Salmo 56
56
Salmo 56 (55)
Dios Yayaman confiakur mañakunqan
1 (1) Cantaqkunapa mandakuqninpaqmi. Karu markachö paluma upälla kakunqan niyanqan cantupa tönunwan kay salmuta cantayanki. Gat partichö filisteo runakuna prësu achkuyanqanta yarpaskirmi kay salmuta David qellqarqan.#1Sam. 21.10-15.
1 1 (2) Dios Yayallä, llakipaykallämay.
Runakunam wañutsiyämänanpaq qatikachäyäman.
Conträ shärirmi imay hörapis atacayäman.
2 2 (3) Qoyat qoyatmi qatikachäyäman.
Atskaqmi allish tukur conträ shäriyan.
3 3 (4) Dios Yaya, mantsakurpis qammanmi confiakamü.
4 4 (5) Prometimanqaykita cumpliq kaptikim qamta alabaq.
Qamman confiakurmi pipitapis mantsakütsu.
Runakuna conträ kayaptinpis manam llakikütsu.#Sal. 118.6; Heb. 13.6.
5 5 (6) Imay hörapis mana alli shiminkunapam qayapäyäman.
Imaypis rabyatsiyämänanllapaqmi yarparäyan.
6 6 (7) Maylä tsayläman churanakuskirmi maypa aywaptïpis wañutsiyämänanpaq shuyaräyäman.
7 7 (8) Dios Yayallä, rabyar llapanta ushakaykatsillay.
Mana juk dëjaypa ushakaykatsillay.
8 8 (9) Rikämashkankim makinkunapita ayka kuti qeshpinqätapis.
Musyankim ayka kuti waqanqätapis.
Llapantam libruykiman qellqashkanki.
9 9 (10) Musyämi mana dëjaypa yanapamanqaykita.
Yanapamänaykipaq mañakuptiqmi conträkuna qeshpir aywakuyanqa.
10 10 (11) Prometinqaykita cumpliptikim alabaq.
Änimanqaykita ruraptikim alabaq.
11 11 (12) Qamman confiakamurmi pipitapis mantsakütsu.
Conträ shäriyaptinpis manam llakikütsu.
12 12 (13) Dios Yayallä, prometinqaqtam cumplishaq.
Agradëcikurmi alabashayki.
13 13 (14) Wañutsiyämänan kaykaptinmi salvamashkanki.
Puntaykichö kawanäpaqmi makinkunapita qeshpitsimashkanki.
Tsaymi atsikyaychönö kushishqa kawakuykä.
Currently Selected:
Salmo 56: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
