Mateo 28

Wañunqanpita Jesús kawamunqan

Marcos 16.1-8; Lucas 24.1-12; Juan 20.1-10

1Jamay junaq päsaskiptinnam domingu alliq tsaka tsakallana María Magdalenawan jukaq María Jesús pamparanqan sepultüra rikaq aywayarqan. 2Aywaykäyaptinmi Dios Yaya kachamunqan ángel ciëlupita urämuptin patsa alläpa kuyurqan. Jesús pampayanqan sepultüraman chaykurmi tsaparaq rumita witirkatsir jananman jamaykurqan. 3Tsay angelmi illaqunöraq atsikyarqan. Llatapanpis jankanö yuraqmi karqan. 4Angelta rikaykurmi soldädukuna alläpa mantsakaywan tsuktsukyarraq upilakaskiyarqan.

5Warmikuna chaykuyaptinmi ángel nirqan: <<Ama mantsakäyaytsu. Musyämi crucificäyanqan Jesúspa ayanta rikaq shayämunqaykita. 6Manam kaychönatsu. Kawamunanpaq ninqannöllam kawamushqa. Mayman churayanqantapis rikäyänaykipaq shayämuy. 7Kanan sas aywar discïpulunkunata willayay Jesús kawamunqanta. Tsaynölla willayay Galileaman puntaykanqanta y tsaychö paywan tinkuyänanpaq kanqanta. Tsaytam qamkunata willayaq>>.

8Ángel tsaynö niptinmi warmikuna mantsakashqa kaykäyanqanpita alläpa kushikur Jesúspa discïpulunkunata willaq cörrilla aywayarqan. [Tsaynö aywaykäyaptinmi] 9Jesús yuripuskir saludarqan. Tsaymi tsay warmikuna Jesúspa chakinta abrazakurkur adorayarqan. 10Jesúsnam nirqan: <<Ama mantsayämaytsu. Aywar wawqïkunata#28.10 Wawqïkunata willayay nirqa discïpulunkunata willananpaqmi Jesús nirqan. willayay Galileaman aywayänanpaq. Tsaychömi paykunawan tinkushaq>>.

Soldädukuna llullakuyänanpaq pägayanqan

11Warmikuna kutiskiyaptinmi sepultürata täpaq wakin soldädukunapis Jerusalénman aywar ima päsanqanta mandakuq sacerdötikunata willayarqan. 12Willayaptinmi Israel mayor runakunawan mandakuq sacerdötikuna qorikaykur imata rurayänanpaqpis willanakuyarqan. Tsaynö willanakuskirmi soldädukunata atska qellayta pägar 13niyarqan: <<Runakunata niyanki Jesúspa discïpulunkuna paqaspa aywar ayanta suwar apakuyanqanta. Tsaynölla niyanki puñukaskir ni imata mana tantiyayanqaykita. 14Pilato musyaptinqa noqakunam paywan parlayäshaq mana castigayäshunaykipaq>>.

15Tsaymi päguta chaskiskir soldädukuna aywarnin mandakuq sacerdötikuna niyanqannölla runakunata willayarqan. Tsaynö willakuyanqantam Israel runakuna hasta kananyaqpis creyiyan.

Willakuyänanpaq discïpulunkunata Jesús kachanqan

Marcos 16.14-18; Lucas 24.36-49; Juan 20.19-23; Hechos 1.6-8

16Jesúspa chunka juk discïpulunkunanam Galileaman chaykur aywayarqan#Mat. 26.32; Mar. 14.28. maychö tinkuyänanpaq Jesús ninqan jirkaman. 17Tsaychömi Jesúswan tinkuskir adorayarqan. Peru wakinqa rikaykarpis manam Jesús kanqanta creyiyarqantsu.

18Discïpulunkunaman witiykurmi Jesús nirqan: <<Kay patsachö y ciëluchöpis poderyuq kanäpaqmi Dios Yaya churamashqa. 19Tsaymi maytsay markakunapa aywar discïpulü kayänanpaq runakunata yachatsiyanki.#Hech. 1.8. Paykunata bautizayanki Dios Yayapa shutinchö, Tsurinpa shutinchö y Espíritu Santupa shutinchö. 20Tsaynölla llapan ninqäkunata cäsuyänanpaq yachatsiyanki. Noqaqa qamkunawanmi imaypis kaykäshaq kay patsa ushakanqanyaq>>.

[Amén.]

Currently Selected:

Mateo 28: qxn

Highlight

Copy

Compare