Salmo 66
66
Salmo 66 (65)
Mañakunqanta wiyanqanpita Dios Yayata alabanqan
1a (1a) Cantaqkunapa mandakuqninpaqmi. Kay salmuqa cantanapaqmi.
1 1 (1b) Kay patsachö kawaqkuna, Dios Yayata kushishqa alabayay.
2Payta shutinchö adorayay.
Poderösu kanqanpita llapan shonquykikunawan alabayay.
3Dios Yayata alabar niyay:
<<Llapan ruranqaykikunam mantsakaypaq.
Poderösu kaptikim contraykikunapis puntaykiman qonqurikayämun.
4Kay patsachö kawaqkunam llapan adorayäshunki.
Cantukunata cantarmi alabayäshunki>>. Selah
5Dios Yaya ruranqanta rikaq shayämuy.
Janantsik shärir mantsakaypaq llapan ruranqanta rikäyay.
6Puka Lamartam tsakiskatsirqan.#Éxo. 14.21; Sal. 114.3, 5.
Mayutapis tsakiskatsirmi unay castantsikkunata päsatsirqan.#Jos. 3.14-17.
¡Dios Yayata alabar kushikuyay!
7Poderösu kayninwanmi imayyaqpis mandakunqa.
Entëru naciontam imanö kanqanta rikan.
Jutsasapakuna contran shäriyätsuntsu. Selah
8¡Entëru nacionchö täkuqkuna, Diosnintsikta alabayay!
¡Maytsayman wiyakaqpaq payta alabayay!
9Paymi kananyaqpis kawayta qaramantsik.
Contrantsikkuna mana wañutsimänapaqmi tsapämantsik.
10Dios Yaya, tsaynö kaykarpis pruëbamanmi churayämashkanki.
Qellayta tsullutsir taqranta jipiqnömi purificäyämashkanki.
11Trampamanmi shikwatsiyämashkanki.
Alläpa ñakaymanmi churayämashkanki.
12Mana alli ruraqkunapa poderninmanmi churayämashkanki.
Alläpa jeqaq mayupa y rupaykaq ninapa päsaqnömi ñakayashkä.
Peru tsaypitam alli kawakuyänäpaq yanapayämashkanki.
13Templuykiman yaykurmi sacrificiukunata qampaq waykashaq.
Tsaychömi cumplishaq 14alläpa llakikunqä höra prometinqaqta.
15Sacrificiuta waykanäpaqmi wera kaq wätakunata apamushaq.
Törukunata, chïvukunata y carnërukunatam apamushaq. Selah
16¡Dios Yayapita mantsakuqkuna, llapayki wiyayänaykipaq shayämuy!
Dios Yaya imanö yanapamanqantam willayäshayki.
17Llapan shonqüwanmi Dios Yayata mañakurqä.
Llapan yarpaynïwanmi alabarqä.
18Jutsäta mana dëjaptïqa mañakunqätapis manam wiyamanmantsu karqan.
19Mañakunqäta wiyamarmi rugakunqänö yanapamashqa.
20¡Dios Yaya alabashqa kaykullätsun!
Paymi mañakunqäta wiyamashqa.
Kuyamanqantam musyatsimashqa.
Currently Selected:
Salmo 66: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
