Salmo 135
135
Salmo 135 (134)
Dios Yayata alabanqan
1¡Aleluya!
¡Dios Yayata alabayay!
Serviqninkuna, Dios Yayata alabayay.
2 Dios Yayapa wajinchö kaqkuna, payta alabayay.
Diosnintsikpa wajin patiuchö kaqkuna, payta adorayay.
3Allillata ruraq kanqanpita Dios Yayata alabayay.
Kuyakuq kanqanpita salmukunata cantar alabayay.
4Jacobpita miraqkunatam paypa kayänanpaq Dios Yaya akrarqan.
Israel runakunatam herencian kayänanpaq akrarqan.
5Musyämi Dios Yaya poderösu kanqanta.
Paymi llapan dioskunapitapis mas poderösu.
6Ciëluchö, patsachö, lamarchö y lamar rurinchöpis munanqantam Dios Yayaqa ruran.
7Kay patsapa kuchunpitam pukutayta shäritsin.
Tamyamunanpaqmi maqakatsimun.
Churarätsinqanpitam wayratapis jipimun.#Jer. 10.13; 51.16.
8Egipto runakunapa mayor tsurinkunatam wañutsirqan.
Wätankunapa punta kaq wawankunatam wañutsirqan.
9Faraón y mandäsiqninkuna rikäyänanpaqmi Egiptuchö mantsakaypaq kaqkunata rurarqan.#Éxo. 12.29-30.
10Atska nacionkunachömi runakunata wañutsirqan.
Puëdiq reykunatam ushakätsirqan.
11Tsay reykunam kayarqan amorreo runakunapa mandakuqnin Sihón, Basánchö täkuq rey Og y cananeo runakunapa mandakuqnin reykunapis.#Núm. 21.21-35.
12Tsay runakunapa nacionninkunatam kuyanqan Israel runakunata entregarqan posesionninkuna kananpaq.
13 Dios Yaya, mana ushakaqmi kanki.
Qamtam imayyaqpis yarpäyäshunki.
14 Dios Yayam kuyanqan runankunata yanapanqa.
Serviqninkunatam llakipanqa.#Deut. 32.36.
15Juklä nación runakuna adorayanqan ïdulunkunam qoripita y yuraq qellaypita.
Tsaykunatam runakunalla rurayan.
16Shiminkuna kaptinpis manam parlayantsu.
Ñawinkuna kaptinpis manam rikäyantsu.
17Rinrinkuna kaptinpis manam wiyayantsu.
Manam jamayninkunapis kantsu.
18Ïdulukuna poderninnaq kayanqannömi ruraqninkunapis poderninnaq kayan.
Ïdulukunaman confiakuqkunaqa ïdulunöllam kayan.#Sal. 115.4-8; Isa. 44.9-20; Jer. 10.1-16; Apoc. 9.20.
19Israel majikuna, ¡Dios Yayata alabayay!
Aarónpita miraqkuna, ¡Dios Yayata alabayay!
20Leví trïbukuna, ¡Dios Yayata alabayay!
Dios Yayapita mantsakuqkuna, ¡payta alabayay!
21 Siónchöpis y maytsaychöpis Dios Yaya alabashqa kaykullätsun.
Paymi Jerusalénchö täkun.
¡Aleluya!
Currently Selected:
Salmo 135: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
