Salmo 144
144
Salmo 144 (143)
Dios Yayata agradëcikunqan
1a (1a) David qellqanqan.
1 1 (1b) Imaykapita tsapämaq Dios Yaya alabashqa kaykullätsun.
Paymi guërrachö pelyanäpaq yanapäman.
2Paymi kuyamaqnï y imaykapitapis tsapämaqnï.
Paymi tsinkakunä y salvamaqnï.
Escüdunö tsapämaptinmi payman confiakü.
Llapan nacionkunata vencinäpaq paymi yanapäman.
3 Dios Yaya, ¿imanatan runa tsayläya paypaq yarpachakunaykipaq?
¿Imanatan runa tsayläya kuyanaykipaq?#Job 7.17-18; Sal. 8.4.
4Jamaynöllam runaqa kaykan.
Vïdanpis llantu päsaqnöllam ushakaskin.
5 Dios Yayallä, ciëluta kichaskir uraykallämuy.
Qoshni shärinanpaq jirkakunata yataykullay.
6Chikimaqnïkuna mantsakar qeshpir aywayänanpaq maqakatsimur flëchaykikunawan atacaykullay.
7Yanapamänaykipaq ciëlupita shamuykullay.
Lamar yaku altu altuyaq laqchikaqchönö kaykaqta jipiykallämay.
Juklä runakunapa makinpita salvaykallämay.#2Sam. 22.8-17; Sal. 18.7-16.
8Tsay runakunam llullakuyman umankuna churashqa kayan.
Derëcha kaq makinkunata pallarkur#144.8 Tsay witsay derëcha kaq makinta pallarkur parlaptinmi runakuna tantiyayaq rasun kaqta parlanqanta. parlarpis llullakuyanmi.
9Dios Yaya, mushuq alabanzata cantarmi alabashayki.
Chunka cuerdayuq arpata töcarmi salmukunata cantar alabashayki.
10Chikiqninkunata venciyänanpaqmi reykunata yanapanki.
Espädawan mana wañutsiyänanpaqmi servishuqniki Davidtapis salvanki.#Sal. 18.50.
11Juklä runakunapa poderninpita salvaykallämay.
Tsay runakunam awilallan watashqanö llullakuq kayan.
Derëcha kaq makinkunata pallakur parlarpis llullakuyanmi.
12Tsurïkuna kuyaypaq jatusaq jachakunanöraq alli wiñaykuyällätsun.
Warmi tsurïkunapis palaciuta adornaraq paradorkunanöraq kaykuyällätsun.
13Wajïkunachöpis tukuyläya mikuykuna junta kaykullätsun.
Chakräkunamanpis juntat wätäkuna waranqan waranqanpa miraykuyällätsun.
14Törükunapis aruyänanpaq sänu kaykullätsun.
Täkuyanqä markapa murällankunapis ama juchuykullätsuntsu.
Cällikunachöpis mantsakaypita pipis ama qayaykachätsuntsu.#Lev. 26.3-6.
15Tsaynö kawayänäpaq yanapayämaptikim kushishqa kawakuyäshaq.
¡Dios Yayaman confiakuq runakunam kushishqa kawakuyan!#Sal. 33.12.
Currently Selected:
Salmo 144: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
