Salmo 65
65
Salmo 65 (64)
Dios Yayata kushishqa alabayanqan
1 (1) Cantaqkunapa mandakuqninpaqmi. David qellqanqan salmu.
1 1 (2) Dios Yayallä, Siónchömi alabayäshayki.
Prometiyanqaqtam llapanta cumpliyämushaq.
2 2 (3) Pipis qamman mañakamuptinmi wiyanki.
Llapan runakunam adorayäshunaykipaq qamman shayämunqa.
3 3 (4) Jutsa ruray venciyämaptinpis qammi perdonayämanki.
4 4 (5) Templuykichö täkuq runa kushishqam kawan.
Paytam akrashkanki puntaykichö täkunanpaq.
Santu templuykichö bendicionnikita chaskirmi kushishqa kawakuyä.
5 5 (6) Salvakuq Dios Yaya, mañakuyanqaqta wiyarmi mantsakaypaq kaqkunata rurar salvayämashkanki.
Tsaymi lamar tsimpanchö täkuq runakunapis qamman creyikayämun.
Maytsaychö täkuq runakunapis qammanmi confiakayämun.
6 6 (7) Llapan jirkakunapis mana kuyunanpaqmi poderösu kaynikiwan patsätsishkanki.
7 7 (8) Lamar qayarar laqchikaqtapis qammi päratsinki.
Nacionkuna contrayki shäriyaptinpis qammi upällatsinki.
8 8 (9) Imayka ruranqaykita rikarmi maytsaychö runakuna mantsakäyan.
Rupay jeqamunan kaqläpita rupay jeqanan kaqläyaqmi kushishqa adorayäshunki.
9 9 (10) Qammi kay patsata cuidanki.
Mikuykuna wayunanpaqpis qammi tamyatsimunki.
Trïgu alli wayunanpaqpis qammi yakuta pashtatsimunki.
Tsaynömi chakrakunata alistapäyämanki.
10 10 (11) Barbichashqa chakrakunatam parqunki.
Kurpakunatapis tamyallawanmi ushmütsinki.
Mikuynïkunamanpis bendicionnikitam churamunki.
11 11 (12) Entëru watam bendicionnikiwan kushishqa kawakuyä.
Pukutaynikipis bendiciontam apamun.
12 12 (13) Desiertukunachömi qewakunapis tseqyaranraq.
Jirkakunapis kuyakuypaqmi kushishqa kayan.
13 13 (14) Maytsay jirkakunachömi üshapis cabrapis maytsika kayan.
Qechwa chakrakunachöpis maytsikam trïgu kan.
Tsaykunam alläpa kushikur llapan alabayäshunki.#Sal. 104.10-16.
Currently Selected:
Salmo 65: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
