Salmo 136
136
Salmo 136 (135)
Dios Yayata agradëcikunqan
1Allillata ruraq kanqanpita Dios Yayata agradëcikuyay.
Kuyakuq kayninqa manam ni imaypis ushakantsu.#1Crón. 16.34; 2Crón. 5.13; 7.3; Esd. 3.11; Sal. 100.5; 106.1; 107.1; 118.1; Jer. 33.11.
2Llapan dioskunapa diosnin Dios Yayata agradëcikuyay.
Kuyakuq kaynin manam ni imaypis ushakantsu.
3Poderösu Dios Yayata agradëcikuyay.
Kuyakuq kaynin manam ni imaypis ushakantsu.
4Payllam milagrukunata ruran.
Kuyakuq kaynin manam ni imaypis ushakantsu.
5Yachayninwanmi ciëluta kamarqan.#Gén. 1.1.
Kuyakuq kaynin manam ni imaypis ushakantsu.
6Yaku chawpinchömi tsaki patsatapis kamarqan.#Gén. 1.2.
Kuyakuq kaynin manam ni imaypis ushakantsu.
7Rupaytawan killatam kamarqan.
Kuyakuq kaynin manam ni imaypis ushakantsu.
8Rupaytam kamarqan junaqpa atsikyänanpaq.
Kuyakuq kaynin manam ni imaypis ushakantsu.
9Killatawan qoyllurkunatanam kamarqan paqaspa atsikyänanpaq.#Gén. 1.16.
Kuyakuq kaynin manam ni imaypis ushakantsu.
10Egipto runakunapa mayor tsurinkunatam wañutsirqan.#Éxo. 12.29.
Kuyakuq kaynin manam ni imaypis ushakantsu.
11Israel runakunatam Egiptupita jipimurqan.#Éxo. 12.51.
Kuyakuq kaynin manam ni imaypis ushakantsu.
12Paykunatam mantsakaypaq kaqkunata rurar jipimurqan.
Kuyakuq kaynin manam ni imaypis ushakantsu.
13Puka Lamartapis ishkaymanmi rakirqan.
Kuyakuq kaynin manam ni imaypis ushakantsu.
14Lamar chawpinpam Israel runakunata päsatsimurqan.
Kuyakuq kaynin manam ni imaypis ushakantsu.
15Faraóntawan soldädunkunatam Puka Lamarchö tallpütsir ushakätsirqan.#Éxo. 14.21-29.
Kuyakuq kaynin manam ni imaypis ushakantsu.
16Kuyanqan runankunatam desiertupa pushamurqan.#Deut. 8.15.
Kuyakuq kaynin manam ni imaypis ushakantsu.
17Poderyuq reykunatam wañutsirqan.
Kuyakuq kaynin manam ni imaypis ushakantsu.
18Poderösu kayaptinpis tsay reykunata ushakätsirqan.
Kuyakuq kaynin manam ni imaypis ushakantsu.
19Paymi wañutsirqan amorreo runakunapa mandaqninkuna rey Sihónta.#Núm. 21.21-30.
Kuyakuq kaynin manam ni imaypis ushakantsu.
20Tsaynömi wañutsirqan Basán nacionpa mandakuqnin rey Ogta.#Núm. 21.31-35.
Kuyakuq kaynin manam ni imaypis ushakantsu.
21Paykunapa nacionninkunatam Israel runakunapa herencian kananpaq entregarqan.
Kuyakuq kaynin manam ni imaypis ushakantsu.
22Serviqnin Israel runakunatam herenciankuna kananpaq aypurqan.
Kuyakuq kaynin manam ni imaypis ushakantsu.
23Ima desgracia päsamashqapis payqa manam qonqämantsiktsu.
Kuyakuq kaynin manam ni imaypis ushakantsu.
24Chikimaqnintsikkunapitam salvamarqantsik.
Kuyakuq kaynin manam ni imaypis ushakantsu.
25Llapanpaqmi mikuyninkuna alistapan.
Kuyakuq kaynin manam ni imaypis ushakantsu.
26¡Ciëluchö kaykaq Dios Yayata agradëcikuyay!
Kuyakuq kaynin manam ni imaypis ushakantsu.
Currently Selected:
Salmo 136: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
