Salmo 46
46
Salmo 46 (45)
Dios Yaya tsapämaqnintsik kanqan
1 (1) Cantaqkunapa mandakuqninpaqmi. Corépita miraqkuna qellqayanqan salmu. Lautata töcarnin cantayanki.
1 1 (2) Dios Yayam tsinkakunantsik törrinö kaykan.
Paymi imaykapitapis tsapämantsik.
Imayka ñakaychöpis paymi yanapamantsik.
2 2 (3) Patsa alläpa kuyuptinpis ama mantsakäshuntsu.
Ni jirkakuna lamarman jundikäyaptinpis ama llakikushuntsu.
3 3 (4) Lamar bunyaypa bunyar laqchikaptin y jirkakuna tsuktsukyäyaptinpis ama mantsakäshuntsu.#Isa. 54.10; Joel 3.16. Selah
4 4 (5) Juk mayum kan Dios Yaya akranqan markachö täkuqkuna kushikuyänanpaq.#46.4 Mayupaq parlarmi Dios Yayapa poderninchö alli kawakunapaq parlan.
Tsay runakunam poderösu Dios Yaya täkunqan markachö täkuyan.#Eze. 47.1-12; Zac. 14.8; Apoc. 22.1-2.
5 5 (6) Dios Yaya tsaychö kaptinmi tsay markata imaypis venciyanqatsu.
Paymi patsa waranqanpita tsaychö täkuq runakunata yanapan.
6 6 (7) Yanapaptinmi juklä nación runakuna qayaykachar tsuktsukyäyan.
Parlamuptinmi kay patsapis rachikan.
7 7 (8) Llapanta mandaq Dios Yayam noqantsikwan kaykan.
Jacob servinqan Dios Yayam imaykapitapis tsapämantsik. Selah
8 8 (9) Dios Yaya mantsakaypaq ruranqankunata rikäyänaykipaq shayämuy.
Paymi kay patsachö mantsakaypaq kaqkunata ruran.
9 9 (10) Mandaptinmi maytsaychöpis guërra kannatsu.
Flëchakunata y lanzakunatam llapanta pakir ushan.
Guërra carrëtakunatapis jankatmi waykan.
10 10 (11) Dios Yayam nin:
<<Amana llakikuyaynatsu.
Poderösu Dios Yaya kanqäta musyayay.
Maytsay nacionkunam podernïchö kayan.
Podernïchömi kay entëru patsapis kaykan>>.
11 11 (12) Llapanta mandaq Dios Yayam noqantsikwan kaykan.
Jacob servinqan Dios Yayam tsapämaqnintsik. Selah
Currently Selected:
Salmo 46: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
