Proverbios 13
13
1Yachayyuq wamram taytan yätsinqanta chaskikun.
Peru malqueriädu wamram sïqa chaskikuntsu.
2Shiminpitam alli o mana alli rikashqapis kayan.
Peru traicionëru runam sïqa chikishqa kanqa.#Prov. 12.14; 18.20.
3Allikunallata parlaq runam wañuypita salvakan.
Peru shimin kamakanqanta parlaq runam sïqa ushakan.#Stg. 3.2-12.
4Qela runaqa mayjina munarpis manam ni imata tarintsu.
Peru arukuq runam sïqa munanqanta tarin.
5Alli ruraq runaqa manam llullakuyta munantsu.
Mana alli ruraq runam sïqa penqakuypaq imatapis ruran.
6Alli ruraq runam allita ruranqanwan alli kawakun.
Peru mana alli ruraq runam sïqa jutsa ruranqanwan ushakan.
7Wakin runakunam imankunapis mana kaykaptin rïcu tukuyan.
Wakin kaqnam imaykanpis kaykaptin waktsa tukuyan.
8Rïcu runam qellayninwan wañuypitapis salvakan.
Peru waktsa runatam sïqa pipis suwapunanpaq yarpantsu.
9Alli kawakuq runaqa aktsinömi kaykan.
Peru mana alli ruraq runam sïqa aktsi wañuqnö illakanqa.
10Allish tukuq runaqa pitapis piñatsinmi.
Yätsinqanta cäsukuq runaqa yachayyuqmi kaykan.#Prov. 11.2.
11Fácil tarishqa qellaymi yakunö ushakan.
Wallka wallkalla qorikuq runam sïqa rïcuyan.
12Yarpanqannö mana kaptinmi pipis alläpa yarpachakun.
Peru yarpanqannö imapis kaptinmi sïqa kushikun.
13Mandaqnin ninqanta mana cäsurmi castigashqa kanqa.
Peru mandaqnin ninqanta cäsurmi sïqa premiuta chaskinqa.
14Yachayyuq runa yätsinqanta chaskirmi alli kawayta tarin.
Tsaynöpam wañuypitapis qeshpin.#Prov. 14.27.
15Alli yarpayyuq runatam pïmaypis respitan.
Peru mana cäsukuq runatam sïqa imayka desgracia päsan.
16Tantiyakuq runam alli yarpachakuskir imatapis ruran.
Peru mana tantiyakuq runam sïqa mana allikunata rurarpis aläbakun.
17Mana confiakuypaq runam mandaqninta imaykaman qarpun.
Peru confiakuypaq runam sïqa mandaqninta kushitsin.
18Yätsinqanta mana chaskiq runapam penqakuypaq imaykanpis faltan.
Peru consejanqanta chaskiq runam sïqa respitädu kanqa.
19Yarpanqannölla imapis kaptinmi pipis kushikun.
Peru mana tantiyakuq runam sïqa mana alli rurayta dëjaytapis munantsu.
20Yachayyuq runawan purirmi yachayyuq tikran.
Peru mana yachayyuq runawan purirmi sïqa mana allikunata yachakun.
21Mana alli ruraq runam imaypis problëmallachö kawan.
Peru alli ruraq runam sïqa tranquïlu kawakun.
22Alli ruraq runapa herencianmi willkankunapaqpis kanqa.
Peru mana alli ruraq runapa herencianmi sïqa alli runakunapa makinman chanqa.
23Waktsa runapa chakranchö mikuy allish wayuptinpis mana alli runam suwapun.
24Wamranta mana corrigirqa manam rasunpatsu kuyan.
Rasunpa kuyarqa sasllam corrigin.
25Alli ruraq runapa wajinchömi mikuynin sobrat sobrat.
Peru mana alli ruraq runapa wajinchömi sïqa wayralla tumaykan.
Currently Selected:
Proverbios 13: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
