Mateo 25
25
Chunka jipashkunaman iwalatsiypa Jesús yachatsikunqan
1<<Dios Yayapa mandakuynin imanö kanqanta willayäshayki. Chunka jipashkunash aktsinkunata aparkur casaraq jöven shamuptin fiestaman yaykuyänanpaq shuyaq aywayänaq. 2Pitsqa kaq jipashkunash alli yarpayyuq kayänaq. Pitsqa kaqnash yarpayninnaq kayänaq. 3Yarpayninnaq kaqkunaqa manash aktsinkunaman aceitita yapayänanpaq apayänaqtsu. 4Peru alli yarpayyuq kaq jipashkunash sïqa aktsinkunapaq aceitita apayänaq. 5Casaraq jöven manaraq chaptinshi tsay jipashkuna shuyaraykäyanqanchö puñukaskiyänaq.
6<<Pullan paqasnash juk runa qayakur ninaq: <¡Casaraq jövinmi shamuykanna! ¡Chaskiyänaykipaq yarqayämuy!> 7Tsayshi llapan jipashkuna sharkur aktsinkunata tsaritsiyänaq. 8Aktsinkuna wañunaptinshi yarpayninnaq jipashkuna alli yarpayyuq kaqkunata mañakur niyänaq: <Aktsïkunam wañuykanna. Aceitita qaraykayällämay>. 9Tsaynö niyaptinshi alli yarpayyuq jipashkuna niyänaq: <Mana ushakäpukunapaq aceiti rantikuqkunapita sas rantiyämuy>.
10<<Aceiti rantiq aywayanqanyaqshi casaraq jöven chänaq. Tsayshi alistakushqa shuyaraykaq jipashkunawan fiestaman yaykuskiyaptin punkuta wichqaskamunaq. 11Aceiti rantiq jipashkuna kutirnash punku wichqaraykaqtana tariyänaq. Tsayshi qayakur niyänaq: <¡Taytay, taytay! ¡Punkuta kichapaykayällämay!> 12Tsaynö qayakuyaptinshi casaraq jöven ruripita nimunaq: <Qamkunata manam reqiyaqtsu. ¡Piraq kayankipis!> >>#Luc. 13.25.
13Tsaynö willakuskirmi Jesús nirqan: <<¡Qamkunapis wiyaq wiyaqlla kayay! Manam musyayankitsu imay junaq ni imay höra [Runapa Tsurin kutimunanpaq kanqanta]>>.
Serviqninkunata patronnin qellayta prestanqan
Lucas 19.11-27
14<<Dios Yayapa mandakuynin imanö kanqanta willayäshayki. Juk runash karupa aywakunanpaq serviqninkunata qayaskir qellayninta prestanaq. 15Habilidäninkuna imanö kanqanta tantiyarshi jukninta pitsqa talentu#25.15 Juk talentum karqan juk runa ishkay chunka (20) wata arupukur gänanqannö. qellayta prestanaq, jukninta ishkay talentu qellayta prestanaq y jukaqtanash juk talentu qellayta prestanaq. Tsaypitanash karu markapa aywakunaq. 16Pitsqa talentu qellayta chaskiq kaqshi negociuta rurar pitsqa talentu masta gänanaq. 17Ishkay talentu qellayta chaskiq kaqpis negociuta rurarshi ishkay talentu mas qellayta gänanaq. 18Peru juk talentu qellayta chaskiq kaqshi sïqa patsata uchkuskir pampaskinaq.
19<<Patronnin unayta kutiykurnash qellayninta prestanqanpita cuentata mañanaq. 20Pitsqa talentu qellayta chaskiq kaqshi pitsqa talentu mas qellayta entregar ninaq: <Taytay, pitsqa talentu qellayta prestamanqaykiwanmi pitsqa talentu mas qellayta gänashkä>.
21<<Patronninnash ninaq: <Alli servikuqmi kanki. Wallkallapitapis qellayta miratsinqaykipitam mas mandakuq kanaykipaq churashayki. Wajïman yaykamuy fiestata rurar kushikunapaq>.
22<<Tsaynöllash ishkay talentu qellayta chaskiq kaqpis ninaq: <Taytay, ishkay talentu qellayta prestamanqaykiwanmi ishkay talentu mas qellayta gänashkä>.
23<<Patronninnash ninaq: <Alli servikuqmi kanki. Wallkallapitapis shumaq miratsinqaykipitam mas mandakuq kanaykipaq churashayki. Wajïman yaykamuy fiestata rurar kushikunapaq>.
24<<Peru juk talentu qellayta chaskiq serviqninshi sïqa ninaq: <Taytay, noqam musyä mana llakipäkuq kanqaykita. Qamqa mana murunqaykipitam cosechanki. Mana arunqaykipitam qorinki. 25Tsaynö kaptikim mantsakurnin qellaynikita pampaykurqä. Taytay, kayllä qellayniki. Kanqantanöllam apamushkä>.
26<<Patronninnash ninaq: <¡Qamqa mana confiakuypaq qela servikuqmi kanki! Mana murunqäpita cosechanqäta musyaykar y mana arunqäpita qorinqäta musyaykarqa 27qellaynïta bancullamanpis churankiman karqan kutimur wachaynintawan qorinäpaq>.
28<<Tsaychö runakunatanash ninaq: <¡Katsinqan qellaynïta qechuskir chunka talentu qellay katsiqta qaraykuyay! 29Confiakuypaq kaqtaqa mastam alistapäshaq. Peru mana confiakuypaq kaqtam sïqa ichiklla katsinqantapis qechushaq.#Mat. 13.12; Mar. 4.25; Luc. 8.18. 30Kay yarpayninnaq servikuqta mantsaypaq tutapayman qaykuyay. Tsaychömi alläpa waqar kiruntapis requchyätsirraq ñakanqa> >>.#Mat. 8.12; 22.13; Luc. 13.28.
Día del juiciu imanö kananpaq kanqan
31<<Runapa Tsurin chipakyaq santu angelninkunawan shamurmi#Mat. 16.27. chipakyaq trönunman jamakunqa.#Mat. 19.28. 32Tsay junaqmi maytsay nacionkunapitapis llapan runakuna puntanman qorikäyanqa. Tsaymi mitsikuq runa üshakunata cabrakunapita rakinqannö runakunata rakinqa. 33Üshakunatam derëcha kaq lädunman rakinqa y cabrakunatanam itsuq kaq lädunman rakinqa.
34<<Derëcha kaq lädunchö kaqkunatam ninqa: <Qamkunatam Taytä alläpa kuyayäshunki. Dios Yayapa mandakuyninman yaykuyänaykipaq shayämuy. Mandakuynintaqa kay patsata manaraq kamarmi qamkunapaq Taytä alistashqa. 35Qamkunam mallaqaykaptï qarayämashkanki. Yakunaykaptïmi yakuta qarayämashkanki. Jukläpita kaykaptïmi patsatsiyämashkanki. 36Llatapannaq kaykaptïmi llatapä shukutsiyämashkanki. Qeshyaykaptïmi jampiyämashkanki. Carcelchö qaykuraykaptïmi watukayämashkanki>.#Heb. 13.3.
37<<Tsaynö niptinmi tsay alli ruraqkuna tapuyanqa: <Taytay, ¿imaytan mallaqaykaptiki qarayarqaq? ¿Imaytan yakunaykaptiki yakuta qarayarqaq? 38¿Imaytan jukläpita kaykaptiki patsatsiyarqaq? ¿Imaytan llatapannaq kaykaptiki llatapata shukutsiyarqaq? 39¿Imaytan qeshyaykaptiki o carcelchö qaykuraykaptiki watukaqniki shayämurqä?> 40Tsaynö niyaptinmi rey ninqa: <Rasun kaqtam niyaq: Pitapis tsaynö ñakaqkunata llakiparqa noqatam llakipäyämashkanki>.#Eze. 18.7.
41<<Itsuq kaq lädunchö kaqkunatanam ninqa: <¡Maldicionashqa kaqkuna, puntäpita witiyay! ¡Diablupaq y angelninkunapaq alistashqa imaypis mana wañuq ninaman aywayay! 42Qamkunaqa mallaqaykaptïpis manam qarayämashkankitsu. Yakunaykaptïpis manam yakuta qarayämashkankitsu. 43Jukläpita kaykaptïpis manam patsatsiyämashkankitsu. Llatapannaq kaykaptïpis manam llatapata shukutsiyämashkankitsu. Qeshyaykaptïpis carcelchö qaykuraykaptïpis manam watukayämashkankitsu>.
44<<Tsaynö niptinmi itsuq lädunchö kaqkunapis tapuyanqa: <Taytay, ¿imaytan mallaqaykaqta, yakunaykaqta, jukläpita kaykaqta, llatapannaq kaykaqta, qeshyaykaqta, carcelchö qaykuraykaqta rikaykar yanapayarqaqtsu?> 45Paykunatanam ninqa: <Rasun kaqtam niyaq: Pitapis tsaynö ñakaqkunata mana llakiparmi noqatapis llakipäyämashkankitsu> >>.#1Cor. 8.12.
46Tsaypitanam Jesús nirqan: <<Tsay mana llakipäkuq runakunaqa imayyaqpis castigashqam kayanqa. Peru Dios Yaya munanqannö llakipäkuq runakunam sïqa mana ushakaq kawayta tariyanqa>>.#Dan. 12.2.
Currently Selected:
Mateo 25: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 25
25
Chunka jipashkunaman iwalatsiypa Jesús yachatsikunqan
1<<Dios Yayapa mandakuynin imanö kanqanta willayäshayki. Chunka jipashkunash aktsinkunata aparkur casaraq jöven shamuptin fiestaman yaykuyänanpaq shuyaq aywayänaq. 2Pitsqa kaq jipashkunash alli yarpayyuq kayänaq. Pitsqa kaqnash yarpayninnaq kayänaq. 3Yarpayninnaq kaqkunaqa manash aktsinkunaman aceitita yapayänanpaq apayänaqtsu. 4Peru alli yarpayyuq kaq jipashkunash sïqa aktsinkunapaq aceitita apayänaq. 5Casaraq jöven manaraq chaptinshi tsay jipashkuna shuyaraykäyanqanchö puñukaskiyänaq.
6<<Pullan paqasnash juk runa qayakur ninaq: <¡Casaraq jövinmi shamuykanna! ¡Chaskiyänaykipaq yarqayämuy!> 7Tsayshi llapan jipashkuna sharkur aktsinkunata tsaritsiyänaq. 8Aktsinkuna wañunaptinshi yarpayninnaq jipashkuna alli yarpayyuq kaqkunata mañakur niyänaq: <Aktsïkunam wañuykanna. Aceitita qaraykayällämay>. 9Tsaynö niyaptinshi alli yarpayyuq jipashkuna niyänaq: <Mana ushakäpukunapaq aceiti rantikuqkunapita sas rantiyämuy>.
10<<Aceiti rantiq aywayanqanyaqshi casaraq jöven chänaq. Tsayshi alistakushqa shuyaraykaq jipashkunawan fiestaman yaykuskiyaptin punkuta wichqaskamunaq. 11Aceiti rantiq jipashkuna kutirnash punku wichqaraykaqtana tariyänaq. Tsayshi qayakur niyänaq: <¡Taytay, taytay! ¡Punkuta kichapaykayällämay!> 12Tsaynö qayakuyaptinshi casaraq jöven ruripita nimunaq: <Qamkunata manam reqiyaqtsu. ¡Piraq kayankipis!> >>#Luc. 13.25.
13Tsaynö willakuskirmi Jesús nirqan: <<¡Qamkunapis wiyaq wiyaqlla kayay! Manam musyayankitsu imay junaq ni imay höra [Runapa Tsurin kutimunanpaq kanqanta]>>.
Serviqninkunata patronnin qellayta prestanqan
Lucas 19.11-27
14<<Dios Yayapa mandakuynin imanö kanqanta willayäshayki. Juk runash karupa aywakunanpaq serviqninkunata qayaskir qellayninta prestanaq. 15Habilidäninkuna imanö kanqanta tantiyarshi jukninta pitsqa talentu#25.15 Juk talentum karqan juk runa ishkay chunka (20) wata arupukur gänanqannö. qellayta prestanaq, jukninta ishkay talentu qellayta prestanaq y jukaqtanash juk talentu qellayta prestanaq. Tsaypitanash karu markapa aywakunaq. 16Pitsqa talentu qellayta chaskiq kaqshi negociuta rurar pitsqa talentu masta gänanaq. 17Ishkay talentu qellayta chaskiq kaqpis negociuta rurarshi ishkay talentu mas qellayta gänanaq. 18Peru juk talentu qellayta chaskiq kaqshi sïqa patsata uchkuskir pampaskinaq.
19<<Patronnin unayta kutiykurnash qellayninta prestanqanpita cuentata mañanaq. 20Pitsqa talentu qellayta chaskiq kaqshi pitsqa talentu mas qellayta entregar ninaq: <Taytay, pitsqa talentu qellayta prestamanqaykiwanmi pitsqa talentu mas qellayta gänashkä>.
21<<Patronninnash ninaq: <Alli servikuqmi kanki. Wallkallapitapis qellayta miratsinqaykipitam mas mandakuq kanaykipaq churashayki. Wajïman yaykamuy fiestata rurar kushikunapaq>.
22<<Tsaynöllash ishkay talentu qellayta chaskiq kaqpis ninaq: <Taytay, ishkay talentu qellayta prestamanqaykiwanmi ishkay talentu mas qellayta gänashkä>.
23<<Patronninnash ninaq: <Alli servikuqmi kanki. Wallkallapitapis shumaq miratsinqaykipitam mas mandakuq kanaykipaq churashayki. Wajïman yaykamuy fiestata rurar kushikunapaq>.
24<<Peru juk talentu qellayta chaskiq serviqninshi sïqa ninaq: <Taytay, noqam musyä mana llakipäkuq kanqaykita. Qamqa mana murunqaykipitam cosechanki. Mana arunqaykipitam qorinki. 25Tsaynö kaptikim mantsakurnin qellaynikita pampaykurqä. Taytay, kayllä qellayniki. Kanqantanöllam apamushkä>.
26<<Patronninnash ninaq: <¡Qamqa mana confiakuypaq qela servikuqmi kanki! Mana murunqäpita cosechanqäta musyaykar y mana arunqäpita qorinqäta musyaykarqa 27qellaynïta bancullamanpis churankiman karqan kutimur wachaynintawan qorinäpaq>.
28<<Tsaychö runakunatanash ninaq: <¡Katsinqan qellaynïta qechuskir chunka talentu qellay katsiqta qaraykuyay! 29Confiakuypaq kaqtaqa mastam alistapäshaq. Peru mana confiakuypaq kaqtam sïqa ichiklla katsinqantapis qechushaq.#Mat. 13.12; Mar. 4.25; Luc. 8.18. 30Kay yarpayninnaq servikuqta mantsaypaq tutapayman qaykuyay. Tsaychömi alläpa waqar kiruntapis requchyätsirraq ñakanqa> >>.#Mat. 8.12; 22.13; Luc. 13.28.
Día del juiciu imanö kananpaq kanqan
31<<Runapa Tsurin chipakyaq santu angelninkunawan shamurmi#Mat. 16.27. chipakyaq trönunman jamakunqa.#Mat. 19.28. 32Tsay junaqmi maytsay nacionkunapitapis llapan runakuna puntanman qorikäyanqa. Tsaymi mitsikuq runa üshakunata cabrakunapita rakinqannö runakunata rakinqa. 33Üshakunatam derëcha kaq lädunman rakinqa y cabrakunatanam itsuq kaq lädunman rakinqa.
34<<Derëcha kaq lädunchö kaqkunatam ninqa: <Qamkunatam Taytä alläpa kuyayäshunki. Dios Yayapa mandakuyninman yaykuyänaykipaq shayämuy. Mandakuynintaqa kay patsata manaraq kamarmi qamkunapaq Taytä alistashqa. 35Qamkunam mallaqaykaptï qarayämashkanki. Yakunaykaptïmi yakuta qarayämashkanki. Jukläpita kaykaptïmi patsatsiyämashkanki. 36Llatapannaq kaykaptïmi llatapä shukutsiyämashkanki. Qeshyaykaptïmi jampiyämashkanki. Carcelchö qaykuraykaptïmi watukayämashkanki>.#Heb. 13.3.
37<<Tsaynö niptinmi tsay alli ruraqkuna tapuyanqa: <Taytay, ¿imaytan mallaqaykaptiki qarayarqaq? ¿Imaytan yakunaykaptiki yakuta qarayarqaq? 38¿Imaytan jukläpita kaykaptiki patsatsiyarqaq? ¿Imaytan llatapannaq kaykaptiki llatapata shukutsiyarqaq? 39¿Imaytan qeshyaykaptiki o carcelchö qaykuraykaptiki watukaqniki shayämurqä?> 40Tsaynö niyaptinmi rey ninqa: <Rasun kaqtam niyaq: Pitapis tsaynö ñakaqkunata llakiparqa noqatam llakipäyämashkanki>.#Eze. 18.7.
41<<Itsuq kaq lädunchö kaqkunatanam ninqa: <¡Maldicionashqa kaqkuna, puntäpita witiyay! ¡Diablupaq y angelninkunapaq alistashqa imaypis mana wañuq ninaman aywayay! 42Qamkunaqa mallaqaykaptïpis manam qarayämashkankitsu. Yakunaykaptïpis manam yakuta qarayämashkankitsu. 43Jukläpita kaykaptïpis manam patsatsiyämashkankitsu. Llatapannaq kaykaptïpis manam llatapata shukutsiyämashkankitsu. Qeshyaykaptïpis carcelchö qaykuraykaptïpis manam watukayämashkankitsu>.
44<<Tsaynö niptinmi itsuq lädunchö kaqkunapis tapuyanqa: <Taytay, ¿imaytan mallaqaykaqta, yakunaykaqta, jukläpita kaykaqta, llatapannaq kaykaqta, qeshyaykaqta, carcelchö qaykuraykaqta rikaykar yanapayarqaqtsu?> 45Paykunatanam ninqa: <Rasun kaqtam niyaq: Pitapis tsaynö ñakaqkunata mana llakiparmi noqatapis llakipäyämashkankitsu> >>.#1Cor. 8.12.
46Tsaypitanam Jesús nirqan: <<Tsay mana llakipäkuq runakunaqa imayyaqpis castigashqam kayanqa. Peru Dios Yaya munanqannö llakipäkuq runakunam sïqa mana ushakaq kawayta tariyanqa>>.#Dan. 12.2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.