Salmo 47
47
Salmo 47 (46)
Dios Yaya rey kanqan
1 (1) Cantaqkunapa mandakuqninpaqmi. Corépita miraqkuna qellqayanqan salmu.
1 1 (2) ¡Entëru nacionkunachö täkuq runakuna!
Makikikunata taqllar Dios Yayata alabayay.
Llapayki kushishqa qayaykachar cantayay.
2 2 (3) Poderösu Dios Yayaqa mantsaypaqmi.
Paymi entëru mundupa mandakuqnin rey.
3 3 (4) Paymi yanapamashkantsik juklä nacionkunata venciskir podernintsikchö katsinapaq.
Tsay runakunatam podernintsikman churamushqa.
4 4 (5) Herenciantsik kananpaqmi täkunqantsik nacionta kikin entregamashkantsik.
Tsaymi kuyanqan Jacobpita miraqkuna kar kushishqa kawakuntsik. Selah
5 5 (6) Dios Yayam trönunman jamananpaq witsarqan.
Witsaptinmi kushikur qayaykachäyarqan y cornëtakunatapis töcayarqan.
6 6 (7) Dios Yayata alabashun.
Mandamaqnintsik reyta alabashun.
7 7 (8) Paymi entëru mundupa mandakuqnin rey.
Salmuta cantar llapan shonquntsikwan payta alabashun.
8 8 (9) Dios Yayam llapan nacionkunapa mandakuqnin rey.
Paymi sagrädu trönunchö jamaykan.
9 9 (10a) Llapan nacionkunachö täkuq mandakuq runakunam Dios Yaya kuyanqan runakunawan qorikäyan.
Abraham confiakunqan Dios Yayata alabayänanpaqmi qorikäyan.
10 10 (10b) Kay munduchö llapan mandakuqkunam Dios Yayapa poderninchö kayan.
Dios Yayam llapanpita mas poderösu.
Currently Selected:
Salmo 47: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
