Salmo 122
122
Salmo 122 (121)
Jerusalén markapaq Dios Yayata mañakunqan
Kay salmum Jerusalénman aywaqkuna cantayänanpaq. David qellqanqan.
1Alläpam kushikurqä <<Dios Yayapa wajinman aku aywashun>> niyämaptin.
2¡Jerusalén, punkuykipam yaykayämushkäna!
3Llapäkuna qorikäyänäpaqmi Jerusalén marka alli shäritsishqa kaykan.
4Jerusalénmanmi Israel runakuna trïbunpa trïbun witsäyämun.
Dios Yaya mandanqannöllam alabayänanpaq witsäyämun.
5Jerusalénchömi Davidpita miraq runakuna alli justiciata rurar mandakuyan.
6Jerusalénchö runakuna shumaq kawakuyänanpaq Dios Yayata mañakushun.
Jerusalén, kuyashuqniki runakuna alli kawakuyätsun.
7Murällayki rurinchö täkuqkuna kushishqa kawakuyätsun.
Palaciuykichö täkuqkunapis tranquïlu kawakuyätsun.
8Ayllükuna y amïgükuna raykum niq:
<<¡Qam kaqchö täkuqkuna llapanpis alli kawakuyätsun!>>
9 Diosnintsikpa wajin rayku qamchö alli kawakuyänanpaqmi imaypis mañakushaq.
Currently Selected:
Salmo 122: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
