Salmo 113
113
Salmo 113 (112)
Dios Yayata alabanqan
1¡Aleluya!
Dios Yayata serviqkuna, paypa shutinchö alabayay.
2Kananpis imaypis Dios Yayapa shutin alabashqa katsun.
3Patsa waranqanpita patsa tsakanqanyaq Dios Yayata maytsaychöpis alabayätsun.
4 Dios Yayam llapan nacionta poderninchö katsin.
Ciëluchöpis paywanqa manam ni pï iwalantsu.
5 Diosnintsiknöqa manam pipis kantsu.
Paypa trönunmi ciëlupita mas altuchö.
6Tsaypitam ciëlutawan kay patsata rikaraykämun.
7Dios Yayam waktsakunata yanapan.
Faltapakuqkuna imaykatapis tariyänanpaqmi permïtin.
8Mayor runakunawan jamayänanpaqmi churan.
Markanchö respitashqa runa kananpaqmi churan.
9Qolluq warmitapis wawayuq kananpaqmi permïtin.
Wawayuq kaptinpis kushishqa kawakunanpaqmi yanapan.
¡Aleluya!#1Sam. 2.2-8; Luc. 1.48-53.
Currently Selected:
Salmo 113: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
