Nahum 1
1
1Kay libruchömi profëta Nahúmta Dios Yaya revelanqan qellqashqa kaykan. Nahúmqa Elcos markapitam karqan. Paytam Dios Yaya revelacionchö Nínive markata ushakätsinanpaq kanqanta rikätsirqan.#Isa. 10.5-34; 14.24-27; Sof. 2.13-15.
Nínivita Dios Yaya castigananpaq ninqan
2 Dios Yayaqa runakuna payllata serviyänantam munan.
Contran kaqkunataqa mana llakiparmi pitapis castigan.#Éxo. 20.5-6; Deut. 4.24.
Pipis mana cäsuptinqa alläpam rabyakun.
3 Dios Yayaqa pacienciakuq y poderösum.
Pacienciakuq karpis jutsa ruraqkunatam sïqa castigan.
Dios Yayaqa shukukuy wayra y apäkuy tamya jananpam purin.
Pukutaypis chakinchö polvu shäriqnöllam kaykan.
4Piñapaptinmi lamarpis y mayukunapis tsakin.
Basán partichö y Carmelo jirkachö kaqkunapis chipyatmi tsakiskiyan.
Líbanuchö waytakunapis jankatmi wasaqäyan.
5Pay shamuptinqa lömakunapis mantsakarmi tsuktsukyäyan.
Jirkakunapis tsullurmi ushakäyan.#Sal. 97.5; Miq. 1.4.
Kay patsapis y kay patsachö kaqkunapis llapanmi mantsakar tsuktsukyäyan.
6Pay rabyaptinqa ¿piraq mana mantsakanmantsu?
Pay rabyaptinqa ¿piraq pärapunman?
Pay rabyakurqa ninanöraqmi imaykatapis ushan.
Pay puriptinqa qaqakunapis jankatmi partikan.
7 Dios Yayaqa allillatam ruran.
Llakikuychö kaqkunatam yanapan.
Payman confiakuqkunatam cuidan.
8Peru paypa contran kaqkunatam sïqa juchu apaqnö ushakätsin.
Maytsaypa aywayaptinpis wañuymi qatiraykan.
9 Dios Yayapa contran shäriyänaykipaq ¿imanirtan willanakuykäyanki?
Payqa llapaykitam ushakätsiyäshunki.
Contran kaqkunataqa jankatmi ushakätsinqa.
10Awrikashqa shirakata y tsaki oqshata nina rupaqnömi ushakätsinqa.
11Nínive runakuna,#1.11 Nínive markaqa Asiria nacionpa capitalninmi karqan. qamkunapa mandaqnikikuna reyqa Dios Yayapa contranmi shärishqa.
Tsaymi mana allikunata consejayäshunki.
12Kuyanqan runankunatam Dios Yaya nin:
<<Qamkunata castigashqa karpis kananpitaqa mananam castigayäshaykinatsu.
Peru Asiria nación runakunatam sïqa poderösu kayaptinpis y maytsikaq kayaptinpis jankat ushakätsishaq.
13Tsay runakunapa poderninchö kayanqaykipitam jipiyäshayki.
Mananam yapayqa paykunapa poderninchö kayankinatsu>>.
14Nínive markachö mandakuq reytam Dios Yaya nin:
<<Shutikita apananpaqpis qampita miraq aylluykikuna manam kayanqanatsu.
Tsaynöllam diosnikipa templunchö ïdulukunata qerupita rurashqa kaqtapis, qoripita y qellaypita fundishqa kaqtapis ushakätsishaq.
Melanaypaq mana väliq kanqaykipitam tsay templuman qamtapis pampashayki>>.
15 15 (2.1) Judá runakuna, alli willakuyta apamuq runa jirkakunapa shamuqta rikäyay.
Paymi apaykämun alli kawayänaykipaq alli willakuyta.#Isa. 52.7.
Kananpitaqa contraykikuna ushakätsiyäshunaykipaq mananam shayämunqanatsu.
Paykunaqa llapannam wañuyashqa.
Tsaynö kaykaptinqa kushikuypita Dios Yayapa fiestankunata#Lev. 23. rurar kushikuyay.
Tsay fiestakunachö payta äniyanqaykitapis cumpliyay.
Currently Selected:
Nahum 1: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
