Salmo 112
112
Salmo 112 (111)
Alli runa imanö kawanqan
1¡Aleluya!
Dios Yayapita mantsakuq runaqa kushishqam kawakun.
Tsay runam Diospa mandamientunkunata cumplir kushikun.
2Paypita miraqkunam Israel nacionchö poderösu kayanqa.
Paykunam bendicionta chaskiyanqa.
3Wajinchö imaykankunapis sobrat sobratmi kanqa.
Pïmaypaqpis alli shonquyuq generösum kayanqa.
4Wakin kaq runakuna tutapäpukushqanö kayaptinpis alli ruraq runaqa aktsinömi kaykan.
Payqa alli shonqu, llakipäkuq y alli ruraqmi kaykan.
5Alli runaqa pipis prestakuptin sasllam makyaykun.
Imaykatapis alli yarpachakuskirmi ruran.
6Manam imaypis mana allikunataqa rurantsu.
Paytaqa pïmaymi yarpaskin.
7Mana alli noticiata wiyarpis manam mantsakantsu.
Ima kaptinpis Dios Yayamanmi confiakun.
8Imaypis tranquïlum kawakun.
Manam pipitapis mantsakuntsu.
Chikiqninkuna ushakaqtam rikan.
9Waktsakunatam imaypis qaran.
Allillatam imaypis ruran.
Paytam pïmaypis respitan.
10Tsayta rikarmi mana alli runaqa chikipan.
Kirunpis requchyaptinraqmi rabyan.
Mana allikunata rurananpaq yarpaptinpis manam kamakanqatsu.
Currently Selected:
Salmo 112: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
