Mateo 24
24
Templuta juchutsiyänanpaq kanqanta Jesús willakunqan
Marcos 13.1-23; Lucas 21.5-6
1Templupita yarquskir Jesús aywaykaptinmi discïpulunkuna rikätsiyarqan templu kuyakuypaq kanqanta.
2Tsaymi Jesús nirqan: <<Rasun kaqtam niyaq: Kay llapan rikäyanqaykitam jankat juchutsiyanqa. Manam ni juk rumillapis perqaraykar quëdanqatsu>>.
Manaraq kutimuptin imanö kananpaq Jesús ninqan
Marcos 13.3-13; Lucas 21.7-19
3Tsaypitam Olivos lömaman aywar Jesús jamarqan. Tsaychömi kikillankuna kaykar discïpulunkuna tapuyarqan: <<Taytay, willaykayämay. ¿Imaytan ninqaykinö kanqa? Kutimunaykipaq y kay patsa ushakänanpaq ¿ima señaltan kanqa?>>
4Jesúsnam nirqan: <<Cuidädutaq pipis engañayäshunkiman. 5Atskaqmi shutïchö shamur niyanqa: <Noqam Cristo kä>. Tsaynö nirmi atskaqta engañayanqa. 6Guërra kaptin y guërra kananpaq kanqanta musyarpis ama mantsakäyaytsu. Puntataqa tsaykunaraqmi kanqa. Tsaynö kaptinpis kay patsaqa manaraqmi ushakanqaraqtsu. 7Juk nacionmi jukaq nacionwan guërrata rurayanqa y juk marka runakunam jukaq marka runakunawan wañutsinakuyanqa. Tsaynöllam [pestipis,] muchuypis, patsa kuyuypis maytsaychö kanqa. 8Tsay ñakaykunaqa qallaykunanllaraqmi kanqa.
9<<Tsay witsaymi ñakatsiyäshurniki wañutsiyäshunki. Noqa raykum pïmaypis chikiyäshunki.#Mat. 10.22. 10Tsaynö ñakarmi creyikuyanqanta atskaq dëjayanqa. Paykunam firmi creyikuqkunata chikir autoridäkunaman jukninta juknintapis apatsiyanqa. 11Llulla profëtakunam atskaq yurimur mana allikunata yachatsikur atskaq runakunata engañayanqa. 12Maytsaychöpis jutsata rurar kawarmi kuyanakuyanqatsu. 13Peru wañuyanqanyaq creyikuqkunaqa salvashqam kayanqa.#Mat. 10.22. 14Dios Yayapa mandakuyninpa alli willakuyninta maytsay nacionkunachö willakuyaptinraqmi kay patsa ushakanqa.
Ñakaykuna kananpaq kanqanta Jesús tantiyatsinqan
Marcos 13.14-23; Lucas 21.20-24
15<<Profëta Daniel qellqanqannöllam Dios Yaya mana munanqanta sagrädu templuchö rikäyanki.#Dan. 9.27; 11.31; 12.11. (Kay qellqanqäta liyiqkuna shumaq tantiyakuyätsun.)#24.15 Kay qellqanqäta liyiqkuna shumaq tantiyakuyätsun ninqanqa manam Jesucristo ninqantsu, sinöqa kay libruta qellqaq Mateo yapanqanmi. 16Tsaynö kaykaqta rikar Judea markakunachö täkuqkuna jirkakunapa qeshpir aywakuyätsun. 17Waji jananchö kaykaqkuna#24.17 Tsay witsaymi wajita qatayanqanpa rantin teranti jananman tsaqllaskir qetäwan lashtayaq. Tsay jananchömi awakuyaq, aqakuyaq y trïgutapis akrakuyaq. imankunatapis mana jipir qeshpirnin aywakuyätsun. 18Chakrachö kaykaqkunapis punchunkuna jipiq ama kutiyätsuntsu.#Luc. 17.31.
19<<¡Allaw, imanöraq ñakayanqa qeshyaq warmikuna y llullu wawayuq warmikuna! 20Dios Yayata mañakuyay qeshpiyanqayki junaqkuna tamya killachö ni jamay junaqchö mana kananpaq. 21Tsay witsaymi runakuna alläpa ñakayanqa. Dios Yaya kay patsata kamanqanpita manam ni imaypis tsaynöqa ñakayashqatsu.#Dan. 12.1; Apoc. 7.14. Tsaynöllam yapayqa imaypis manana tsaynö ñakayanqanatsu. 22Akranqan runakunata llakiparmi Dios Yaya tsay ñakay junaqkunata päsatsinqa. Mana päsatsiptinqa llapanmi wañur ushakäyanqa.
23<< <Dios Yaya kachamunqan Cristo kaychömi kaykan> niyäshuptiki ama creyiyankitsu. <Wakchömi kaykan> niyäshuptikipis ama cäsuyankitsu. 24Tsay witsaymi Cristo tukuqkuna y llulla profëtakuna yuriyämunqa. Runakunata creyitsiyänan raykum mantsakaypaq milagrukunatapis rurayanqa. Tsaynö rurarmi Dios Yaya akranqan runakunatapis engañayta munayanqa. 25Manaraq tsaynö kaptinmi musyayänaykipaq willayaq.
26<< <Dios Yaya kachamunqan Cristo desiertuchömi kaykan> niyäshuptikipis rikaq ama aywayankitsu. <Tsay wajichömi kaykan> niyäshuptikipis ama creyiyankitsu. 27Illaqukuptin ciëlupa juk kuchunpita jukaq kuchunyaq atsikyanqanta rikäyanqannömi Runapa Tsurin kutimuptin llapanpis rikäyanqa.#Luc. 17.23-24. 28Maychöpis wañushqakuna jitaräyanqanmanmi wiskulkuna qorikäyanqa>>.#24.28 Tsaynö nirmi Jesucristo tantiyatsirqan ninqankuna maytsaychö päsananpaq kanqanta.#Luc. 17.37.
Jesús kay patsaman kutimunanpaq kanqan
Marcos 13.24-37; Lucas 17.26-30, 34-36; 21.25-33
29<<Alläpa ñakaykuna päsaskiptinmi rupaypis tutapaskinqa, killapis atsikyanqanatsu, qoyllurkunapis shikwayämunqa y ciëlupis tsuktsukyanqa.#Isa. 13.10; 34.4; Eze. 32.7; Joel 2.10, 31; 3.15; Apoc. 6.12-13. 30Tsaypitam Runapa Tsurin shamunanpaq señal ciëluchö rikakämunqa. Runapa Tsurin shamuptinmi pukutay jananchö alläpa chipakyarraq poderyuq shamuykaqta maytsaychö runakuna rikäyanqa. Tsaynö shamuykaqta rikarmi llapan nación runakuna mantsakar waqayanqa.#Dan. 7.13; Apoc. 1.7. 31Cornëtata jinchi töcamuptinmi angelninkunata Runapa Tsurin kachamunqa akranqan kaqkunata maytsaypitapis qoriyämunanpaq.
32<<Hïgus jachata rikar tantiyayay. Raprankuna tseqllimuptinmi usya tiempu qallananpaqna kanqanta musyayanki. 33Tsaynöllam niyanqaqnö päsanqanta rikar musyayanki Dios Yayapa mandakuynin cercachöna kanqanta. 34Rasun kaqtam niyaq: Kanan tiempu runakuna manaraq ushakäyaptinmi llapan niyanqaqkuna cumplinqa. 35Ciëluwan kay patsa ushakaptinpis noqa ninqäkunaqa manam ushakanqatsu.
36<<Runapa Tsurin imay junaq imay höra kutimunanpaq kanqanta manam runapis ni angelpis [ni Diospa Tsurinpis] musyayantsu. Tsaytaqa Taytällam musyan.
37<<Noé kawanqan witsay runakuna kawayanqannömi#Gén. 6.5-8. Runapa Tsurin shamunqan witsaypis kawayanqa. 38Diluviu manaraq kaptinmi arcaman Noé yaykunqan junaqyaq runakuna mikur, upyar y casarar kayarqan. 39Tsaynö kaykäyaptinmi diluviu illaqpita shamuptin#Gén. 7.6-24. llapan shinqar wañuyarqan. Tsaynöllam mana musyayanqan höra Runapa Tsurinpis illaqpita shamunqa.
40<<Tsay höram ishkaq runakuna chakrachö aruykäyaptin jukaqta pushanqa y jukaqtana dëjanqa. 41Maraychö ishkaq warmikuna aqakuykäyaptinmi jukaqta pushanqa y jukaqtana dëjanqa. 42Tsaymi alistakushqallana kayänayki. Manam musyayankitsu imay junaq Señorniki kutimunanpaq kanqantapis.
43<<Maski tantiyayay. Imay höra suwa shamunanpaq kanqanta musyarqa mana puñukarmi pipis wajinta täpanman. 44Tsaynölla qamkunapis alistakushqallana kayay. Mana musyayanqayki höram illaqpita Runapa Tsurin shamunqa.#Luc. 12.39-40.
Servikuqman Jesús iwalatsinqan
Lucas 12.41-48
45<<Mas confiakunqan y yachayyuq serviqnintam wajinman patronnin churan wakin servikuq majinkunata hörachö qarananpaq. 46Patronnin kutimur yätsinqannö llapanta ruraykaqta tariptinmi tsay servikuq alläpa kushikunqa. 47Rasun kaqtam niyaq: Tsay serviqninpa poderninmanmi llapan imaykankunata patronnin churanqa. 48Peru mana confiakuypaq servikuq karmi sïqa <patronnï manaraqmi kutimunqaraqtsu> nir 49servikuq majinkunata maqan y upyaq majinkunawan mikur upyar jitaräkun. 50Tsaynö kaykaptinmi mana yarpanqan höra illaqpita patronnin kutimur 51mana llakipaypa allish tukuq runakunatawan tsay serviqninta castiganqa. Tsaychömi alläpa waqar kiruntapis requchyätsirraq ñakanqa>>.
Currently Selected:
Mateo 24: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 24
24
Templuta juchutsiyänanpaq kanqanta Jesús willakunqan
Marcos 13.1-23; Lucas 21.5-6
1Templupita yarquskir Jesús aywaykaptinmi discïpulunkuna rikätsiyarqan templu kuyakuypaq kanqanta.
2Tsaymi Jesús nirqan: <<Rasun kaqtam niyaq: Kay llapan rikäyanqaykitam jankat juchutsiyanqa. Manam ni juk rumillapis perqaraykar quëdanqatsu>>.
Manaraq kutimuptin imanö kananpaq Jesús ninqan
Marcos 13.3-13; Lucas 21.7-19
3Tsaypitam Olivos lömaman aywar Jesús jamarqan. Tsaychömi kikillankuna kaykar discïpulunkuna tapuyarqan: <<Taytay, willaykayämay. ¿Imaytan ninqaykinö kanqa? Kutimunaykipaq y kay patsa ushakänanpaq ¿ima señaltan kanqa?>>
4Jesúsnam nirqan: <<Cuidädutaq pipis engañayäshunkiman. 5Atskaqmi shutïchö shamur niyanqa: <Noqam Cristo kä>. Tsaynö nirmi atskaqta engañayanqa. 6Guërra kaptin y guërra kananpaq kanqanta musyarpis ama mantsakäyaytsu. Puntataqa tsaykunaraqmi kanqa. Tsaynö kaptinpis kay patsaqa manaraqmi ushakanqaraqtsu. 7Juk nacionmi jukaq nacionwan guërrata rurayanqa y juk marka runakunam jukaq marka runakunawan wañutsinakuyanqa. Tsaynöllam [pestipis,] muchuypis, patsa kuyuypis maytsaychö kanqa. 8Tsay ñakaykunaqa qallaykunanllaraqmi kanqa.
9<<Tsay witsaymi ñakatsiyäshurniki wañutsiyäshunki. Noqa raykum pïmaypis chikiyäshunki.#Mat. 10.22. 10Tsaynö ñakarmi creyikuyanqanta atskaq dëjayanqa. Paykunam firmi creyikuqkunata chikir autoridäkunaman jukninta juknintapis apatsiyanqa. 11Llulla profëtakunam atskaq yurimur mana allikunata yachatsikur atskaq runakunata engañayanqa. 12Maytsaychöpis jutsata rurar kawarmi kuyanakuyanqatsu. 13Peru wañuyanqanyaq creyikuqkunaqa salvashqam kayanqa.#Mat. 10.22. 14Dios Yayapa mandakuyninpa alli willakuyninta maytsay nacionkunachö willakuyaptinraqmi kay patsa ushakanqa.
Ñakaykuna kananpaq kanqanta Jesús tantiyatsinqan
Marcos 13.14-23; Lucas 21.20-24
15<<Profëta Daniel qellqanqannöllam Dios Yaya mana munanqanta sagrädu templuchö rikäyanki.#Dan. 9.27; 11.31; 12.11. (Kay qellqanqäta liyiqkuna shumaq tantiyakuyätsun.)#24.15 Kay qellqanqäta liyiqkuna shumaq tantiyakuyätsun ninqanqa manam Jesucristo ninqantsu, sinöqa kay libruta qellqaq Mateo yapanqanmi. 16Tsaynö kaykaqta rikar Judea markakunachö täkuqkuna jirkakunapa qeshpir aywakuyätsun. 17Waji jananchö kaykaqkuna#24.17 Tsay witsaymi wajita qatayanqanpa rantin teranti jananman tsaqllaskir qetäwan lashtayaq. Tsay jananchömi awakuyaq, aqakuyaq y trïgutapis akrakuyaq. imankunatapis mana jipir qeshpirnin aywakuyätsun. 18Chakrachö kaykaqkunapis punchunkuna jipiq ama kutiyätsuntsu.#Luc. 17.31.
19<<¡Allaw, imanöraq ñakayanqa qeshyaq warmikuna y llullu wawayuq warmikuna! 20Dios Yayata mañakuyay qeshpiyanqayki junaqkuna tamya killachö ni jamay junaqchö mana kananpaq. 21Tsay witsaymi runakuna alläpa ñakayanqa. Dios Yaya kay patsata kamanqanpita manam ni imaypis tsaynöqa ñakayashqatsu.#Dan. 12.1; Apoc. 7.14. Tsaynöllam yapayqa imaypis manana tsaynö ñakayanqanatsu. 22Akranqan runakunata llakiparmi Dios Yaya tsay ñakay junaqkunata päsatsinqa. Mana päsatsiptinqa llapanmi wañur ushakäyanqa.
23<< <Dios Yaya kachamunqan Cristo kaychömi kaykan> niyäshuptiki ama creyiyankitsu. <Wakchömi kaykan> niyäshuptikipis ama cäsuyankitsu. 24Tsay witsaymi Cristo tukuqkuna y llulla profëtakuna yuriyämunqa. Runakunata creyitsiyänan raykum mantsakaypaq milagrukunatapis rurayanqa. Tsaynö rurarmi Dios Yaya akranqan runakunatapis engañayta munayanqa. 25Manaraq tsaynö kaptinmi musyayänaykipaq willayaq.
26<< <Dios Yaya kachamunqan Cristo desiertuchömi kaykan> niyäshuptikipis rikaq ama aywayankitsu. <Tsay wajichömi kaykan> niyäshuptikipis ama creyiyankitsu. 27Illaqukuptin ciëlupa juk kuchunpita jukaq kuchunyaq atsikyanqanta rikäyanqannömi Runapa Tsurin kutimuptin llapanpis rikäyanqa.#Luc. 17.23-24. 28Maychöpis wañushqakuna jitaräyanqanmanmi wiskulkuna qorikäyanqa>>.#24.28 Tsaynö nirmi Jesucristo tantiyatsirqan ninqankuna maytsaychö päsananpaq kanqanta.#Luc. 17.37.
Jesús kay patsaman kutimunanpaq kanqan
Marcos 13.24-37; Lucas 17.26-30, 34-36; 21.25-33
29<<Alläpa ñakaykuna päsaskiptinmi rupaypis tutapaskinqa, killapis atsikyanqanatsu, qoyllurkunapis shikwayämunqa y ciëlupis tsuktsukyanqa.#Isa. 13.10; 34.4; Eze. 32.7; Joel 2.10, 31; 3.15; Apoc. 6.12-13. 30Tsaypitam Runapa Tsurin shamunanpaq señal ciëluchö rikakämunqa. Runapa Tsurin shamuptinmi pukutay jananchö alläpa chipakyarraq poderyuq shamuykaqta maytsaychö runakuna rikäyanqa. Tsaynö shamuykaqta rikarmi llapan nación runakuna mantsakar waqayanqa.#Dan. 7.13; Apoc. 1.7. 31Cornëtata jinchi töcamuptinmi angelninkunata Runapa Tsurin kachamunqa akranqan kaqkunata maytsaypitapis qoriyämunanpaq.
32<<Hïgus jachata rikar tantiyayay. Raprankuna tseqllimuptinmi usya tiempu qallananpaqna kanqanta musyayanki. 33Tsaynöllam niyanqaqnö päsanqanta rikar musyayanki Dios Yayapa mandakuynin cercachöna kanqanta. 34Rasun kaqtam niyaq: Kanan tiempu runakuna manaraq ushakäyaptinmi llapan niyanqaqkuna cumplinqa. 35Ciëluwan kay patsa ushakaptinpis noqa ninqäkunaqa manam ushakanqatsu.
36<<Runapa Tsurin imay junaq imay höra kutimunanpaq kanqanta manam runapis ni angelpis [ni Diospa Tsurinpis] musyayantsu. Tsaytaqa Taytällam musyan.
37<<Noé kawanqan witsay runakuna kawayanqannömi#Gén. 6.5-8. Runapa Tsurin shamunqan witsaypis kawayanqa. 38Diluviu manaraq kaptinmi arcaman Noé yaykunqan junaqyaq runakuna mikur, upyar y casarar kayarqan. 39Tsaynö kaykäyaptinmi diluviu illaqpita shamuptin#Gén. 7.6-24. llapan shinqar wañuyarqan. Tsaynöllam mana musyayanqan höra Runapa Tsurinpis illaqpita shamunqa.
40<<Tsay höram ishkaq runakuna chakrachö aruykäyaptin jukaqta pushanqa y jukaqtana dëjanqa. 41Maraychö ishkaq warmikuna aqakuykäyaptinmi jukaqta pushanqa y jukaqtana dëjanqa. 42Tsaymi alistakushqallana kayänayki. Manam musyayankitsu imay junaq Señorniki kutimunanpaq kanqantapis.
43<<Maski tantiyayay. Imay höra suwa shamunanpaq kanqanta musyarqa mana puñukarmi pipis wajinta täpanman. 44Tsaynölla qamkunapis alistakushqallana kayay. Mana musyayanqayki höram illaqpita Runapa Tsurin shamunqa.#Luc. 12.39-40.
Servikuqman Jesús iwalatsinqan
Lucas 12.41-48
45<<Mas confiakunqan y yachayyuq serviqnintam wajinman patronnin churan wakin servikuq majinkunata hörachö qarananpaq. 46Patronnin kutimur yätsinqannö llapanta ruraykaqta tariptinmi tsay servikuq alläpa kushikunqa. 47Rasun kaqtam niyaq: Tsay serviqninpa poderninmanmi llapan imaykankunata patronnin churanqa. 48Peru mana confiakuypaq servikuq karmi sïqa <patronnï manaraqmi kutimunqaraqtsu> nir 49servikuq majinkunata maqan y upyaq majinkunawan mikur upyar jitaräkun. 50Tsaynö kaykaptinmi mana yarpanqan höra illaqpita patronnin kutimur 51mana llakipaypa allish tukuq runakunatawan tsay serviqninta castiganqa. Tsaychömi alläpa waqar kiruntapis requchyätsirraq ñakanqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.