Popular Bible Verses from Mateo 28

Share

Tsaymi maytsay markakunapa aywar discïpulü kayänanpaq runakunata yachatsiyanki. Paykunata bautizayanki Dios Yayapa shutinchö, Tsurinpa shutinchö y Espíritu Santupa shutinchö. Tsaynölla llapan ninqäkunata cäsuyänanpaq yachatsiyanki. Noqaqa qamkunawanmi imaypis kaykäshaq kay patsa ushakanqanyaq>>. [Amén.]

Discïpulunkunaman witiykurmi Jesús nirqan: <<Kay patsachö y ciëluchöpis poderyuq kanäpaqmi Dios Yaya churamashqa.

Warmikuna chaykuyaptinmi ángel nirqan: <<Ama mantsakäyaytsu. Musyämi crucificäyanqan Jesúspa ayanta rikaq shayämunqaykita. Manam kaychönatsu. Kawamunanpaq ninqannöllam kawamushqa. Mayman churayanqantapis rikäyänaykipaq shayämuy.

Jesúsnam nirqan: <<Ama mantsayämaytsu. Aywar wawqïkunata willayay Galileaman aywayänanpaq. Tsaychömi paykunawan tinkushaq>>.

Willayaptinmi Israel mayor runakunawan mandakuq sacerdötikuna qorikaykur imata rurayänanpaqpis willanakuyarqan. Tsaynö willanakuskirmi soldädukunata atska qellayta pägar niyarqan: <<Runakunata niyanki Jesúspa discïpulunkuna paqaspa aywar ayanta suwar apakuyanqanta. Tsaynölla niyanki puñukaskir ni imata mana tantiyayanqaykita. Pilato musyaptinqa noqakunam paywan parlayäshaq mana castigayäshunaykipaq>>. Tsaymi päguta chaskiskir soldädukuna aywarnin mandakuq sacerdötikuna niyanqannölla runakunata willayarqan. Tsaynö willakuyanqantam Israel runakuna hasta kananyaqpis creyiyan.