Salmo 105
105
Salmo 105 (104)
Kuyanqan runakunata Dios Yaya alli rikanqan
1 Crónicas 16.8-22
1¡Dios Yayata agradëcikuyay!
¡Paypa shutinchö alabayay!
Llapan ruranqanta maytsay nacionchöpis willakuyay.
2Salmukunata cantar alabayay.
Mantsakaypaq ruranqankunata willakuyay.
3 Dios Yayata ashiqkuna, llapan shonquykikunawan payta alabayay.
Japallan santu Dios kanqanpita kushikuyay.
4Poderösu Dios Yayata imaypis ashiyay.
Yanapashunaykipaq payta imaypis mañakuyay.
5Mantsakaypaq ruranqan milagrukunata yarpäyay.
Contrantsikkunata imanö vencinqanta ama qonqayaytsu.
6Dios Yayata serviq Abrahampita miraqkuna, tsaykunata yarparäyay.
Akranqan Jacobpita miraqkuna, llapan ruranqankunata ama qonqayaytsu.
7Paymi noqantsikpa Diosnintsik.
Entëru kay patsachömi munanqanta ruran.
8 Pactu ruranqanta manam imaypis qonqantsu.
Waranqa (1,000) generación päsaptinpis yarparaykanmi.
9Tsay pactutam Abrahamwan rurarqan.#Gén. 12.7; 17.8.
Isaactapis jurarmi prometirqan.#Gén. 26.3.
10Imaypis cumplinanpaqmi Jacobta y paypita miraq Israel runakunatapis prometirqan.
11Prometirmi nirqan:
<<Canaántam herenciaykikuna kananpaq entregayäshayki>>.#Gén. 28.13.
12Tsay witsayqa Israel runakuna wallkaqllam kayarqan.
Juklä nacionchömi yupashqalla kayarqan.
13Paykunam nacionnin nacionnin y markan markan puriyarqan.
14Tsaynö puriyaptinpis pipis sufritsinanta manam Dios Yaya permïtirqantsu.
Tsaymi reykunata castigar nirqan:
15<<Akranqä runakunata ¡ojaläraq pillapis yataykunman!
Profëtäkunata musyaykuyänanpaq ¡pillapis yataykunman!>>#Gén. 20.3-7.
16Dios Yayam permïtirqan paykuna täkuyanqan nacionchö muchuy kananpaq.
Tsaymi mikuyänanpaq imapis karqantsu.#Gén. 41.53-57.
17Muchuypita salvananpaqmi Egiptuman paykunapa puntanta Joséta kacharqan.
Tsaymanmi charqan servikuq kananpaq wawqinkuna rantikuyaptin.#Gén. 37.28; 45.5.
18Egipto runakunam Josépa chakinta cadenawan watarätsiyarqan.
Kunkapitam fiërru cadenawan watarätsiyarqan.
19Tsaychömi sueñunqankuna cumplinqanyaq qaykurarqan.
Tsaynöpam rasun kaqta sueñunqanta Dios Yaya runakunata tantiyatsirqan.#Gén. 39.20—40.23.
20Tsaypitanam tsay nacionpa mandakuqnin rey carcelpita jipitsimurqan.#Gén. 41.14.
21Jipiskirmi palaciuntawan llapan imaykankunata rikänanpaq churarqan.#Gén. 41.39-41.
22Tsaynöllam churarqan mandäsiqninkunatawan mayor runakunata yätsinanpaq.
23Tsaypitanam Israel runakuna Egiptuman aywakuyarqan.
Tsaynöpam Cam partichö#105.23 Cam partiqa Egipto nacionmi karqan. tsurinkunawan Jacob täkuyarqan.#Gén. 46.6; 47.11.
24Dios Yayapa bendicionninwanmi maytsikaman mirayarqan.
Egipto runakunapitapis mas atskaqmi kayarqan.
25Tsaymi Egipto runakunata Dios Yaya yarpätsirqan Israel runakunapa contran shäriyänanpaq.
Tsaynöpam Dios Yayata serviq runakunata sufritsiyarqan.#Éxo. 1.7-14.
26Tsaypitam Dios Yaya mandarqan serviqnin Moisésta y akranqan Aarónta.#Éxo. 3.1—4.17.
27Dios Yayapa poderninwanmi Cam partichö mantsakaypaq kaqkunata rurayarqan.
28Tsaymi tsay nacionchö alläpa mantsakaypaq tutapätsirqan.
Peru Egipto runakunam Moisés ninqanta cäsuyarqantsu.#Éxo. 10.21-23.
29Mayukunatapis Dios Yayam yawarman tikratsirqan.
Pescädukunapis llapanmi wañur ushakäyarqan.#Éxo. 7.17-21.
30Entëru nacionmanmi säpukuna juntäyarqan.
Mandakuq reypa palaciunmanmi juntäyarqan.#Éxo. 8.1-6.
31Dios Yaya mandaptinmi pawräkuna y chuspikunapis entëru Egiptuman juntäyarqan.#Éxo. 8.16-24.
32Tamyapa rantinmi runtu tamyata tamyatsimurqan.
Tsay entëru nacionmanmi maqakatsimurqan.
33Tsay runtu tamyam üva jachakunata y hïguspa yurankunatapis ushakätsirqan.
Egiptuchö llapan jachakunatam ushakätsirqan.#Éxo. 9.22-25.
34Dios Yaya mandaptinmi tukuyläya chukllushkunapis tsayman juntäyarqan.
Yupaytapis mana puëdiypaqmi maytsika kayarqan.
35Llapan qewakunatam ushayarqan.
Chakrachö mikuykunatapis jankatmi ushayarqan.#Éxo. 10.12-15.
36Egipto runakunapa llapan mayor tsurinkunatam Dios Yaya wañutsirqan.#Éxo. 12.29.
37Atska qoriyuqta y atska yuraq qellayyuqtam kuyanqan runakunata jipimurqan.
Yarqayämuptin manam ni pipis amatsarqantsu.
38Egipto runakuna jankat mantsakashqa kaykarmi aywakuyaptin kushikuyarqan.#Éxo. 12.33-36.
39Israel runakunata llanturänanpaqmi pukutayta Dios Yaya alistaparqan.
Paqaspa aktsipänanpaqmi lunyaykaq ninata alistaparqan.#Éxo. 13.21-22.
40Aytsata mañakuyaptinmi codornizkunata yuritsirqan.
Pacha junta mikuyänanpaqmi ciëlupita mikuytapis alistapämurqan.#Éxo. 16.2-15.
41Yakuta upyayänanpaqnam qaqapita pashtatsimurqan.
Tsaymi desiertupa maytsika yaku aywarqan.#Éxo. 17.1-7; Núm. 20.2-13.
42Tsaynömi serviqnin Abrahamta prometinqanta cumplir Israel runakunata Dios Yaya yanaparqan.
43Egiptupitam kuyanqan runankunata jipimurqan.
Jipimuptinmi alläpa kushishqa qayaykacharraq yarqayämurqan.
44Paykunatam juklä runakunapa markankunata Dios Yaya entregarqan.
Juklä runakuna aruyanqantam imaykatapis paykunata entregarqan.#Jos. 11.16-23.
45Tsaynö entregarqan estatütunkunata y leyninkunata cäsuyänanpaqmi.
¡Aleluya!
Currently Selected:
Salmo 105: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
