Nahum 2
2
1 1 (2) Nínive runakuna, contraykikunam ushakätsiyäshunaykipaq shamuykäyan.
Törriman lätarkur alcäbu kayay.
Nänipa shayämuqta rikachakuyay.
Espädaykikunata alistakuyay.
Soldäduykikunata qorikätsiyay.
2 2 (3) Qamkunam Jacob casta runakunata ushakätsir rämannaq üvatanö qarapatashqata dëjayarqayki.
Tsaynö rurayaptikipis Dios Yayam Israel runakunata yanapanqa unay kawayanqannö yapay kawakuyänanpaq.
3 3 (4) Dios Yayapa soldädunkunaqa atacayäshunaykipaq listum kaykäyan.
Escüdunkunawan llatapankunapis pukam kaykan.
Carrëtankunapis illaqunöraqmi atsikyar cörriyan.
Bestiankunapis guërraman yaykuyänanpaq tushuykacharraqmi kaykäyan.
4 4 (5) Carrëtankunapis qoshnirraqmi cällikunapa aywayan.
Pläzakunachöpis illaqunö atsikyarraqmi wakpa kaypa cörriyan.
5 5 (6) Rey mandaptinmi valienti capitankuna escüdunkunawan tsapakurkur markata atacaq murällaman tanqanakurraq cörriyan.
6 6 (7) Marka lädunpa päsaq mayuta kachaskirmi reypa palaciuntapis juchuskatsiyan.
7 7 (8) Reypa warmintapis prësum apayan.
Apayaptinmi serviqnin warmikunapis paluma waqaqnöraq waqaraykar qepanta aywayan.
Pëchunkunatapis kutarraqmi waqayan.
8 8 (9) Atacayaptinmi Nínive runakuna qeshpir aywakuyan.
Qocha tsaparaq kichakaskiptin yaku bunyaypa bunyar aywaqnömi qeshpir aywakuyan.
Tsaynö qeshpirmi kutiyänanpaq mayjina qayayaptinpis kutiyannatsu.
9 9 (10) ¡Nínive runakuna dëjayanqan qellayninta y qorintam apakuyan!
¡Paykunapa riquëzankunaqa yupaytapis mana puëdiypaqmi!
10 10 (11) ¡Nínive markaqa tsunyam kaykan!
¡Jankat pükashqam kaykan!
¡Wajinkunapis juchutsishqam kaykan!
¡Runakunapa shonqunkunapis mantsakaywanmi utuk utukyan y qonqurninkunapis tsuktsukyan!
¡Jankat aywapakashqa kayaptinmi valorninkunapis kannatsu!
11 11 (12) Unayqa Nínive marka leonpa machayninnömi karqan.
Tsaychöqa awkinkunawan wamrakunapis tranquïlum kawakuyarqan.
12 12 (13) Wätakunata wañutsiq leonkunanömi Nínive runakuna kayarqan.
Contrankunata ushakaskatsirmi imaykankunata aypunakuyänanpaq markankunaman ashtayaq.
Tsaymi wajinkunamanpis suwakuyanqanta qoriyaq.
13 13 (14) Tsaynö kayanqanpitam llapanta mandaq Dios Yaya Nínive runakunata nin:
<<Noqaqa contraykinam kä.
Contrayki karmi llapan guërra carrëtaykikunata uchpayanqanyaq waykashaq.
Llapan tsurikitam ushakätsishaq.
Tsaynö ushakaskatsiptiqmi täkuyanqaykichö suwakunapis kayanqanatsu.
Willakuqkunapis qamkunachö mananam kayanqanatsu>>.
Currently Selected:
Nahum 2: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
