Salmo 145
145
Salmo 145 (144)
Dios Yayata alabanqan
1a (1a) David qellqanqan alabanzam.
1 1 (1b) Dios Yayallä, mandamaq reyllä, imaypis alabashaykim.
Imaypis shutikichömi agradëcikushayki.
2Waran waranmi alabashayki.
Imaypis shutikichömi alabashayki.
3Alläpa poderösum kanki.
Alabanzakunata cantarmi adorashayki.
Poderösu kanqaykim mana tantiyaypaq.
4Milagru ruranqaykikunatam tsurïkunatapis willashaq.
Paykunam mantsakaypaq ruranqaykikunata tsurinkunata willayanqa.
5Poderösu y mantsakaypaq kanqaykitam imaypis yarparäshaq.
Kushikuypaq ruranqaykitam imaypis qonqashaqtsu.
6Poderösu kanqaykitam willakushaq.
Podernikiwan ruranqaykikunatam pïmaypis parlayanqa.
7Kuyakuq kanqaykitam maychöpis willakuyanqa.
Allillata ruranqaykipitam cantar alabayäshunki.
8 Dios Yayam alli shonqu y llakipäkuq.
Kuyakuq karmi sas rabyakuntsu.
Kuyakuyninmi imaypis mana ushakaq.#Sal. 103.8; Stg. 5.11.
9 Dios Yayam pïmaypaqpis allita ruran.
Llapan kamanqantam kuyar rikan.
10 Dios Yaya, llapan kamanqaykikuna alabaykuyälläshuy.
Munanqaykinö kawaqkuna llapan adoraykuyäshuy.
11Alli mandakuq kanqaykitam parlayanqa.
Mantsakaypaq ruranqaykikunatam willakuyanqa.
12Tsaynöpam poderösu kanqaykita entëru munduchö musyayanqa.
Podernikiwan mandakunqaykitam pïmaypis musyayanqa.
13Rey kaynikiwanmi imaypis mandakunki.
Imayyaqpis mandakuqmi kanki.
Prometinqaykitam imaypis cumplinki.
Llapan imayka ruranqaykim alli.
14Manärashqakunatam valoratsinki.
Llakishqakunatam kushikatsinki.#Sal. 146.8.
15Llapan kawaqkunam shuyaraykäyäshunki höranchö mikuyninkuna qaranaykipaq.
16Llakiparmi llapan kawaqkunapaq bendicionnikita churamunki.
17 Dios Yaya ruranqankunam llapan allilla.
Llakipäkuq karmi imaykata allillata ruran.
18Llapan shonqunkunawan mañakuqkunapa puntanchömi Dios Yaya kaykan.
19Paypita mantsakuqkunatam ima munayanqantapis alistapan.
Ausiliuta mañakuyaptinpis sasmi salvan.
20 Kuyar cäsukuqkunatam cuidan.
Peru mana alli runakunatam sïqa ushakätsin.
21Noqaqa Dios Yayatam alabashaq.
Llapan runakuna paypa shutinchö imaypis alabayätsun.
Currently Selected:
Salmo 145: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
