llapan runakuna alabayänanpaq ninqan
1 (1) Cantaqkunapa mandakuqninpaqmi. Cuerdayuq instrumentuta töcarnin cantayanki. Kay salmuqa cantanapaqmi.
1 1 (2) Dios Yayallä, llakipäyämar bendicionnikita churaykallämuy.
Alli rikäyämar yanapaykayällämay. Selah
2 2 (3) Tsaynöpam willakuynikita maytsaychö musyayanqa.
Salvakuq kanqaykitam llapan nación runakunapis tantiyayanqa.
3 3 (4) ¡Dios Yayallä, llapan runakuna alabayäshuy!
¡May markachöpis alabayäshuy!
4 4 (5) Kay patsachö llapan nacionkunatam cuidaykanki.
May markachöpis täkuq runakunatam mana jananpar juzganki.
Tsaynö kanqaykipita llapan nacionkunachö kushikuyätsun. Selah
5 5 (6) ¡Dios Yayallä, llapan runakuna alabayäshuy!
¡May markachö täkuqkunapis alabayäshuy!
6 6 (7) Chakrachö mikuykunam allish wayunqa.
Diosnintsikmi bendicionninta churamunqa.
7 7 (8) Tsaynölla bendicionninta imaypis churaykamutsun.
Kay patsachö juk kuchunpita jukaq kuchunyaq llapan runakunapis paypita mantsakuyätsun.
Currently Selected:
Salmo 67: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
