Marcos 8

Chusku waranqa runakuna mikuyänanpaq milagruta Jesús ruranqan

Mateo 15.32-39

1Tsay junaqkunam atskaq runakuna Jesús kaqman yapay qorikäyarqan. Imapis mikuyänanpaq mana kaptinmi discïpulunkunata qayaskir Jesús nirqan: 2<<Kay runakunatam alläpa llakipä. Kimsa junaqnam mikuytapis mana yawar paqtantsik kaykäyan. 3Wakinqa karu markapitam shayämushqa. Mallaqllata <aywakuyay> niptïqa wajinkunaman manaraq chäyaptinmi shonqunkunapis ushakanqa>>.

4Discïpulunkunanam niyarqan: <<Kay jäkuqchöqa ¿maychöraq mikuytapis tarishwan kaytsikaq runakunapaq?>>

5Jesúsnam tapurqan: <<¿Aykatan tantaykikuna kayäpushunki?>>

Niptinnam niyarqan: <<Taytay, qanchisllam>>.

6Tsaynö niyaptinmi runakuna jamakuyänanpaq Jesús nirqan. Jamaskiyaptinnam qanchis tantata aptarkur Dios Yayata mañakur agradëcikurqan. Tsaypitanam pakiskir discïpulunkunata makyarqan aypukuyänanpaq. 7Tsaynöllam juk ishkay taksha pescädutapis Jesúsman apayarqan. Tsaykunatapis aptarkurmi Dios Yayata agradëcikuskir runakunata aypuyänanpaq discïpulunkunata makyarqan. 8Tsaymi pacha junta llapan mikuyarqan. Sobraq kaqkunatanam qanchis canasta juntata discïpulunkuna qoriyarqan. 9Tsaychö mikuqkunam chusku waranqanö (4,000) kayarqan.

Mikur ushaskiyaptinnam runakunata aywakuyänanpaq Jesús nirqan. 10Tsaypitanam büquiman lätarkur discïpulunkunawan Dalmanuta niyanqanman aywayarqan.

Milagrutaraq rikayta munayanqan

Mateo 16.1-4

11Chaykuyaptinmi fariseukuna ishkitsiyta munar Jesústa niyarqan: <<Taytay, Dios Yaya rasunpa kachamushunqaykita musyayänäpaq ima milagrullatapis ruramuy>>.#Mat. 12.38; Luc. 11.16.

12Tsaynö niyaptinmi Jesús llakikur nirqan: <<¿Imanirtan kanan witsay runakuna milagrutaraq ruranäta munayan?#Mat. 12.39; Luc. 11.29. Rasun kaqtam niyaq: Qamkuna munayanqaykinöqa manam ni ima milagrutapis rurashaqtsu>>.

13Tsaynö niskirmi runakunata jaqiskir büquiman lätarkur discïpulunkunawan wak tsimpaman päsayarqan.

Fariseukuna mana creyiyanqanta levadüraman Jesús iwalatsinqan

Mateo 16.5-12

14Jesúspa discïpulunkuna millkapa apayta qonqashqa kayaptinmi büquichö juk tantalla karqan. 15Jesúsnam nirqan: <<Cuidädu fariseukunapa y Herodespa levadürantataq chaskiyankiman>>.#Luc. 12.1.

16Tsaynö niptinmi discïpulunkuna kikinkunapura ninakuyarqan: <<Tantata mana apamunqantsikpitam tsaynö nikämantsik>>.

17Tsaynö parlayanqanta tantiyaskirmi Jesús nirqan: <<¿Imanirtan parlaykäyanki tantata mana apayämunqaykita? ¿Manaku tantiyayanki imapaq parlaykanqäta? ¿Juiciunnaqku kayanki? 18Ñawiyuq kaykarpis ¿manaku rikäyanki? Rinriyuq kaykarpis ¿manaku wiyayanki?#Jer. 5.21; Eze. 12.2; Mar. 4.12. ¿Manaku yarpäyanki? 19Pitsqa tantallapita pitsqa waranqa (5,000) runakuna mikuyänanpaq milagruta ruranqäpita sobraqkunata ¿ayka canasta juntatatan qoriyarqayki?>>

Paykunanam niyarqan: <<Chunka ishkaytam, taytay>>.

20<<Tsaynölla qanchis tantallapita chusku waranqa (4,000) runakuna mikuyänanpaq milagruta ruraptï sobraqkunata ¿ayka canasta juntatatan qoriyarqayki?>>

Paykunanam niyarqan: <<Qanchistam, taytay>>.

21Jesúsnam nirqan: <<Tsaykunata rikaykarpis ¿manaku tantiyayanki?>>

Betsaidachö qapra runata Jesús kutikätsinqan

22Tsaypitanam Betsaida markaman chäyarqan. Tsaychö kaykäyaptinmi qapra runata pushaykur Jesústa rugayarqan kutikätsinanpaq. 23Tsaymi makinpita jancharkur markapita jukläman Jesús jipirqan. Tsaychömi qaprapa ñawinman toqapuykurnin yataykur tapurqan: <<¿Imallataqa rikankiku?>>

24Tsaymi rikachakuskir nirqan: <<Jachakuna puriqtanömi runakunata rikaykä>>.

25Tsaypitam yapay ñawinta yataykuptin llapantapis allishna rikarqan. 26Kutikaskatsirmi Jesús nirqan: <<Markaman mana yaykur [ni pitapis mana willar] wajikiman kutikuy>>.

Jesús Cristo kanqanta Pedro ninqan

Mateo 16.13-20; Lucas 9.18-21

27Tsaypitanam discïpulunkunawan Jesús aywarqan Cesarea de Filipupa caseriunkunaman. Aywaykäyanqanchömi discïpulunkunata tapurqan: <<¿Pï kanqätatan runakuna niyan?>>

28Discïpulunkunanam niyarqan: <<Wakinmi niyan Bautizaq Juan kanqaykita. Wakinnam niyan profëta Elías kanqaykita. Y wakinnam niyan mayqan profëtapis kanqaykita>>.#Mar. 6.14-15; Luc. 9.7-8.

29Jesúsnam tapurqan: <<Qamkunaqa ¿pï kanqätatan yarpäyanki?>>

Pedrunam nirqan: <<Qamqa Dios Yaya kachamunqan Cristum kanki>>.#Juan 6.68-69.

30Tsaynö niptinmi pitapis mana willayänanpaq discïpulunkunata Jesús nirqan.#8.30 Tsay witsaymi Israel runakuna yarpäyarqan Cristuta Dios Yaya kachamuptin Roma runakunata guërrachö vencinanpaq kanqanta. Tsaynö yarpäyaptinpis Jesucristuqa manam guërrata ruraqtsu shamurqan, sinöqa noqantsik rayku cruzchö wañunanpaqmi. Tsaymi discïpulunkunata Jesús nirqan pay Cristo kanqanta pitapis mana willakuyänanpaq. Peru wañunqanpita kawaskamurmi sïqa pïmaytapis willakuyänanpaq nirqan (Mat. 17.9; 28.19).

Wañunanpaq kanqanta Jesús willakunqan

Mateo 16.21-28; Lucas 9.22-27

31Tsaypitanam discïpulunkunata Jesús willarqan: <<Runapa Tsurintam alläpa ñakatsiyanqa. Mayor runakuna, mandakuq sacerdötikuna y ley yachatsikuqkunam contran shärir wañutsiyanqa. Tsaypita kimsa junaqtam kawamunqa>>.

32Tsaytam Jesús cläru kaqta nirqan. Tsaynö niptinmi jukläman qayaskir Pedro piñaparqan. 33Tsaymi discïpulunkunaman Jesús tumaykur Pedruta nirqan: <<¡Puntäpita witiy, Satanás! Qam manam munankitsu Dios Yaya munanqanta ruranäta, sinöqa runa munanqanta ruranätam munanki>>.

34Tsaypitam discïpulunkunatawan runakunata qayaykur Jesús nirqan: <<Pipis discïpulü kayta munarqa kikin munanqannö ama kawatsuntsu, sinöqa cruzninta apaqnö noqata qatimätsun.#8.34 Jesucristo kawanqan witsaymi pipis cruzninta aparqan wañutsishqa kananpaq. Tsaymi cruzninta apaqnö noqata qatimätsun nirqa jutsa ruraypaq wañushqanö kar Jesucristuta qatinanpaq kanqanta nin.#Mat. 10.38; 16.24; Luc. 9.23; 14.27; Juan 12.25. 35Kawayninta salvayta munaqkunam kawayninta oqrayanqa. Kawayninta noqa rayku y alli willakuynï rayku oqraqkunam sïqa kawayninta salvayanqa.#8.35 Tsaynö nirmi Jesucristo nirqan: <<Kikin munanqannö mana alli kawaqkunaqa manam salvakuyanqatsu. Noqa munanqänö kawaqkunam sïqa salvakuyanqa>>.#Mat. 10.39; Luc. 17.33; Juan 12.25.

36<<Infiernuman jitarpushqa kananpaq kaptinqa ¿imapaqtan välin entëru mundupa ämun kanqanpis? 37Mayjina rïcu karpis manam rïcu kayninwan salvacionta rantinqatsu. 38Jutsasapa runakunapa puntanchö pipis noqapita y willakuynïpita penqakuptinqa Runapa Tsurinpis Dios Yayapa poderninwan y santu angelninkunawan shamurmi paypita penqakunqa>>.

Currently Selected:

Marcos 8: qxn

Highlight

Copy

Compare