Salmo 140
140
Salmo 140 (139)
Mana alli runakunapita tsapänanpaq Dios Yayata mañakunqan
1 (1) Cantaqkunapa mandakuqninpaqmi. David qellqanqan salmu.
1 1 (2) Dios Yaya, mana alli runakunapita tsapaykallämay.
Wañutsikuq runakunapita salvaykallämay.
2 2 (3) Paykunaqa mana allikunata rurayänallanpaqmi imaypis yarparaykäyan.
Waran waranmi pïmayta wajupar puriyan.
3 3 (4) Culebranöraqmi laqwatyaykachäyan.
Parlayninkunapis culebrapa venënunnömi.#Rom. 3.13. Selah
4 4 (5) Dios Yaya, mana alli runakunapita tsapaykallämay.
Wañutsikuq runakunapita salvaykallämay.
Paykunam yachatsinakuykäyan jutsata ruratsiyämänanpaq.
5 5 (6) Allish tukuq karmi trampata churapäyämashqa.
Imaykanöpam desgracia päsamänanta munayan.
Maypa aywaptïpis trampatam churapäyäman. Selah
6 6 (7) Dios Yayatam mañakur nï:
<<Diosnïmi kanki.
Mañakamunqäta wiyaykallämay>>.
7 7 (8) Poderösu Dios Yaya, salvamaqnïmi kanki.
Conträ shäriyaptinmi tsapämanki.
8 8 (9) Dios Yaya, mana alli runakuna imatapis mana allikunata rurayänanta ama permïtiykullaytsu.
Ima yarpäyanqanpis ama kamakaykullätsuntsu.
Manasïqa alläpam allish tukuyanqa. Selah
9 9 (10) Chikimaqnïkuna maldicionäyämanqan kikinkunaman tikraputsun.
10 10 (11) Paykunaman shanshakuna shikwamutsun.
Ninaman ishkiyätsun.
Imaypis mana yarqamuqpaq pätsiman jatikäyätsun.
11 11 (12) Washarimakuna kay patsachö ama mirayätsuntsu.
Maqakuq lïsu runakunata imayka desgraciapis päsatsun.
12 12 (13) Dios Yaya, musyämi waktsakunata yanapar justiciata ruranqaykita.
Waktsakunapam favornin shärinki.
13 13 (14) Alli ruraq runakunam shutikichö alabayäshunki.
Munanqaykinö kawaq runakunam puntaykichö kawayanqa.
Currently Selected:
Salmo 140: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
