Salmo 108
108
Salmo 108 (107)
Dios Yayata alabanqan
Salmo 57.7-11; 60.5-12
1 (1) Cantanapaqmi. David qellqanqan salmu.
1 1 (2) Dios Yayallä, shonqü listum kaykan.
Cantukunata cantarmi alabashayki.
Llapan shonqüwanmi alabashayki.
2 2 (3) ¡Rikchay, arpa! ¡Rikchay, salteriu!
¡Dios Yayata tsaka tsakallana alabashun!
3 3 (4) Dios Yayallä, llapan runakunapa puntanchömi alabashayki.
Maytsay nación runakunapa puntanchömi alabashayki.
4 4 (5) Kuyamanqaykita manam ni imanö tantiyätsu.
Ciëluchöpis manam ni pï kantsu äninqanta qamnö cumpliqqa.#Sal. 36.5.
5 5 (6) Dios Yayallä, gloriachöpis poderösum kanki.
Kay patsachöpis poderösum kanki.#Sal. 8.1.
6 6 (7) ¡Poderösu kaynikiwan libraykayällämay!
Tsaynöpam kuyanqayki runakuna kar librina kayäshaq.
7 7 (8) Templunchömi Dios Yaya nirqan:
<<Siquem partita y Sucot pampatam kushishqa entregayäshayki.
8 8 (9) Galaad runakuna y Manasés runakuna täkuyanqan partikunapis noqapam.
Efraín runakunaqa guërrachö tsapäkunä cascum kayan.
Judá runakunaqa mandakunä väram kayan.
9 9 (10) Moab nacionmi mayllakunä lavatoriu kayan.
Edom nacionmanmi llanqïta jitarishaq.
Filisteo runakunata venciskirmi alläpa kushikushaq>>.
10 10 (11) Murallashqa markata atacayänäpaq ¿piraq pushayämanqa?
Edom nacionta atacayänäpaq ¿piraq pushayämanqa?
11 11 (12) Dios Yayallä, dëjaskayämaptikiqa yanapayämänanpaq manam ni pipis kantsu.
Mananam soldädükunatapis yanapankinatsu.
12 12 (13) Runakuna yanapayämaptinpis manam servimantsu.
Conträkunata venciyänäpaq yanapaykayällämay.
13 13 (14) Dios Yaya yanapamashqam vencishun.
Paymi chikiqnintsikkunata ushakätsinqa.
Currently Selected:
Salmo 108: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
