Mateo 23
23
Ley yachatsikuqkunawan fariseukuna mana alli ruraq kayanqanta Jesús ninqan
Marcos 12.38-40; Lucas 20.45-47
1Tsaypitanam runakunatawan discïpulunkunata Jesús nirqan: 2<<Moisés qellqanqan leykunata yachatsiyänanpaqmi fariseukunawan ley yachatsikuqkuna poderyuq kayan. 3Tsaynö kaykaptinqa yachatsiyäshunqaykita cäsuyay. Peru paykuna kawayanqannöqa ama kawayaytsu. Diospa palabranta yachatsikurpis kikinkunaqa manam mandamientukunata cumpliyantsu. 4Paykunaqa mana puëdiyanqanyaq qepita aparitsiqnömi atska leykunata cumpliyänanpaq runakunata mandayan. Tsaynö kaptinpis cumpliyänanpaq manam ichikllapis yanapayantsu.
5<<Runakuna rikäyänanllapaqmi imatapis rurayan.#Mat. 6.1. Tsaymi jatusaq filacteriankunata#23.5 Filacteriaqa takshalla cajïtam karqan. Tsay cajïtamanmi textukunata papelman qellqarkur wiñäyaq. Tsay textukunam karqan Éxo. 13.1-16; Deut. 6.4-9; 11.13-21. Ishkay cajïtata ruraskirmi jukta urkunkunaman y jukta rikrankunaman watarkur puritsiyaq. Tsaypaq masta musyanaykipaq liyinki Deut. 6.8; 11.18. ruraskir puritsiyan. Tsaynöllam largu jïlukunata llatapankunapa chuskun kuchunman jirarkur puriyan.#Núm. 15.37-40; Deut. 22.12. 6Mikuyänanpaq qayatsiyaptinpis paykunaqa mësamanraqmi jamayan. Sinagögakunachöpis punta puntachöraqmi jamakuyan. 7Pläzakunachöpis runakuna <rabí> nir respitayänantam munayan.
8<<Peru qamkunapaqa jukllayllam yachatsiyäshuqniki.#23.8 Wakin qepa kaq griego copiakunachömi: Tsay yachatsiyäshuqnikiqa Cristum nir yapayashqa. Tsaynöllam tsay wawqilla kayanki. Tsaynö kaykaptinqa ama munayaytsu <rabí> niyäshunaykita. 9Kay patsachöqa ama pitapis <Taytantsik> nir Diostanö respitayaytsu. Jukllayllam Taytaykiqa. Payqa ciëluchömi kaykan. 10Qamkunatapis ama yachatsikuq niyäshuytsu. Jukllayllam yachatsiyäshuqnikiqa. Payqa Cristum. 11Mas alli rikashqa kayta munarqa servikuqnölla kayay.#Mat. 20.26-27; Mar. 9.35; 10.43-44; Luc. 22.26. 12Allish tukuqkunam penqakushqa kayanqa. Peru qollmi shonqu kaqkunam sïqa mas reqishqa kayanqa.#Prov. 29.23; Luc. 14.11; 18.14.
Ley yachatsikuqkunata y fariseukunata Jesús piñapanqan
Lucas 11.37-52
13<<¡Allaw, allish tukuq fariseukuna y ley yachatsikuqkuna! Punkuta wichqaqnömi Dios Yayapa mandakuyninman pipis mana yaykunanpaq tsapata churaykäyanki. Kikikikunapis manam yaykuyankitsu.
14[<<¡Allaw, allish tukuq fariseukuna y ley yachatsikuqkuna! Qamkunam viüdakunapa imantapis qechuykäyanki. Tsaynöllam santu tukurnin unayyaq Dios Yayata mañakuyanki. Tsaynö kayanqaykipitam Dios Yaya castigayäshunki.]
15<<¡Allaw, allish tukuq fariseukuna y ley yachatsikuqkuna! Qamkunam juk runallapis yachatsiyanqaykita chaskinanta munar maytsaypa aywayanki. Chaskiskirnam qamkunapitapis ishkay kuti mas peorraq Satanás munanqanta rurayan.
16<<¡Allaw qamkuna! Qamkunaqa qapranö karmi llutanpa pushaykäyanki. Tsaymi niyanki: <Templupa shutinchö prometir mana cumpliyaptikipis manam imanantsu. Peru templuchö qoripa shutinchö prometirmi sïqa cumpliyänayki>. 17¡Mana tantiyakuq qaprakuna! ¿Mayqantan mas sagrädu? ¿Templuchö qoriku o tsay qorita sagräduyätsiq templuku?
18<<Tsaynöllam qamkuna niyanki: <Altarpa shutinchö prometir mana cumpliyaptikipis manam imanantsu. Peru altar jananchö churayanqan ofrendapa shutinchö prometirmi sïqa cumpliyänayki>. 19¡Mana tantiyakuq qaprakuna! ¿Mayqantan mas sagrädu? ¿Ofrendaku o ofrendata sagräduyätsiq altarku?
20<<Altarpa shutinchö jurarqa manam altarpa shutinllachötsu juraykäyanki, sinöqa altar jananman churayanqan ofrendakunapa shutinchömi juraykäyanki. 21Templupa shutinchö jurarpis manam templupa shutillanchötsu juraykäyanki, sinöqa templuchö Dios Yayapa shutinchömi juraykäyanki. 22Ciëlupa shutinchö jurarpis#Isa. 66.1; Mat. 5.34. manam ciëlupa shutinllachötsu juraykäyanki, sinöqa Dios Yayapa trönunpa shutinchö y kikin Dios Yayapa shutinchömi juraykäyanki.
23<<¡Allaw, allish tukuq fariseukuna y ley yachatsikuqkuna! Qamkunam mentapita, anispita y comïnuspita#Lev. 27.30. diezmuta rakirpis mas cäsuyänaykipaq kaq mandamientukunataqa cumpliyankitsu. Tsay mandamientukunam nin runa majikita alli rikäyänaykipaq, llakipäyänaykipaq y Dios Yayata äniyanqaykita cumpliyänaykipaq. Diezmupaq rakir cumpliyanqaykinö tsay mandamientukunatapis cumpliyankiman. 24Qamkunaqa qapranö karmi llutanpa pushaykäyanki. Yakuchö chuspita shuyshurpis camëlluta millpuskiqnömi kaykäyanki.
25<<¡Allaw, allish tukuq fariseukuna y ley yachatsikuqkuna! Qamkunaqa jananllapa mayllashqa pucillunö y plätunömi kaykäyanki. Tsay plätukuna rurinchö taqra kanqannömi qamkunapis shonquykikunachö suwakuyänaykipaq y mana allikunata rurayänaykipaq yarpaykäyanki. 26¡Qapra fariseukuna! Plätupa rurinta mayllaqnö puntata mana alli yarpaynikikunataraq dëjayay. Tsayraqmi rasunpa santu kayanki.
27<<¡Allaw, allish tukuq fariseukuna y ley yachatsikuqkuna! Qamkunam jananpa pintashqa nïchunö kaykäyanki.#Hech. 23.3. Nïchupa janan kuyakuypaq kaptinpis rurinchö tullukuna ismur melanaypaqmi kaykan. 28Tsaynöllam qamkunapis runakuna rikäyäshuptiki alli ruraqnö kaykäyanki. Peru allish tukuq kayanqayki y llutanta yarpäyanqaykikunam alläpa penqakuypaq kaykan.
29<<¡Allaw, allish tukuq fariseukuna y ley yachatsikuqkuna! Qamkunam profëtakunapa nïchunkunata ruraykäyanki y alli runakunapa monumentunkunata adornaykäyanki. 30Tsaypitam niyanki: <Unay ayllükuna kawayanqan witsay kawarqa profëtakunata wañutsiyaptin noqakuna manam wañutsiyämantsu karqan>. 31Tsaynö nirmi musyatsikuykäyanki profëtakunata wañutsiq runakunapa ayllun kar paykunanölla kayanqaykita. 32¡Tsaynö kaykarqa unay aylluykikunanölla qamkunapis wañutsiyay!
33<<¡Culebra casta runakuna!#Mat. 3.7; 12.34; Luc. 3.7. Infiernuman Dios Yaya jitarpuyäshunaykipaq kaykaptinqa ¿imanöraq salvakäyanki? 34Qamkunata tantiyatsiyäshunaykipaqmi profëtakunata, yachayyuq runakunata y yachatsikuqkunatapis kachamushaq. Paykunatam wakinta wañutsiyanki, wakinta crucificäyanki, wakinta sinagögakunachö astayanki y wakintana markan markan qatikachar sufritsiyanki. 35Alli ruraq Abelta#Gén. 4.8. wañutsinqanpita Berequíaspa tsurin Zacaríasta#2Crón. 24.20-21. templu punkuchö wañutsinqanyaqmi kay patsachö llapan alli runakunata wañutsiyanqanpita qamkuna jutsayuq kaykäyanki. 36Rasun kaqtam niyaq: Tsay wañutsikuq runakunatanömi qamkunatapis Dios Yaya juzgayäshunki>>.
Jerusalénchö täkuqkunapaq Jesús llakikunqan
Lucas 13.34-35
37<<¡Ay, Jerusalén, Jerusalén! Qammi Dios Yayapa profëtankunata unaypita wañutsinki.#1Rey. 19.10; Jer. 2.30. Pay kachamunqan willakuqkunatam saqmanki. Chipshankunata wallpa oqllaqnö wawaykikunata#23.37 Jerusalénpa wawankunaqa Jerusalénchö täkuq runakunam kayan. atska kuti qoriyta munaptïpis manam munashkankitsu. 38Tsaynö kanqaykipitam wajikikunapis templuykipis tsunyaraykar quëdanqa. 39Noqam niyaq: Manam yapay rikämankinatsu hasta <¡Dios Yayapa shutinchö shamuq runa alabashqa kaykullätsun!>#Sal. 118.26. ninqaykiyaq>>.
Currently Selected:
Mateo 23: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 23
23
Ley yachatsikuqkunawan fariseukuna mana alli ruraq kayanqanta Jesús ninqan
Marcos 12.38-40; Lucas 20.45-47
1Tsaypitanam runakunatawan discïpulunkunata Jesús nirqan: 2<<Moisés qellqanqan leykunata yachatsiyänanpaqmi fariseukunawan ley yachatsikuqkuna poderyuq kayan. 3Tsaynö kaykaptinqa yachatsiyäshunqaykita cäsuyay. Peru paykuna kawayanqannöqa ama kawayaytsu. Diospa palabranta yachatsikurpis kikinkunaqa manam mandamientukunata cumpliyantsu. 4Paykunaqa mana puëdiyanqanyaq qepita aparitsiqnömi atska leykunata cumpliyänanpaq runakunata mandayan. Tsaynö kaptinpis cumpliyänanpaq manam ichikllapis yanapayantsu.
5<<Runakuna rikäyänanllapaqmi imatapis rurayan.#Mat. 6.1. Tsaymi jatusaq filacteriankunata#23.5 Filacteriaqa takshalla cajïtam karqan. Tsay cajïtamanmi textukunata papelman qellqarkur wiñäyaq. Tsay textukunam karqan Éxo. 13.1-16; Deut. 6.4-9; 11.13-21. Ishkay cajïtata ruraskirmi jukta urkunkunaman y jukta rikrankunaman watarkur puritsiyaq. Tsaypaq masta musyanaykipaq liyinki Deut. 6.8; 11.18. ruraskir puritsiyan. Tsaynöllam largu jïlukunata llatapankunapa chuskun kuchunman jirarkur puriyan.#Núm. 15.37-40; Deut. 22.12. 6Mikuyänanpaq qayatsiyaptinpis paykunaqa mësamanraqmi jamayan. Sinagögakunachöpis punta puntachöraqmi jamakuyan. 7Pläzakunachöpis runakuna <rabí> nir respitayänantam munayan.
8<<Peru qamkunapaqa jukllayllam yachatsiyäshuqniki.#23.8 Wakin qepa kaq griego copiakunachömi: Tsay yachatsiyäshuqnikiqa Cristum nir yapayashqa. Tsaynöllam tsay wawqilla kayanki. Tsaynö kaykaptinqa ama munayaytsu <rabí> niyäshunaykita. 9Kay patsachöqa ama pitapis <Taytantsik> nir Diostanö respitayaytsu. Jukllayllam Taytaykiqa. Payqa ciëluchömi kaykan. 10Qamkunatapis ama yachatsikuq niyäshuytsu. Jukllayllam yachatsiyäshuqnikiqa. Payqa Cristum. 11Mas alli rikashqa kayta munarqa servikuqnölla kayay.#Mat. 20.26-27; Mar. 9.35; 10.43-44; Luc. 22.26. 12Allish tukuqkunam penqakushqa kayanqa. Peru qollmi shonqu kaqkunam sïqa mas reqishqa kayanqa.#Prov. 29.23; Luc. 14.11; 18.14.
Ley yachatsikuqkunata y fariseukunata Jesús piñapanqan
Lucas 11.37-52
13<<¡Allaw, allish tukuq fariseukuna y ley yachatsikuqkuna! Punkuta wichqaqnömi Dios Yayapa mandakuyninman pipis mana yaykunanpaq tsapata churaykäyanki. Kikikikunapis manam yaykuyankitsu.
14[<<¡Allaw, allish tukuq fariseukuna y ley yachatsikuqkuna! Qamkunam viüdakunapa imantapis qechuykäyanki. Tsaynöllam santu tukurnin unayyaq Dios Yayata mañakuyanki. Tsaynö kayanqaykipitam Dios Yaya castigayäshunki.]
15<<¡Allaw, allish tukuq fariseukuna y ley yachatsikuqkuna! Qamkunam juk runallapis yachatsiyanqaykita chaskinanta munar maytsaypa aywayanki. Chaskiskirnam qamkunapitapis ishkay kuti mas peorraq Satanás munanqanta rurayan.
16<<¡Allaw qamkuna! Qamkunaqa qapranö karmi llutanpa pushaykäyanki. Tsaymi niyanki: <Templupa shutinchö prometir mana cumpliyaptikipis manam imanantsu. Peru templuchö qoripa shutinchö prometirmi sïqa cumpliyänayki>. 17¡Mana tantiyakuq qaprakuna! ¿Mayqantan mas sagrädu? ¿Templuchö qoriku o tsay qorita sagräduyätsiq templuku?
18<<Tsaynöllam qamkuna niyanki: <Altarpa shutinchö prometir mana cumpliyaptikipis manam imanantsu. Peru altar jananchö churayanqan ofrendapa shutinchö prometirmi sïqa cumpliyänayki>. 19¡Mana tantiyakuq qaprakuna! ¿Mayqantan mas sagrädu? ¿Ofrendaku o ofrendata sagräduyätsiq altarku?
20<<Altarpa shutinchö jurarqa manam altarpa shutinllachötsu juraykäyanki, sinöqa altar jananman churayanqan ofrendakunapa shutinchömi juraykäyanki. 21Templupa shutinchö jurarpis manam templupa shutillanchötsu juraykäyanki, sinöqa templuchö Dios Yayapa shutinchömi juraykäyanki. 22Ciëlupa shutinchö jurarpis#Isa. 66.1; Mat. 5.34. manam ciëlupa shutinllachötsu juraykäyanki, sinöqa Dios Yayapa trönunpa shutinchö y kikin Dios Yayapa shutinchömi juraykäyanki.
23<<¡Allaw, allish tukuq fariseukuna y ley yachatsikuqkuna! Qamkunam mentapita, anispita y comïnuspita#Lev. 27.30. diezmuta rakirpis mas cäsuyänaykipaq kaq mandamientukunataqa cumpliyankitsu. Tsay mandamientukunam nin runa majikita alli rikäyänaykipaq, llakipäyänaykipaq y Dios Yayata äniyanqaykita cumpliyänaykipaq. Diezmupaq rakir cumpliyanqaykinö tsay mandamientukunatapis cumpliyankiman. 24Qamkunaqa qapranö karmi llutanpa pushaykäyanki. Yakuchö chuspita shuyshurpis camëlluta millpuskiqnömi kaykäyanki.
25<<¡Allaw, allish tukuq fariseukuna y ley yachatsikuqkuna! Qamkunaqa jananllapa mayllashqa pucillunö y plätunömi kaykäyanki. Tsay plätukuna rurinchö taqra kanqannömi qamkunapis shonquykikunachö suwakuyänaykipaq y mana allikunata rurayänaykipaq yarpaykäyanki. 26¡Qapra fariseukuna! Plätupa rurinta mayllaqnö puntata mana alli yarpaynikikunataraq dëjayay. Tsayraqmi rasunpa santu kayanki.
27<<¡Allaw, allish tukuq fariseukuna y ley yachatsikuqkuna! Qamkunam jananpa pintashqa nïchunö kaykäyanki.#Hech. 23.3. Nïchupa janan kuyakuypaq kaptinpis rurinchö tullukuna ismur melanaypaqmi kaykan. 28Tsaynöllam qamkunapis runakuna rikäyäshuptiki alli ruraqnö kaykäyanki. Peru allish tukuq kayanqayki y llutanta yarpäyanqaykikunam alläpa penqakuypaq kaykan.
29<<¡Allaw, allish tukuq fariseukuna y ley yachatsikuqkuna! Qamkunam profëtakunapa nïchunkunata ruraykäyanki y alli runakunapa monumentunkunata adornaykäyanki. 30Tsaypitam niyanki: <Unay ayllükuna kawayanqan witsay kawarqa profëtakunata wañutsiyaptin noqakuna manam wañutsiyämantsu karqan>. 31Tsaynö nirmi musyatsikuykäyanki profëtakunata wañutsiq runakunapa ayllun kar paykunanölla kayanqaykita. 32¡Tsaynö kaykarqa unay aylluykikunanölla qamkunapis wañutsiyay!
33<<¡Culebra casta runakuna!#Mat. 3.7; 12.34; Luc. 3.7. Infiernuman Dios Yaya jitarpuyäshunaykipaq kaykaptinqa ¿imanöraq salvakäyanki? 34Qamkunata tantiyatsiyäshunaykipaqmi profëtakunata, yachayyuq runakunata y yachatsikuqkunatapis kachamushaq. Paykunatam wakinta wañutsiyanki, wakinta crucificäyanki, wakinta sinagögakunachö astayanki y wakintana markan markan qatikachar sufritsiyanki. 35Alli ruraq Abelta#Gén. 4.8. wañutsinqanpita Berequíaspa tsurin Zacaríasta#2Crón. 24.20-21. templu punkuchö wañutsinqanyaqmi kay patsachö llapan alli runakunata wañutsiyanqanpita qamkuna jutsayuq kaykäyanki. 36Rasun kaqtam niyaq: Tsay wañutsikuq runakunatanömi qamkunatapis Dios Yaya juzgayäshunki>>.
Jerusalénchö täkuqkunapaq Jesús llakikunqan
Lucas 13.34-35
37<<¡Ay, Jerusalén, Jerusalén! Qammi Dios Yayapa profëtankunata unaypita wañutsinki.#1Rey. 19.10; Jer. 2.30. Pay kachamunqan willakuqkunatam saqmanki. Chipshankunata wallpa oqllaqnö wawaykikunata#23.37 Jerusalénpa wawankunaqa Jerusalénchö täkuq runakunam kayan. atska kuti qoriyta munaptïpis manam munashkankitsu. 38Tsaynö kanqaykipitam wajikikunapis templuykipis tsunyaraykar quëdanqa. 39Noqam niyaq: Manam yapay rikämankinatsu hasta <¡Dios Yayapa shutinchö shamuq runa alabashqa kaykullätsun!>#Sal. 118.26. ninqaykiyaq>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.