Salmo 109
109
Salmo 109 (108)
Chikiqninkunata juzgananpaq Dios Yayata mañakunqan
1 (1) Cantaqkunapa mandakuqninpaqmi. David qellqanqan salmu.
1 1 (1b) Dios Yaya, qamtam alabaq.
Mañakuptiq ama upälla kaytsu.
2Llullakuq y mana alli ruraq runakunam conträ parlayan.
Mana parlanqätam tumpayäman.
3Mana alli parlayninkunawanmi imaykata niyäman.
Imankunatapis mana imanaykaptïmi llutalla atacayäman.
4Paykunata kuyaykaptïmi chikiyäman.
Tsaymi qamta imaypis mañakullaq.
5Llakipar yanapaykaptïmi conträ shäriyan.
Kuyaykaptïmi chikiyäman.
6Chikimaqnïta juzgananpaq mana alli runata churaykullay.
Kikinpa abogädullan condenatsun.
7Demandakuptinpis kikin jutsayuq kanqanta niyätsun.
Kikinpa shimillan condenatsun.
8Manaraqpis höranchö wañutsun.
Pay rurananpaq kaqta jukna ruratsun.#Hech. 1.20.
9Tsurinkunapis taytannaq waktsa kayätsun.
Warminpis viüda quëdatsun.
10Tsurinkuna purikur limushnata mañakuq kayätsun.
Juchushqa wajinkunapita mikuyta ashiyänanpaq karupa aywayätsun.
11Prestaqninkuna imaykankunatapis prenda apakuyätsun.
Sufrir arunqantapis juklä runakuna qechuskir apakuyätsun.
12Paykunata y taytannaq quëdashqa waktsa tsurinkunatapis pipis ama llakipätsuntsu.
13Paypita miraqkunapis llapan ushakäyätsun.
Apellïdunkunapis jankat illakätsun.
14Taytan mana allikunata ruranqanpita Dios Yaya ama perdonatsuntsu.
Mamanpa jutsanpitapis ama perdonatsuntsu.
15Jutsa rurayanqanta imaypis Dios Yaya ama qonqatsuntsu.
Kay patsachöqa shutintapis amana yarpäyätsuntsu.
16Tsay runaqa manam llakipäkuytapis yachashqatsu.
Waktsakunata, qollmi shonqukunata y llakikuychö kaykaqkunatam wañutsinqanyaq qatikachashqa.
17Maldicionäkuq kanqanpita kikinman maldición chätsun.
Runa majinpaq bendición mana kananta munanqanpita kikinpaqpis bendición katsuntsu.
18Llapan imayka ruranqanpis maldicionashqa katsun.
Maldicionqa pachanmanpis imayka yakunö yaykutsun.
Tullunmanpis imayka aceitinö chätsun.
19Maldicionashqa imaypis kawatsun.
Shütayta mana puëdinqanyaq watashqa wachukunö imaypis ñakatsitsun.
20Chikimaqnïkunatawan conträ parlaqkunata Dios Yaya tsaynö castigatsun.
21 Dios Yaya, kuyakuq kanqaykita pïmaypis musyananpaq yanapaykallämay.
Llakipäkuq kaynikiwan salvaykallämay.
22Llakishqalla karmi ni imanakaytapis puëdïtsu.
Shonqüpis llakikuywanmi alläpa nanan.
23Llantu illakaqnömi kallpäpis ushakan.
Chukllushta wayra apanqannömi kaykä.#Job 8.9; 14.2; Sal. 39.5-6; 102.11.
24Mana mikuptïmi qonqurnïpis tsuktsukyaykan.
Custilläkunapis yupanakuykanmi.
25Pïmaymi alläpa asipäman.
Rikaykayämarmi umankunatapis aywirraq kushipäyäman.#Mat. 27.39; Mar. 15.29.
26 Dios Yayallä, yanapaykallämay.
Llakipäkuq kaynikiwan salvaykallämay.
27Pïmaypis kikiki libramanqaykita musyatsun.
28Runakuna maldicionäyämaptinpis bendicionnikita noqaman churaykallämuy.
Chikiqnïkuna alläpa penqakuyätsun.
Noqaqa serviqniki karmi alläpa kushikushaq.
29Chikiqnïkunata pïmaypis musyapäyätsun.
Alläpa penqakuywan qaqllankunapis rawrätsun.
30 Dios Yaya, qamtam imaypis agradëcikushayki.
Atskaq runakunawan qorikaykurmi alabayäshayki.
31Qammi mana imannaq waktsakunapa janan kanki.
Chikiqninkunapitapis qammi salvanki.
Currently Selected:
Salmo 109: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
