Salmo 52
52
Salmo 52 (51)
Mana alli runa allish tukunqan
1-2 (1-2) Cantaqkunapa mandakuqninpaqmi. Doeg shutiyuq edomita runa Saúl kaqman aywaykur Ahimelecpa wajinchö David kanqanta willaskiptinmi kay salmuta David qellqarqan.#1Sam. 21.1-9; 22.6-23.
1 1 (3) Poderyuq kar ¿imanirtan mana allikunata ruranqaykipita allish tukunki?
Dios Yayam imaypis kuyakuq.
2 2 (4) Qamqa mana allikunata ruranaykillapaqmi imaypis yarparaykanki.
Runa majikita tumpanqaykim puñalnö kaykan.
3 3 (5) Allikunata ruranqaykipa rantinmi mana allikunata ruraykanki.
Rasun kaqta parlanqaykipa rantinmi llullakuy gustashunki. Selah
4 4 (6) Pitapis manakaqman churarmi imaypis llullakunki.
5 5 (7) Tsaymi wajikipita Dios Yaya qarqushunki.
Wañutsishurnikim jankat ushakätsishunki. Selah
6 6 (8) Dios Yayata cäsuqkunam tsayta rikar mantsakäyanqa.
Asiparmi niyanqa:
7 7 (9) <<Maski rikäyay tsay runata Dios Yaya castiganqanta.
Dios Yayaman confiakunqanpa rantinmi rïcu kayllanman confiakurqan.
Jutsa ruraytam ni imay dëjarqantsu>>.
8 8 (10) Peru noqaqa olïvu jachanö verdi rämasapam Dios Yayapa wajinchö kaykä.
Paypa kuyakuyninmanmi imayyaqpis confiakü.
9 9 (11) Dios Yayallä, allillata ruraq kanqaykipitam imaypis agradëcikushayki.
Qamman creyikamuqkunapa puntanchömi imaypis alabashayki.
Currently Selected:
Salmo 52: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
