Popular Bible Verses from Salmo 46

Share

10 (11) Dios Yayam nin: <<Amana llakikuyaynatsu. Poderösu Dios Yaya kanqäta musyayay. Maytsay nacionkunam podernïchö kayan. Podernïchömi kay entëru patsapis kaykan>>.

1 (2) Dios Yayam tsinkakunantsik törrinö kaykan. Paymi imaykapitapis tsapämantsik. Imayka ñakaychöpis paymi yanapamantsik. 2 (3) Patsa alläpa kuyuptinpis ama mantsakäshuntsu. Ni jirkakuna lamarman jundikäyaptinpis ama llakikushuntsu.

4 (5) Juk mayum kan Dios Yaya akranqan markachö täkuqkuna kushikuyänanpaq. Tsay runakunam poderösu Dios Yaya täkunqan markachö täkuyan. 5 (6) Dios Yaya tsaychö kaptinmi tsay markata imaypis venciyanqatsu. Paymi patsa waranqanpita tsaychö täkuq runakunata yanapan.

9 (10) Mandaptinmi maytsaychöpis guërra kannatsu. Flëchakunata y lanzakunatam llapanta pakir ushan. Guërra carrëtakunatapis jankatmi waykan.