Salmo 58
58
Salmo 58 (57)
Autoridäkuna alli justiciata rurayänanpaq Dios Yayata mañakunqan
1 (1) Cantaqkunapa mandakuqninpaqmi. Ama ushakätsiytsu niyanqan cantupa tönunwan kay salmuta cantayanki. David qellqanqan.
1 1 (2) Poderyuq autoridäkuna, ¿rasunpa kaqllataku runakunata juzgayanki?
¿Alli justiciataku rurayanki?
2 2 (3) Qamkunam mana allikunata rurayänaykillapaq yarparaykäyanki.
Tsaymi kay nacionchö runakunata chikinakatsiyanki.
3 3 (4) Mana alli ruraq runakunam yuriyanqanpita mana alli ruraq kayan.
Llullakuqkunapis yuriyanqanpitam llullakuq kayan.
4-5 4-5 (5-6) Tsay mana alli ruraq runakunam venenösu culebranö kayan.
Brüju töcapaptin mana cäsuq culebranömi kayan.
Alli runakuna tantiyatsiyaptinpis upa tukurmi chaskiyantsu.
6 6 (7) ¡Dios Yayallä, mana alli ruraqkunapata kirunkunatapis shaquy!
¡Tsay runakunapa curmïlluntapis pakiy!
7 7 (8) Maki paltachö yaku ushakaqnö ushakäyätsun.
Jarutakushqa qewanö ushakäyätsun.
8 8 (9) Lakatupa llupinnö ushakäyätsun.
Shullu wamra aktsita mana rikaqnö kayätsun.
9 9 (10) Imatapis manaraq musyar kashata nina rupaqnö ushakäyätsun.
Mana alli qorata llupiskir jitariqnö kawaykaqta jitariyätsun.
10 10 (11) Contrankuna tsaynö ushakäyaptinmi Dios Yayata cäsuq runakuna kushikuyanqa.
Chikiqninkunapa yawarninwanmi chakinkunatapis kushishqa mayllakuyanqa.
11 11 (12) Tsaymi llapan niyanqa:
<<¡Dios Yayata allipaqmi cäsurqantsik!
¡Dios Yayam llapan runakunata juzganqa!>>
Currently Selected:
Salmo 58: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
