Salmo 143
143
Salmo 143 (142)
Dios Yayaman confiakur mañakunqan
1a (1a) David qellqanqan salmu.
1 1 (1b) Dios Yaya, mañakamunqaqta wiyaykallämay.
Rugakamunqaqta äniykallämay.
Äninqaykita cumpliq karqa yanapaykallämay.
2Musyankim llapan runakuna jutsayuq kayanqanta.
Serviqniki karmi mana castigamänaykipaq mañakallämuq.
3Wañutsimayta munarmi chikimaqnïkuna tumapäyäman.
Wañushqatanömi sas pampayämayta munayan.
4Alläpa manärashqam kaykä.
Shonqüpis ushakaykannam.
5Unay ruranqaykikunatam yarpä.
Mantsakaypaq ruranqaykikunapaqmi yarpachakü.
6Makïta pallarkurmi mañakamü.
Tsaki allpa yakuta wananqannömi noqapis qamta wanaq.#Sal. 42.1-2; 63.1. Selah
7 Dios Yaya, jamaynï manaraq ushakanqanyaq sas contestaykallämay.
Noqapita ama tsinkakuykullaytsu.
Tsinkakuptikiqa wañushqanömi tikrashaq.
8Taytay, llapan shonqüwanmi confiakamü.
Kuyakuq kanqaykita alliqpita musyaykatsillämay.
Imata ruranäpaqpis tantiyaykatsillämay.
9 Dios Yaya, tsinkakaykämuptïqa chikimaqnïkunapita tsapaykallämay.
10Qamllam Dios Yayallä kanki.
Munanqaykinö kawakunäpaq yanapaykallämay.
Allikunallata ruranäpaq Espïrituyki tantiyaykatsillämätsun.
11 Dios Yaya, poderösu kanqaykita pïmay musyayänanpaq yanapaykallämay.
Alli ruraq kaynikiwan kay llakikuypita jipiykallämay.
12Kuyapämar conträkunata ushakaykatsillay.
Kawaykaqta ama ni jukllayllatapis dëjaykullaytsu.
Taytay, qampa podernikichömi kaykällä.
Currently Selected:
Salmo 143: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
