Salmo 44
44
Salmo 44 (43)
Yanapananpaq Dios Yayata mañakunqan
1 (1) Cantaqkunapa mandakuqninpaqmi. Corépita miraqkuna qellqayanqan salmum.
1 1 (2) Dios Yaya, awilükunam willayämashqa mantsakaypaq kaqkunata rurar unay ayllükunata yanapanqaykita.
2 2 (3) Kay nacionchö täkuyänanpaqmi unay runakunata qarqur ushakätsishkanki.
3 3 (4) Manam kikinkunapa kallpankunawantsu kay nacionta qechuyarqan.
Ni espädankunawantsu kaychö täkuq runakunata venciyarqan.
Qammi derëcha kaq makikiwan vencishkanki.#Deut. 8.17-18; Jos. 24.12; Jue. 7.2.
Unay ayllükunata kuyarmi yanapashkanki.
4 4 (5) Dios Yaya, qammi mandayämaqnï rey kanki.
Qammi conträkunata venciyänäpaq yanapayämashkanki.
5 5 (6) Yanapayämaptikim conträkunata venciyä.
Qampa shutikichömi atacayämaqkunata ushakätsiyä.#Sal. 60.12.
6 6 (7) Venciyänäpaq manam flëchakunämantsu confiakuyä.
Tsaynöllam espädäkunatsu salvayäman.
7 7 (8) Qam yanapayämaptikim conträkunata venciyashkä.
Qammi chikiyämaqkunata penqakuyman churashkanki.
8 8 (9) Qamtam imaypis kushishqa agradëcikuyäshayki.
Shutikichömi imaypis alabayäshayki. Selah
9 9 (10) Peru kananqa ¿imatan päsashqa dëjaskayämänaykipaq?
Dëjaskayämaptikim alläpa penqakur puriykäyä.
Soldädükunatapis mananam yanapankinatsu.#Sal. 60.10; 108.11.
10 10 (11) Atacayämänanpaq conträkunata yanapaptikim qeshpir aywakuyashkä.
Tsaymi paykuna imäkunatapis munayanqan kaqta apakuyashqa.
11 11 (12) Pishtayänanpaq üshatanömi conträkunapa makinman churayämashkanki.
Juklä nacionkunachö witsikashqa kayänäpaqmi qarqayämashkanki.
12 12 (13) Kuyanqayki runakuna kayaptïpis barätullachömi rantikayämashkanki.
Rantikayämanqaykiwan manam ni imata gänashkankitsu.
13 13 (14) Pïmay ashayämänanpaqmi dëjayämashkanki.
Juklä nacionkunapis ofendiyämarmi manakaqman churayäman.
14 14 (15) Tsay nación runakuna musyapäyämänanpaqmi dëjayämashkanki.
Rikaskayämarmi umankunatapis aywirraq burlakayäman.
15 15 (16) Tsaymi imay hörapis alläpa penqakuyä.
Qaqlläkunapis jankatmi ishkipakashqa.
16 16 (17) Tsaynömi kayä conträkuna chikiyämaptin y ashayämaptin.
17 17 (18) Tsaykunam päsayäman pactu ruranqantsikta cumpliykäyaptï.
18 18 (19) Mandakunqaykikunatam imaypis mana qonqar cumpliyashkä.
19 19 (20) Peru tsaynö kaykäyaptïpis mana ima kaqmanmi qarqayämashkanki.
Alläpa mantsakaypaq tutapaychönö kayänäpaqmi dëjayämashkanki.
20 20 (21) Qonqaskirniki juk diosta adorayaptïqa
21 21 (22) musyankimanmi karqan.
Dios Yaya, qammi llapanta musyanki.
22 22 (23) Munanqaykinö kawayaptïmi chikiyämar imaypis wañutsiyäman.
Pishtayänanpaq üshanömi kayä.#Rom. 8.36.
23 23 (24) ¡Rikchay, Dios Yaya!
¿Imanirtan puñukuykanki?
¡Amana dëjaykayämaytsu!
24 24 (25) ¿Imanirtan noqakunapita tsinkakunki?
¿Imanirtan qonqayämashkanki?
¡Imanö sufritsiyämanqanta rikaykullay!
25 25 (26) Venciyämaptinmi ni imanakaytapis puëdiyänatsu.
Penqakurmi jankat umpukashqa puriyä.
26 26 (27) Taytay, yanapaykayällämay.
Llakipäyämar libraykayällämay.
Currently Selected:
Salmo 44: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
