Salmo 123
123
Salmo 123 (122)
Dios Yayaman confiakur mañakunqan
Kay salmum Jerusalénman aywaqkuna cantayänanpaqmi.
1Dios Yaya, qamllamanmi confiakamü.
Qammi ciëlupita llapantapis podernikichö katsinki.
2Patronninman servikuq confiakunqannömi qamman confiakayämü.
Patrönanman servikuq warmi confiakunqannömi llakipäyämänaykipaq confiakayämü.
3 Dios Yaya, llakipaykayällämay.
Mana qonqar yanapaykayällämay.
Runakuna despreciayämaptin manam awantayänatsu.
4Chikimaqnïkunam alläpana asipäyäman.
Allish tukuqkunam imaypis manakaqman churayäman.
Currently Selected:
Salmo 123: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
