Salmo 57
57
Salmo 57 (56)#1Sam. 24.
Chikiqninkunapita salvananpaq mañakunqan
Salmo 108.1-5
1 (1) Cantaqkunapa mandakuqninpaqmi. Ama ushakätsiyaytsu niyanqan cantupa tönunwan kay salmuta cantayanki. Saúlpita qeshpir machayman tsinkakunqanta yarparmi kay salmuta David qellqarqan.
1 1 (2) Dios Yayallä, llakipaykallämay.
Ama dëjaykallämaytsu.
Qamllamanmi tsinkakamü.
Peligru päsanqanyaq riprayki qopinman pakaykallämay.
2 2 (3) Poderösu Dios Yayallä, imaypis yanapamaqnï kaptikim mañakallämuq.
3 3 (4) Qammi ciëlupita llakipämar imaypis yanapamanki.
Chikiqnïkuna rabyashqa qatikachäyämaptinpis qammi salvamanki. Selah
4 4 (5) Conträkuna wañutsimayta munayaptinmi leonkunapa chawpinchönö kaykä.
Paykunapam kirunkunapis lanzanö y flëchanö.
Qallunkunapis imayka fïlu espädanömi.
5 5 (6) Dios Yayallä, gloriachöpis poderösum kanki.
Kay patsachöpis poderösum kanki.#Sal. 8.1.
6 6 (7) Chikiqnïkunam purikunäman trampata churayashqa.
Alläpa mantsakaptïmi valornïpis ushakarqan.
Purikunächömi pözuta uchkuyashqa.
Peru kikinkunam tsayman jeqayashqa. Selah
7 7 (8) Dios Yayallä, shonqü listum kaykan.
Cantukunata cantarmi alabashayki.
Llapan shonqüwanmi alabashayki.
8 8 (9) ¡Rikchay, alma!
¡Rikchay, arpa! ¡Rikchay, salteriu!
¡Dios Yayata tsaka tsakallana alabashun!
9 9 (10) Dios Yayallä, llapan runakunapa puntanchömi alabashayki.
Maytsay nación runakunapa puntanchömi alabashayki.
10 10 (11) Kuyamanqaykita manam ni imanö tantiyätsu.
Ciëluchöpis manam ni pï kantsu äninqanta qamnö cumpliqqa.#Sal. 36.5.
11 11 (12) Dios Yayallä, gloriachöpis poderösum kanki.
Kay patsachöpis poderösum kanki.
Currently Selected:
Salmo 57: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
